ថាតើនរណាទៅមិនចង់បានក្បាលពោះរាបស្មើរាងស្លីមស្រស់ស្អាតនោះ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការជ្រើសរើសអាហារត្រឹមត្រូវអាចជួយអោយអ្នកស្រកទម្ងន់បានឆាប់រហ័សដោយមិនបង្កផលប៉ះពាល់ណាមួយចំពោះសុខភាព។ ថាតើអាហារអ្វីខ្លះទៅជួយឱ្យអ្នកឆាប់ទទួលបានក្បាលពោះរាបស្មើ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារទាំងនោះ ៖
១. ប្រេងអូលីវ
អ្នកក៏គួរសាកល្បងប្រេងអូលីវសម្រាប់កម្ចាត់ខ្លាញ់ក្បាលពោះផងដែរ។ នេះក៏ព្រោះតែប្រេងអូលីវមានផ្ទុកជាតិខ្លាញ់ monounsaturated និងសារធាតុប្រឆាំងអុកស៊ីតកម្ម។ ក្រៅពីជួយឱ្យស្រកទម្ងន់ហើនោះ ប្រេងអូលីវក៏ប្រសើរសម្រាប់សុខភាពរាងកាយទាំងមូលផងដែរ។ អ្នកអាចបន្ថែមវាក្នុងអាហារសាឡាដនិងទឹកជ្រលក់ជាដើម។
២. គ្រាប់ផ្កាឈូករ័ត្ន
អាហារមួយប្រភេទទៀតដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីកម្ចាត់ខ្លាញ់ក្បាលពោះនោះ គឺគ្រាប់ផ្កាឈូករ័ត្ន។ នេះក៏ព្រោះតែវាមានផ្ទុកសម្បូរទៅដោយវីតាមីន B ដែលចាំបាច់សម្រាប់ទប់ស្កាត់ប្រឆាំងការរលាក។ ម្យ៉ាងវិញទៀតគ្រាប់ពូជនេះជាប្រភពដ៏ប្រសើរនៃវីតាមីន E ដែលជួយមិនឱ្យឃ្លាន។
៣. គ្រាប់ធញ្ញជាតិ
ជាប្រភពដ៏ប្រសើរនៃជាតិខ្លាញ់សុខភាពល្អ ជាតិសសៃ ព្រមទាំងអាស៊ីតខ្លាញ់អូមេហ្គា ៣ ខ្ពស់ដែលជួយក្នុងការសម្រកទម្ងន់បានយ៉ាងប្រសើរ។ វាជួយទប់ស្កាត់ចំណង់អាហារនិងជួយអោយឆ្អែតបានយូរ។ ដូច្នេះកុំភ្លេចបន្ថែមគ្រាប់ធញ្ញជាតិមួយក្ដាប់ដៃពេញក្នុងរបបអាហារប្រចាំថ្ងៃរបស់អ្នក។
៤. តែបៃតង
ជាប្រភពដ៏ប្រសើរនៃវីតាមីន A B B5 D C E H និង K ព្រមទាំងម៉ង់កាណែស និងជាតិរ៉ែដទៃទៀត រួមបញ្ចូលទាំង chromium ជាតិស័ង្កសី និងសេលេញ៉ូម ព្រមជាមួយសារធាតុប្រឆាំងអុកស៊ីតកម្មដែលជួយដុតបំផ្លាញជាតិខ្លាញ់និងកាឡូរីបានឆាប់។ ការទទួលទានតែបៃតង ៥ ពែងក្នុងមួយថ្ងៃអាចជួយអោយអ្នកស្រកទម្ងន់បានច្រើនជាងធម្មតាទ្វេដង។
៥. ផ្លែបឺរ
មានផ្ទុកសម្បូរទៅដោយជាតិខ្លាញ់សុខភាពល្អ monounsaturated ប្រូតេអ៊ីន ជាតិសសៃ និងសារធាតុចិញ្ចឹមដែលផ្ដល់អត្ថប្រយោជន៍ចាំបាច់ជាច្រើនពិសេសកំឡុងពេលអ្នកព្យាយាមសម្រក
ទម្ងន់។ ផ្លែបឺរក៏ជាប្រភពនៃអាស៊ីតខ្លាញ់ oleic ដែលជួយធ្វើអោយអ្នកឆាប់ឆ្អែត និងបានយូរផងដែរ។
៦. ត្រីសាលម៉ុន
ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣ ប្រូតេអ៊ីន សារធាតុ astaxanthin និងសារធាតុប្រឆាំងអុកស៊ីតកម្មដែលជួយអោយស្រកទម្ងន់បានឆាប់ និងធ្វើអោយអ្នកមានអារម្មណ៍ឆ្អែតដោយមិនបន្ថែមជាតិខ្លាញ់។
៧. ខ្ញី
ខ្ញីមានសមត្ថភាពបង្កើនការរំលាយអាហារនិងពន្លឿនការដុតរំលាយអាហារក្នុងរាងកាយដែលប្រសើរបំផុតជួយក្នុងការសម្រកទម្ងន់។ ការទទួលទានខ្ញី ឬទឹកខ្ញីនៅពេលព្រឹកជួយកាត់បន្ថយចំណង់អាហារគួរឱ្យកត់សម្គាល់។
៨. ចេក
ចេកក៏ជាជម្រើសនៃផ្លែឈើដ៏ប្រសើរសម្រាប់អ្នកចង់ស្រកទម្ងន់ផងដែរដោយវាមានផ្ទុកជាតិកាឡូរីទាប ប៉ុន្តែសារធាតុចិញ្ចឹមសំខាន់ៗខ្ពស់។ លើសពីនេះទៅទៀត ផ្លែចេកមានផ្ទុកសម្បូរទៅដោយជាតិសសៃដែលជួយកម្រិតល្បឿនត្រឹមត្រូវនៃការរំលាយអាហារ។ ការទទួលទានចេកត្រឹមតែមួយផ្លែនឹងធ្វើអោយអ្នកមានអារម្មណ៍ឆ្អែតបានយូរ និងថែមទាំងអាចជួយទប់ស្កាត់ដោះស្រាយបញ្ហាទល់លាមកទៀតផង។