Join with Health.com.kh on Telegram

​បូស​រន្ធ​គូថ​មាន​ពីរ​ប្រភេទ​គឺ Perirectal Abscess និង Perianal Abscess​។ Perirectal Abscess គឺជា​បណ្តំ​នៃ​ខ្ទុះ​កក់កុញ​នៅក្នុង​ជាលិការ​ជ្រៅៗ​ជុំវិញ​រន្ធ​គូថ​។ ចំនែកឯ Perianal Abscess វិញ​គឺជា​បណ្តំ​នៃ​ខ្ទុះ​កកកុញ​នៅលើ​ជាលិកា​សើរៗ​ស្បែក​ជុំវិញ​រុន្ធ​គូថ ប៉ុន្តែ​បូស​ទាំងពីរ​ប្រភេទ​នេះ​ត្រូវបាន​គេ​អោយ​ឈ្មោះ​តែ​មួយ​ថា បូស​រន្ធ​គូថ​។ ទោះបីជា​ប្រភេទ​បូ​ស Perirectal Abscess មាន​លក្ខណៈ​ធ្ងន់ធ្ងរ​ជាង​ក៏​ដោយ ក៏​បូស​ទាំងពីរ​ប្រភេទ​នេះ​ត្រូវការ​ព្យាបាល​អោយបាន​ទាន់ពេលវេលា ព្រោះ​វា​នឹង​ធ្វើអោយ​ស្ថានភាព​របស់​អ្នកជំងឺ​កាន់តែ​ធ្ងន់ធ្ងរ និង​មាន​ផលវិបាក​។​
 
​ដោយ​អាស្រ័យ​ទៅតាម​ភាព​ធ្ងន់ធ្ងរ​របស់​បូស និង​បញ្ហា​សុខ​ភាព​ផ្សេងៗ​ទៀត ការព្យាបាល​ប្រហែលជា​អាច​អោយ​អ្នកជំងឺ​ទៅផ្ទះ​វិញ​បាន​។ គម្រោង​នៃ​ការព្យាបាល​គួរតែ​ពន្យល់​អ្នកជំងឺ​អោយបាន​ក្បោះក្បាយ​។​
– ការវះកាត់​ក្នុង​កម្រិត​តូចតាច​ប្រហែលជា​អាចធ្វើ​បាន​ក្នុង​ការិយាល័យ​របស់​គ្រូពេទ្យ ឬ​បន្ទប់​សង្គ្រោះ​បន្ទាន់​ដោយ​ចាក់​ថ្នាំស្ពឹក​នៅនឹងកន្លែង ព្រមទាំង​ថ្នាំ​ងងុយដេក​ចាក់​តាម​សរសៃ​ផង​។ អ្នកជំងឺ​ភាគច្រើន​ត្រូវការ​បញ្ជូន​ទៅ​ជួប​គ្រូពេទ្យ​វះកាត់​ដើម្បី​ព្យាបាល​ជា​ពិសេស​ព្រោះ​វា​ប្រហែល​ត្រូវ​ទាមទារ​អោយ​មាន​ការ​កាត់ចោល​នូវ​រចនាសម្ព័ន្ធ​មួយ​ចំនួន​។ អ្នកជំងឺ​គួរតែ​អាច​ត្រឡប់ទៅផ្ទះ​វិញ​នៅ​ពេល​ភ្ញាក់​ពី​ដេក និង​ត្រូវ​ប្រើ​ថ្នាំ​បំបាត់​ការឈឺចាប់​រយៈពេល​ពីរ​បី​ថ្ងៃ​ដំបូង​។​
– ការវះកាត់​ប្រហែលជា​ត្រូវ​ធ្វើ​ក្នុង​បន្ទប់​វះកាត់​ដោយ​មាន​ការចាក់​ថ្នាំស្ពឹក​នៅ​នឹង​ចង្កេះ ឬ​អោយ​អ្នកជំងឺ​សន្លប់​តែម្តង ហើយ​អ្នកជំងឺ​ប្រហែលជា​ត្រូវ​ដេក​ក្នុង​មន្ទីរពេទ្យ​ពេញ​មួយ​យប់ ឬ​ច្រើន​ថ្ងៃ​។​
– ការចុះ​ឈ្មោះ​សម្រាក់​ពេទ្យ​ប្រហែលជា​ត្រូវ​ធ្វើ​ជាមួយ​នឹង​ការចាក់​សេរ៉ូម​តាម​សរសៃ​ដើម្បី​ប្រើ​ថ្នាំ​អង់​ទី​បី​យ៉ូ​ទិច និង​ថ្នាំ​បំបាត់​ការឈឺចាប់​។​
– អ្នកជំងឺ​ប្រហែលជា​ត្រូវ​ចាក់​ថ្នាំ​តេតាណូស​បន្ថែម​ប្រសិនបើ​មិន​បាន​ចាក់​កាលពី ៥ ទៅ​១០​ឆ្នាំ​មុន​ទេ​។​
– តេស្ត​ឈាម និង​តេស្ត​ផ្សេងៗ​ទៀត​ប្រហែលជា​ត្រូវ​មើល​សា​ឡើង​វិញ​ដើម្បី​វាយតម្លៃ​ដំណើរការ​របស់​អ្នកជំងឺ​ក្រោយពេល​ព្យាបាល​រួច​។​

​ការតាមដាន​
​អ្នកជំងឺ​ប្រហែលជា​មាន​ការឈឺចាប់​ច្រើន​ថ្ងៃ​ក្រោយ​ពី​វះកាត់​រួច ប៉ុន្តែ​វា​គួរតែ​ធូរស្បើ​ទៅវិញ​ទេ​។​
– ចំពោះ​មុខ​របស់​ប្រហែលជា​មិន​ត្រូវ​ដេរ​ទេ ដូច្នេះ​អាច​នឹង​មាន​ការបង្ក​រោគ​នៅ​កន្លែង​នោះ​។ ប្រសិនបើ​របួស​ត្រូវ​បាន​ដែរ វា​នឹង​ធ្វើអោយ​ករ​ខ្ទុះ​ម្តងទៀត​ហើយ​។​
– អ្នកជំងឺ​ប្រហែលជា​ត្រូវ​ប្រើ​ថ្នាំ​អង់​ទី​បី​យ៉ូ​ទិច និង​ថ្នាំ​បំបាត់​ការឈឺចាប់​រយៈពេល​ច្រើន​ថ្ងៃ​អាស្រ័យ​ទៅតាម​ស្ថានភាព​អ្នកជំងឺ​។​
– ការប្រើប្រាស់​ថ្នាំ​បន្ទន់​លាមក និង​អនាម័យ​អោយ​ល្អ​ដូចជា ត្រាំ​ទឹ​កក្តៅ​ក្រោយពេល​បត់ជើងធំ​ម្តងៗ វា​នឹង​ជួយ​កាត់បន្ថយ​នូវ​ការឈឺចាប់​របស់​អ្នក និង​ឆាប់​ជា​ឡើងវិញ​៕