Join with Health.com.kh on Telegram

​នៅ​កាលៈទេសៈ​ធម្មតា អ្នក​ប្រហែលជា​ចំណាយពេល​ទំនេរ​ច្រើន​នៅ​អាងទឹក​។ ប៉ុន្តែ តើ​វា​មាន​សុវត្ថិភាព​ទេ ក្នុងការ​ហែល​ទឹក នៅក្នុង​អាង​ហែល​ទឹក ហើយ​តើ​អ្នក​អាច​ឆ្លង​មេរោគ​កូ​រ៉ូ​ណា នៅក្នុង​អាង​ហែល​ទឹក​បានទេ​? ដូច​សកម្មភាព​ធម្មតា​ជាច្រើន​ផ្សេងទៀត​ដែរ នៅក្នុង​យុគសម័យ​កូ​វីដ​-១៩ ការ​ទៅ​អាង​ហែល​ទឹក​ឥឡូវនេះ ទាមទារ​ការពិចារណា និង​វាយតម្លៃ​ហានិភ័យ​។​

-​តើ​អ្នក​អាច​ឆ្លង​មេរោគ​នៅក្នុង​អាងទឹក​បានទេ​?
​នេះ​ជា​ដំណឹង​ល្អជា​ដំបូង​៖ ទី​កណ្តាលវាល ត្រូវបាន​គេ​ជឿថា​មាន​ហានិភ័យ​ទាប នៃ​ការឆ្លង​វីរុស​កូ​រ៉ូ​ណា​ជាង​នៅ​ខាងក្នុង​អាគារ​ផ្សេងៗ​។ ដូច្នេះ ប្រសិនបើ​អាង​ដែល​អ្នក​គ្រោង​នឹង​ហែល គឺ​នៅ​ខាងក្រៅ​ហានិភ័យ​របស់​អ្នកនឹង​ត្រូវបាន​ថយចុះ​។ មជ្ឈមណ្ឌល​ត្រួតពិនិត្យ និង​បង្ការ​ជំងឺ (CDC) អះអាងថា មិនមាន​ភ័ស្តុតាង​ណាមួយ ដែល​បញ្ជាក់ថា​ជំងឺ​កូ​រ៉ូ​ណា​ឆ្លង​តាមរយៈ​ទឹក​នៅក្នុង​អាង​ហែល​ទឹក (​ឬ​អាងទឹក​ក្តៅ ស្ប៉ា ឬ​កន្លែង​លេង​ទឹក​)​។​

-​តើ​ក្ល​រី​ន​អាច​សម្លាប់​មេរោគ​កូ​រ៉ូ​ណា​បាន​ដែរឬទេ​?
​លើសពីនេះ​ទៀត ប្រសិនបើ​អ្នក​កំពុង​ហែល​ទឹក​នៅក្នុង​អាង​ដែលមាន​ក្ល​រី​ន ហានិភ័យ​នៃ​ការឆ្លង​វីរុស​នេះ​គឺ​ទាប​ជាង​។ អ្នកឯកទេស​ខាង​ជំងឺឆ្លង និយាយថា មេរោគ​មិនអាច​រស់រាន​បាន​ក្នុង​ទឹក​ដែលមាន​ជាតិ​ក្លរ៉ូភីល​បានទេ​។​

​ប៉ុន្តែ នេះ​មិនមែន​មានន័យថា អ្នក​មិនអាច​ឆ្លង​កូ​វីដ​-១៩ នៅក្នុង​អាង​ហែល​ទឹក​ទេ​។ កូ​រ៉ូ​ណា គឺជា​ជំងឺ​ផ្លូវដង្ហើម ដែល​រាលដាល​នៅពេល​ដំណក់ទឹក​ពី​មាត់ ឬ​ច្រមុះ​ហើរ​តាម​ខ្យល់​។ ដូច្នេះ កន្លែង​ណា​ដែល​អ្នកធ្វើ​អន្តរ​កម្ម​ជាមួយ​អ្នកផ្សេង ដែល​កំពុងនិយាយ ក្អក ឬ​កណ្តាស់ ទោះបីជា​អ្នក​នៅក្នុង​ទឹក​ក៏ដោយ ក៏​អ្នក​អាច​ប្រឈម​នឹង​ការ​ស្រូបយក​ដំណក់ទឹក​ពី​អ្នកមាន​ជំងឺ​ដែរ​៕