Join with Health.com.kh on Telegram

យោងតាម​វើ​ប​សាយ​សារព័ត៌មាន​បាងកក​ប៉ុស្តិ៍ បានឱ្យដឹងថា នៅ​ថ្ងៃ​អង្គារ​ទី​២៩ ខែធ្នូ នេះ រដ្ឋាភិបាល​ថៃ​បានប្រកាសថា​មាន​អ្នកស្លាប់​ដោយ​កូ​វីដ​-១៩​ម្នាក់ និង​រកឃើញ​អ្នក​ឆ្លង​ថ្មី​ចំនួន​១៥៥​នាក់ ដែល​ក្នុងចំណោម​នះ​១៣៤​នាក់​ឆ្លង​នៅក្នុង​ស្រុក ១១​នាក់​ជា​ជន​ចំណាកស្រុក និង​១០​នាក់​ជា​អ្នកធ្វើ​ច​ត្តា​ឡី​ស័ក​បន្ទាប់ពី​ចូលមក​ពី​ក្រៅប្រទេស នាំអោយ​ថៃ​មាន​អ្នក​ឆ្លង​វីរុស​នេះ​សរុប​៦.៤៤០​នាក់ និង​ស្លាប់​កើន​ដល់​៦១​នាក់ ។​

​អនុរដ្ឋមន្ត្រី​សុខាភិបាល​ថៃ បាន​អះអាង អ្នក​ជម្ងឺ​កូ​វីដ​-១៩​ម្នាក់​ដែល​ស្លាប់​នោះ ជា​បុរស​វ័យ​៤៥​ឆ្នាំ ដែលមាន​ជំងឺ​បេះដូង ស្ត្រូ​ក​និង​ទឹកនោមផ្អែម​ស្រាប់ បាន​ឆ្លង​មេរោគ​នេះ​នៅ​មន្ទីរពេទ្យ​ខេត្ត​រ៉ា​យ៉ង​កាលពី​ថ្ងៃអាទិត្យ​ហើយ​មាន​អា​ការៈដកដង្ហើម​ធ្ងន់ធ្ងរ​នៅ​មួយថ្ងៃ​បន្ទាប់​។ ជនរងគ្រោះ​ជា​សន្តិសុខ​យាមកាម នៅ​បន​ល្បែង​ខុសច្បាប់​មួយ​នៅ​រ៉ា​យ៉ង ដែលជា​មជ្ឈមណ្ឌល​ផ្ទុះ​ការឆ្លង​ជា​ចង្កោម​តូច​ចុងក្រោយ​នៅ​ថៃ​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព​កូ​វីដ​-១៩​ថៃ បាន​និយាយថា ការឆ្លង​ថ្មី​១០​ករណី គឺ​មកពី​អាឡឺម៉ង់ វៀតណាម ឥណ្ឌា ស៊ុយ​អ៊ែត អាម៉េរិក តួ​ក​គី និង​បា​រ៉ែ​ន​។ ឯ​ការឆ្លង​ក្នុងស្រុក​១២​ករណី មាន​ជាប់​ពាក់ព័ន្ធ​នឹង​ផ្សារ​បង្គា​មួយ​នៅក្នុង​ខេត្ត​សាមុត សា​ខន និង​២​ករណី​ពាក់ព័ន្ធ​នឹង​ការឆ្លង​ជា​កញ្ចុំ នៅ​វង់ល្បែង​ក្នុង​ខេត្ត​រ៉ា​យ៉ង​។ ដោយឡែក​ការឆ្លង​ក្នុងស្រុក​ប្រមាណ​១០០​ករណី​ទៀត កំពុង​ស្ថិតក្រោម​ការស៊ើបអង្កេត​រក​ប្រភព​នៅឡើយ រួមមាន​៥៦​ករណី​នៅ​ខេត្ត​រ៉ា​យ៉ង និង​២៨​ករណី​នៅ​ឈុន​បូរី​។​

​អ្នកនាំពាក្យ​ខាងលើ​បន្តថា ការដាក់ចេញ​វិធានការ​គ្រប់គ្រង​ល្មម អាច​នាំ​ដល់​ការឆ្លង​មួយថ្ងៃ​៨.០០០​នាក់​តែបើ​វិធានការ​គ្រប់គ្រង​តឹងរឹង​អាច​កំហិត​មក​នៅក្រោម​១.០០០​នាក់​ក្នុង​មួយថ្ងៃ​។ ហើយ​បច្ចុប្បន្ន​អាជ្ញាធរ​ថៃ​កំពុង​ដាក់ចេញ​វិធានការ​ល្មម​នៅឡើយ​ទេ បើ​ប្រៀបធៀប​នឹង​អ្វីដែល​បានដាក់​ចេញ និង​ប្រើ​កាលពី​ពេលមុន​។​

​មកទល់ពេលនេះ ការឆ្លង​កូ​វីដ​-១៩ ទូទាំង​ពិភពលោក​បាន​កើន ៤៨៧.២៧៣​នាក់ រហូតដល់​ចំនួន​៨១,៦៧​លាន​នាក់ និង​ស្លាប់​កើន​ដល់ ១,៨៧​លាន​នាក់ ក្រោយពី​៩.១០៥​នាក់​ទៀត​បាន​ស្លាប់​នៅ​រយៈពេល​២៤​ម៉ោង​កន្លងទៅ​៕