ជំងឺគ្រុនផ្តាសាយ ដែលបណ្តាលមកពីវីរុស គឺជាជំងឺមួយ ដែលអាចគំរាមកំហែង ដល់សុខភាពយ៉ាងធ្ងន់ធ្ងរ។ រោគសញ្ញា ត្រូវបានលេចចេញច្បាស់លាស់ ហើយផ្សេងគ្នាៗ ពីមនុស្សម្នាក់ទៅមនុស្សម្នាក់ទៀត។ ចូរប្រុងប្រយ័ត្ន ចំពោះរោគសញ្ញាខាងក្រោមនេះ ៖
អស់កម្លាំងខ្លាំង
ជំងឺនេះ ធ្វើឲ្យមានអតុល្យភាពក្នុងរាងកាយ ដូច្នេះ អ្នកនឹងចាប់ផ្តើមអស់កម្លាំងខ្លាំង។
ឈឺខ្លួន
ដោយសារតែការអស់កម្លាំង និងការឡើងកម្តៅរាងកាយ អ្នកដែលឆ្លងជំងឺនេះ ភាគច្រើនឈឺក្នុងខ្លួន សឹងតែប៉ះមិនបាន ហើយមិនមានផាសុកភាពទាល់តែសោះ។
ក្តៅ
វាជាសញ្ញាចំបង នៃជំងឺមួយនេះ។ ការក្តៅខ្លាំងបែបនេះ ពិតជាមានគ្រោះថ្នាក់ណាស់ សម្រាប់សុខភាពរបស់អ្នក។
ក្អក និងហៀរសំបោរ
ការឆ្លងមេរោគ អាចបណ្តាលឲ្យអ្នក មានអារម្មណ៍ញាប់ញ័រ ក្អក ហើយហៀរសំបោរគ្រប់ពេល។ ក្នុងករណីនេះ វាអាចចម្លងទៅអ្នកដ៏ទៃលឿនបំផុត។
តឹងច្រមុះ
អាការៈនេះ នឹងកើតក្រោយពេលអ្នកក្អក និងហៀរសំបោរ ហើយវាពិតជាធ្វើឲ្យអ្នក ពិបាកដកដង្ហើម ហើយគេងមិនសូវលក់ទៀតផង។
ឈឺក្បាល
វាជាផលវិបាក នៃការឡើងកម្តៅ និងការឈឺក្នុងរាងកាយ៕