អង្គការសុខភាពពិភពលោកណែនាំឱ្យមានវិធានការសុវត្ថិភាពផ្សេងៗគ្នាដើម្បីការពារខ្លួនអ្នកពីមេរោគឆ្លងថ្មីដែលរួមមានអនាម័យដៃនិងដង្ហើម។ យ៉ាងណាមិញ នៅតែមានអ្នកមិនអើពើ ព្រងើយកន្តើយ នឹងវិធានការពារទាំងនេះ។ នៅទីនេះ សូមដាស់តឿន និងក្រើនរំលឹកឡើងវិញ នូវវិធីការពារខ្លួនអ្នកពីជម្ងឺកូវីដ-១៩។
ដំបូងបង្អស់វាត្រូវបានគេណែនាំឱ្យមនុស្សឧស្សាហ៍លាងដៃជាមួយសាប៊ូនិងទឹក ឬដោយប្រើជែលដែលមានជាតិអាល់កុល។ វាក៏សំខាន់ផងដែរថា នៅពេលដែលក្អក និងកណ្តាស់ ពួកគេតែងតែខ្ទប់មាត់ និងច្រមុះដោយប្រើកែងដៃ ឬក្រដាសអនាម័យ (ហើយបន្ទាប់មកបោះចោលក្រដាសដែលប្រើរួចលាងដៃ) ។ មនុស្សក៏គួរតែព្យាយាមឱ្យអស់ពីសមត្ថភាព នៅឱឆ្ងាយពីនរណាម្នាក់ ដែលមានគ្រុនក្តៅ ឬក្អក។
ចៀសវាងការប៉ះភ្នែក ច្រមុះ និងមាត់របស់អ្នក ពីព្រោះប្រសិនបើវីរុសមាននៅលើដៃរបស់អ្នក វាអាចចូលក្នុងខ្លួនអ្នកតាមរយៈភ្នាសរំអិលរបស់អ្នក និងធ្វើឱ្យខ្លួនអ្នកឈឺ។
CDC ផ្តល់អនុសាសន៍ថា វាក៏សំខាន់ផងដែរក្នុងការរក្សា “គម្លាតសង្គម” ដើម្បីការពារការឆ្លងពីមនុស្សទៅមនុស្ស។ វាក៏និយាយផងដែរថា មនុស្សគ្រប់រូបគួរតែពាក់ម៉ាសពេលនៅទីសាធារណៈ ឬនៅជុំវិញមនុស្សមិនមែនជាសមាជិកគ្រួសារ ជាពិសេសនៅពេលដែលអ្នកមិនអាចរក្សាគម្លាតបានជាចាំបាច់។
CDC បន្ថែមទៀតថា ត្រូវលាងសម្អាត និងលាងនូវរាល់ផ្ទៃដែលអ្នកប៉ះរាល់ថ្ងៃ។ ហើយប្រសិនបើអ្នកមានរោគសញ្ញាធ្ងន់ធ្ងរសូមនៅផ្ទះ និងជូនដំណឹងដល់អ្នកផ្តល់សេវាសុខភាព៕
