វាជារឿងទូទៅនោះចំពោះបុរសដែលលិង្គមិនឡើងរឹងមានអារម្មណ៍មួរម៉ៅ, អន់ចិត្ត, ពិបាកចិត្ត និងមិនមានភាពជឿជាក់លើខ្លួនឯងនោះ។ ចំពោះអារម្មណ៍បែបនេះ, ប្រសិនបើមិនដោះស្រាយទេនោះ, វាអាចនាំអោយមានជំងឺធ្លាក់ទឹកចិត្ត។
ជំងឺធ្លាក់ទឹកចិត្តដែលគួបផ្សំនឹងលិង្គមិនឡើងរឹងគឺអាចព្យាបាលបាន។ ជំហ៊ានដំបូនក្នុងការព្យាយាមជំនះនឹងការធ្លាក់ទឹកចិត្តគឺត្រូវស្មោះត្រង់ចំពោះខ្លួនរបស់អ្នក, ចំពោះដៃគូររបស់អ្នក និងចំពោះគ្រូពេទ្យរបស់អ្នក។ ក្រោយពីជំងឺធ្លាក់ទឹកចិត្តត្រូវបានបង្ហាញ, ដំណោះស្រាយជាមួយនឹងនឹងមានភាពងាយស្រួល និងមិនសូវជាមានស្ត្រេស។
ជំងឺធ្លាក់ទឹកចិត្តគឺជាជំងឺមួយដែលត្រូវបានសម្គាល់ដោយមានការទុក្ខព្រួយជាប់, មានអារម្មណ៍អស់សង្ឃឹម និងមានគំនិតទុតិដ្ឋិនិយម។ រោគសញ្ញាទូទៅបំផុតនៃជំងឺធ្លាក់ទឹកចិត្តរួមមាន៖
– បាត់បង់ជំនឿចិត្ត
– បាត់បង់ភាពសប្បាយរីករាយ
– អស់កម្លាំង
– ផ្លាស់ប្តូរចំណង់នៃការញ៉ាំអាហារ
– មានបញ្ហាទៅនឹងការគេង
– ជាមនុស្សមិនចាប់អារម្មណ៍នឹងរឿងអ្វីទាំងអស់
ជំងឺធ្លាក់ទឹកចិត្តប៉ះពាល់ទៅលើអារម្មណ៍ និងចិត្តគំនិត។ អ្នកដែលមានអារម្មណ៍ធ្លាក់ទឹកចិត្តមិនអាចជម្រុញខ្លួនប្រាណអោយមានភាពប្រសើរនោះទេ។ បើមិនមានការព្យាបាល, រោគសញ្ញានៃជំងឺធ្លាក់ទឹកចិត្តអាចបន្តមាន។ ទោះជាយ៉ាងណាក៏ដោយ, ការព្យាបាលដ៏សមស្របអាចជួយមនុស្សភាគច្រើនដែលទទួលរងនឹងជំងឺធ្លាក់ទឹកចិត្តនេះ អាចត្រឡប់មកភាពដើមវិញ៕