ខាងក្រោមនេះ health.com.khនឹងបង្ហាញអ្នកពីមុខសញ្ញាដែលអាចបង្ហាញប្រាប់អ្នកថាបេះដូងអ្នកកំពុងតែមិនស្រួល ដោយបង្ហាញតាមរយៈមុខរបស់អ្នក។ តើមានអ្វីខ្លះទៅ?
- មុខអ្នកនឹងអាចហើមបានពេលដែលបេះដូង និងក្រលៀនអ្នកមិនស្រួល។ ពេលដែលក្រលៀនមិនស្រួល មុខអ្នកនឹងអាចហើមខ្លាំងពេលទើបតែក្រោកពីគេង លុះដល់ថ្ងៃត្រង់ទើបចាប់ផ្តើមស្រកវិញ។ ប៉ុន្តែបើបេះដូងមានបញ្ហា មិនត្រឹមតែមានមុខហើមទេ ថែមទាំងដកដង្ហើមមិនទាន់គ្នាទៀតផង ដោយសូម្បីតែដើរធម្មតា ក៏អាចកើតមានអាការៈហត់ខ្លាំង ហើយពិបាកដកដង្ហើមផងដែរ។
- ពេលដែលបេះដូងមិនស្រួល ឈាមក្នុងរាងកាយអ្នកនឹងដើរមិនស្រួល ដោយមិនអាចផ្គត់ផ្គង់ដល់រាងកាយបានគ្រប់គ្រាន់ ដោយធ្វើឲ្យបបូរមាត់អ្នកប្រែជាស្វាយ ឬស្លេកខ្លាំង។ ដូចនេះ នៅពេលដែលកើតមានអាការៈនេះ អ្នកគួរតែប្រយ័ត្នឲ្យបានខ្ពស់។
- នៅពេលដែលអណ្តាតអ្នកចាប់ផ្តើមប្រែពណ៌ អ្នកគួរតែប្រយ័ត្ន ព្រោះអាចទាក់ទងនឹងបញ្ហាបេះដូងបាន។ ដូចនេះ អ្នកគួរតែត្រៀមចិត្ត ហើយពិនិត្យឲ្យបានល្អិតល្អន់ ទើបអាចការពារបេះដូងអ្នកមានសុខភាពល្អ៕