របាយការណ៍​របស់ Captiv8 ដែល​យក​មក​ចុះ​ផ្សាយ​ដោយ​គេហទំព័រ​ដ៏​ល្បី​ឈ្មោះ The Economist កាល​ពី​ឆ្នាំ ២០១៦ បាន​ឲ្យ​ដឹង​ពី​ទំហំ​ទឹក​ប្រាក់​ដែល​បុគ្គល​ល្បី​ៗ រក​បាន​គិត​ជា​មធ្យម​ពី​បណ្ដាញ​ទំនាក់​ទំនង​សង្គម​ចំនួន ៦។

បណ្ដាញ​សង្គម​ទាំង​នោះ​គឺ Youtube, Facebook, Instagram, Snapchat, Vine និង Twitter។

ការ​រក​លុយ​បាន​ច្រើន​ ឬ​តិច របស់​បុគ្គល​ល្បីៗ​ក្នុង​បណ្ដាញ​សង្គម គឺ​អាស្រ័យ​លើ​ប្រជាប្រិយភាព​របស់​បុគ្គល​នោះ។ តួ​យ៉ាង យោង​តាម​ទិន្នន័យ​របស់ Captiv8 កាល​ពី​ឆ្នាំ ២០១៦ បើ​សិន​ជា​បុគ្គល​មាន Follower លើស​ពី ៧​លាន​នាក់​ក្នុង​ Youtube ចំណូល​ដែល​ពួក​គេ​រក​បាន​ក្នុង​ការ​បង្ហោះ​វីដេអូ​ម្ដង​ៗ​ ជា​មធ្យម​គឺ​រហូត​ដល់​ទៅ​ប្រមាណ ៣០ ម៊ឺន​ដុល្លារ​សហរដ្ឋអាមេរិក​ឯណោះ។

ប្រភព​សំខាន់​នៃ​ចំណូល​នេះ គឺ​បាន​មក​ពី​ការ​ផ្សាយពាណិជ្ជកម្ម​របស់​ក្រុមហ៊ុន​ម៉ាក​ល្បីៗ​ជា​ច្រើន។ ក្រុមហ៊ុន​ទាំង​នោះ មើល​ឃើញ​បណ្ដាញ​ទំនាក់ទំនង​សង្គម​ គឺ​ជា​កន្លែង​មួយ​ដែល​ អាច​មើល​ឃើញ​ច្បាស់​ជាង​មុន ​ថា​នរណា​ជា​អតិថិជន​គោល​ដៅ​ និង​”អាចប្រាស្រ័យ​ទាក់ទង​ដោយ​ផ្ទាល់​ ឬ​ប្រយោល​ជាមួយ​អ្នក​ទាំង​នោះ”។

ខាង​ក្រោម​ជា​តួ​លេខ​ដែល​បុគ្គល​ល្បី​ក្នុង​បណ្ដាញ​សង្គម​ទាំង ៦ អាច​រក​បាន​ជា​មធ្យម​ពី​ការ​បង្ហោះ​ម្ដងៗ (ទិន្នន័យ​អាច​ប្រែប្រួល​នា​ពេល​បច្ចុប្បន្ន) ៖


សូម​បញ្ជាក់​ផង​ដែរ Vine ត្រូវ​បាន​បិទ​ជា​ផ្លូវ​ការ​រួច​បាត់​ទៅ​ហើយដោយ Twitter កាល​ពី​ដើម​ឆ្នាំ ២០១៧៕

ប្រភព៖ sabay.com.kh