រាំងរដូវ មិនមែនសុទ្ធតែមានផ្ទៃពោះទេ! កត្តាទាំងនេះក៏អាចនាំឱ្យអ្នកមកមករដូវដែរ

ការមករដូវគួរតែកើតឡើងនៅពេលជាក់លាក់មួយរាល់ខែ។ ជួនកាលវាអាចយឺតរយៈពេល ២ ឬ ៣ ថ្ងៃគ្មានអ្វីគួរអោយបារម្ភឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាប្រសិនបើអ្នករាំងរដូវដល់ទៅប៉ុន្មានសប្តាហ៍ ឬពីរបីខែដោយមិនបានរួមភេទ ឬប្រាកដថាខ្លួនឯងគ្មានផ្ទៃពោះ នោះវាអាចជារោគសញ្ញាមួយនៃបញ្ហាសុខភាពមិនខាន។ ថាតើបញ្ហានោះអាចមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញអោយដឹងពី​មូលហេតុដែលបណ្ដាលអោយរាំងរដូវ ៖  

១. ស្ត្រេស

ភាពស្ត្រេសជះឥទ្ធិពលអវិជ្ជមានជាច្រើនចំពោះរាងកាយ រួមបញ្ចូលទាំងមុន កើនទម្ងន់ និងឈឺក្បាល។ភាពតានតឹងក្នុងអារម្មណ៍ក៏ប៉ះពាល់ដល់រយៈពេលនៃការមករដូវផងដែរ ដោយរាងកាយមិនអាចផលិតផលអ័រម៉ូនបានត្រឹមត្រូវ ជាពិសេសអ័រម៉ូន cortisol និង អ័រម៉ូនadrenaline។

២. បញ្ហាពាក់ព័ន្ធនឹងក្រពេញទីរ៉ូអ៊ីត

ក្រពេញទីរ៉ូអ៊ីតទទួលខុសត្រូវលើការដុតរំលាយអាហារនៃរាងកាយ។ ប្រសិនបើវាដំណើរការមិនប្រក្រតីទេនោះ វាអាចបង្កជាបញ្ហារាំងរដូវ ឬវដ្តរដូវមិនធម្មតា។ ជំងឺក្រពេញទីរ៉ូអ៊ីត Hyperthyroidism អាចនាំឱ្យរដូវឆាប់អស់និងធ្លាក់ឈាមតិចៗ ខណៈដែលជំងឺក្រពេញទីរ៉ូអ៊ីត hypothyroidism អាចជះឥទ្ធិពលផ្ទុយវិញលើវដ្តរដូវ។ អ្នកត្រូវធ្វើតេស្តឈាមដើម្បីវេជ្ជបណ្ឌិតអាចធ្វើរោគវិនិច្ឆ័យកំណត់បញ្ហាបាន។

៣. ជំងឺ

ពេលខ្លះប្រសិនបើអ្នកគ្រុនក្ដៅ ឬមានជំងឺផ្សេងៗកំឡុងពេលអ្នកត្រូវបញ្ចេញអូវុលនោះវាអាចបង្កភាពតានតឹងចំពោះរាងកាយ។ នៅពេលបញ្ហានេះកើតឡើង រដូវរបស់អ្នកនឹងមកយឺត ឬរាំងរដូវតែម្ដងសម្រាប់រយៈពេលពេញមួយខែ។ ប្រសិនរដូវមកយឺត ឬរាំងដោយសារតែជំងឺនោះវានឹងត្រឡប់មកប្រក្រតីវិញនៅពេលអ្នកជាសះស្បើយ។

៤. ភាពប្រែប្រួលនៃទម្ងន់

ទម្ងន់របស់អ្នកក៏អាចមានឥទ្ធិពលលើមុខងារលើក្រពេញ hypothalamus ផងដែរ។ ក្រពេញនេះស្ថិតនៅក្នុងខួរក្បាលដែលជួយគ្រប់គ្រងដំណើរការផ្សេងៗក្នុងរាងកាយរួមបញ្ចូលទាំងវដ្តនៃរដូវ។ ការស្រក ឬឡើងទម្ងន់ភ្លាមៗអាចជះផលប៉ះពាល់ដល់រដ្តនៃរដូវគួរឱ្យកត់សម្គាល់។ បរិមាណនៃកាឡូរីទាបពេកក្នុងរាងកាយ ឬទ​ម្ងន់នៃរាងកាយស្រាលពេកជះផលប៉ះពាល់ដល់ក្រពេញ hypothalamus។ ជាលទ្ធផលវានឹងបង្កបញ្ហាដល់ការផលិតអ័រម៉ូន estrogen ហើយអ័រម៉ូននេះត្រូវការចាំបាច់សម្រាប់បង្កើនស្រទាប់នៃស្បូន។ កម្រិតនៃអ័រម៉ូន estrogen ទាបពេក ឬខ្ពស់ពេកក្នុងរាងកាយអាចនាំឱ្យយូរមករដូវ ឬរដូវមកមិនទៀង ហើយអាចធ្លាក់ឈាមរដូវច្រើនៗ៕