Join with Health.com.kh on Telegram

​ជំងឺមហារីក​ក្រពេញប្រូ​ស្តា​ត​គឺជា​ជំងឺមហារី​កមួយ​ប្រភេទ​ដែល​កើតមាន​ជា​ញឹកញាប់​បំផុត​លើ​មនុស្ស​ប្រុស​។ មហារីក​ប្រភេទ​នេះ​ច្រើនតែ​លូតលាស់​យឺតៗ និង​ចាប់ផ្តើម​នៅលើ​ក្រពេញប្រូ​ស្តា​ត​ដោយ​មិន​មាន​បង្ហាញ​នូវ​អាការៈ​អ្វី​ឲ្យដឹង​សោះ​តែ​ម្តង​។ ខណៈពេលដែល ប្រភេទ​មហារីក​ក្រពេញប្រូ​ស្តាត​មួយចំនួន​កើតឡើ​ង​យ៉ាងយឺត ហើយ​ត្រូវការ​ការព្យាបាល​តិចតួច ឬ​អត់​សោះ​នោះ ក៏​មាន​ប្រភេទ​មហារីក​ក្រពេញប្រូ​ស្តាត​ផ្សេងៗ​ទៀត​កើត​ឡើង​ខ្លាំងក្លា ហើយ​រាល់ដាល​ទៅ​កន្លែង​ផ្សេង​លឿន​ដែរ​។

​កត្តា​ដែល​អាច​ធ្វើ​ឲ្យ​បុរស​ប្រឈម​កាន់តែ​ខ្ពស់​នឹង​ជំងឺមហារីក​ក្រពេញប្រូ​ស្តាត​នោះ​មានដូចជា​៖

អាយុ​កាន់តែច្រើន​
ការ​ប្រឈម​នឹង​ជំងឺ​មហារីក​ក្រពេញប្រូ​ស្តាត​លើ​មនុស្ស​ប្រុស​នឹង​កើតមាន​ខ្ពស់​នៅ​ពេល​ពួកគេ​អាយុ​កាន់តែច្រើន​

ស្បែក​ខ្មៅ​
បុរស​ស្បែក​ខ្មៅ​គឺ​មាន​ការ​ប្រឈម​កាន់តែ​ខ្ពស់​នឹង​មហារីក​ក្រពេញប្រូ​ស្តា​តជាង​បុរស​ដែល​មាន​ពណ៌​ស្បែក​ក្រៅពី​ខ្មៅ​។ បុរស​ដែល​ស្បែក​ខ្មៅ​ក៏​ងាយ​នឹង​កើត​មហារីក​ប្រភេទ​ធ្ងន់ធ្ងរ​ដែរ ប៉ុន្តែ​រឿង​នេះ​មិនទាន់​ដឹង​ថា​ហេតុ​អ្វី​នោះ​ទេ​។

ប្រវត្តិ​គ្រួសារ​ទាក់ទង​នឹង​ជំងឺមហារីក​ក្រពេញប្រូ​ស្តាត​
បើសិន​ជា​បុរស​ក្នុង​គ្រួសារ​អ្នក​ធ្លាប់​មាន​ជំងឺ​មហារីក​ក្រពេញប្រូ​ស្តាត ការប្រឈមមុខ​របស់​អ្នក​ក៏​កាន់តែ​ខ្ពស់​ដែរ​។

ការ​ធាត់​ជ្រុល​
បុរស​ដែល​ធាត់​ជ្រុល​ហើយ​មាន​ជំងឺ​មហារីក​ក្រពេញប្រូ​ស្តាត​ទៀត​នោះ ប្រហែលជា​អាច​ធ្វើឲ្យ​ជំងឺ​នេះ​កាន់តែ​ធ្ងន់ធ្ង​រលឿន ព្រមទាំង​ពិបាក​ព្យាបាល​ទៀតផង​៕