នាងខ្ញុំអាយុ ២៤ឆ្នាំហើយ ។ ខ្ញុំ និងមិត្តភក្តិខ្ញុំនិយាយថា ជំងឺរលាកក្នុងអាងត្រគាកអាចបណ្តាលឲ្យប្រឈមខ្លាំងនឹងការអត់កូន។ តើវាពិតមែនឬអត់?តើមានវិធីអីអាចបង្ការបានទេ?
ជំងឺរលាកក្នុងអាងត្រគៀកគឺជាជំងឺមួយនៃជំងឺឆ្លងតាមការរួមភេទដែលមិនសូវមាននរណាខ្វាយខ្វាល់ច្រើនទេ ហើយថែមទាំងអាចនាំឲ្យអត់កូនបានទៀតផង។ វាអាចបង្កជាការបង្ករោគនៅស្បូន បំពង់ដៃស្បូន និងសរីរាង្គប្រដាប់បន្តពូជផ្សេងៗទៀត ដូច្នេះវាពិតជាប្រឈមខ្ពស់នឹងការអត់កូនមែន។
ភាគច្រើនករណីជំងឺរលាកក្នុងអាងត្រគាកបង្កឡើងដោយការបង្ករោគមួយដែលរាលដាលចេញពីទ្វាមាស ឬមាត់ស្បូន ចូលទៅដល់សរីរាង្គប្រដាប់បន្តពូជខាងលើៗជាច្រើនទៀត។ បាក់តេរីជាច្រើនប្រភេទខុសៗគ្នាសុទ្ធតែនាំឲ្យមានជំងឺនេះ ប៉ុន្តែភាគច្រើនបំផុតនោះគឺជំងឺកាមរោគដែលបណ្តាលមកពីមេរោគប្រមេះទឹកបាយ ឬប្រមេះទឹកថ្លាតែម្តង។ ដូច្នេះ ការរួមភេទជាមួយមនុស្សម្នាក់ដែលមានជំងឺប្រមេះទឹកថ្លា អាចនឹងប្រឈមមុខខ្ពស់ខ្លាំណាស់។
ករណីភាគច្រើន ជំងឺរលាកក្នុងអាងត្រគាកកើតឡើងលើស្ត្រីដែលមានភាពសកម្មខាងផ្លូវភេទ ជាពិសេសអាយុក្រោម ២៥ឆ្នាំ។ នេះដោយសារតែមាត់ស្បូនរបស់ស្ត្រីអាយុប៉ុននេះ មិនទាន់មានត្រៀមខ្លួក្នុងការប្រឆាំង និងទប់ស្កាត់ជំងឺកាមរោគបាននៅឡើយ។ ម្យ៉ាងវិញទៀត ស្ត្រីដែលជ្រើសរើសដគូររួមភេទដែលកំពុងតែមានដៃគូររួមភេទច្រើនក៏ងាយនឹងប្រឈមនឹងបញ្ហាមិនងាយមានកូននៅថ្ងៃក្រោយដែរ។
តាមការប៉ាន់ស្មាន ស្ត្រីម្នាក់ក្នុងចំណោមស្ត្រី ៥នាក់ដែលមានជំងឺរលាកក្នុងអាងត្រគាកគឺមិនអាចមានកូនបានទេ។ យ៉ាងណាមិញ ស្ត្រីភាគច្រើនអាចនឹងមានផ្ទៃពោះដោយគ្មានបញ្ហាក្រោយពីមានជំងឺនេះម្តង។ ជំងឺរលាកក្នុងអាងត្រកាកអាចបណ្តាលឲ្យមានផលវិបាកច្រើនដូចជា មិនអាចមានកូន ឬមានកូនក្តៅស្បូន កើតដំបៅ និងឈឺចាប់ក្នុងអាងត្រគាករ៉ាំរ៉ៃ។
ខាងក្រោមនេះ គឺជាវិធីសាស្ត្រគន្លឹះមួយចំនួនតួចដែលអ្នកគួរតែចងចាំដើម្បីបន្ថការប្រឈមនឹងជំងឺកាមរោគ និងជំងឺរលាកក្នុងអាងត្រគាកដែរ៖
-ចូរពិគ្រោះជាមួយគ្រូពេទ្យបើសិនជាអ្នកធ្លាប់មានអាការៈទាក់ទងនឹងការបង្ករោគនៅទ្វារមាស ឬជំងឺកាមរោគ
ចូរអនុវត្តនូវវិធីសាស្ត្ររួមភេទប្រកបដោយសុវត្ថិភាពជាមួយនឹងការប្រើប្រាស់ស្រោមអនាម័យជានិច្ច
-ចូរឧស្សាហ៍ណាត់ជួបជាមួយគ្រូពេទ្យជាទៀងទាត់ដើម្បីយល់ដឹងអំពីការបង្ករោគបើសិនជាអ្នកកំពុងតែមានភាពសកម្មខាងផ្លូវភេទ
-រោគសញ្ញានៅប្រដាប់ភេទដូចជា មានដំបៅខុសពីធម្មតា មានការហូរទឹករំអិលចម្លែក នោមក្រហាយ ឬមានឈាមនៅចន្លោះពេលមករដូវ សុទ្ធតែជាអាការៈសង្ស័យជំងឺកាមរោគបានទាំងអស់៕