បញ្ហាមួយក្នុងចំណោមបញ្ហាធំបំផុតដែលគ្រូពេទ្យប្រឈមមុខក្នុងការធ្វើរោគវិនិច្ឆ័យ និងព្យាបាលអ្នកជំងឺ កូវីដ-១៩ គឺការពិតដែលថាជំងឺឆ្លងនេះបណ្តាលអោយមានរោគសញ្ញា ជាច្រើនដែលជារោគសញ្ញានៃជំងឺដទៃទៀតផងដែរ។
នោះមានន័យថា ខណៈពេលអ្នកដែលធ្លាក់ខ្លួនឈឺជាមួយកូវីដ-១៩ អាចបង្ហាញរោគសញ្ញាដូចជាគ្រុនក្តៅ ក្អកស្ងួត និងឈឺក្បាល រោគសញ្ញាទាំងនោះក៏អាចទាក់ទងនឹងអាឡែរហ្សីផ្តាសាយ ឬជំងឺផ្តាសាយធម្មតាផងដែរ។
ប៉ុន្តែភាពស្រដៀងគ្នានៃរោគសញ្ញាមិនមែនតែប៉ុណ្ណេះទេ – កូវីដ-១៩ ទាក់ទងទៅនឹងបញ្ហាក្រពះពោះវៀន (ចង្អោរ ក្អួត រាគ) ដែលវាក៏ជារោគសញ្ញានៃជំងឺផ្តាសាយក្រពះ ដែលគេហៅថាបច្ចេកទេសក្រពះពោះវៀន។ ប៉ុន្តែ តើអ្នកអាចដឹងយ៉ាងដូចម្តេចប្រសិនបើអ្នកកំពុងរងទុក្ខពីបញ្ហាមួយ រឺផ្សេងទៀត?
តើរោគសញ្ញានៃជំងឺផ្តាសាយក្រពះឬជំងឺរលាកក្រពះពោះវៀន និង រោគសញ្ញាកូវីដ-១៩ មានអ្វីខ្លះ?
សម្រាប់អ្នកចាប់ផ្តើមដំបូងវាជាការសំខាន់ណាស់ដែលត្រូវយល់ថាជំងឺក្រពះពោះវៀនមិនមែនជាប្រភេទជំងឺផ្តាសាយទេទោះបីវាត្រូវបានគេស្គាល់ជាទូទៅថាជាជំងឺផ្តាសាយក្រពះក៏ដោយ។ យោងតាមគេហទំព័រ MedlinePlus ប្រភពមកពីបណ្ណាល័យវេជ្ជសាស្ត្រជាតិអាមេរិកបានអោយដឹងថាជំងឺរលាកក្រពះពោះវៀនកើតឡើងនៅពេលដែលស្រទាប់ពោះវៀនរបស់អ្នករលាក។ នេះអាចជាលទ្ធផលនៃវីរុសប៉ារ៉ាស៊ីតឬបាក់តេរី។
យ៉ាងហោចណាស់អ្នកស្គាល់អ្នកដែលមានជំងឺនេះ៖ ជំងឺរលាកក្រពះពោះវៀនគឺជាជំងឺទូទៅបំផុតទី២ នៅក្នុងប្រទេស នេះបើយោងតាម MedlinePlus ។ វាឆ្លងតាមរយៈអាហារ ឬទឹក ដែលមានជាតិកខ្វក់ហើយមានទំនាក់ទំនងជាមួយអ្នកមានជំងឺ។ ខាងក្រោមនេះជារោគសញ្ញានៃជំងឺរលាកក្រពះ៖
-រាគ
-ក្អួត
-ឈឺពោះ
-គ្រុន
-ឈឺក្បាល
-ញាក់
ជាសំណាងល្អ មនុស្សភាគច្រើនបានជាសះស្បើយពីជំងឺរលាកក្រពះពោះវៀនដោយគ្មានការព្យាបាលណាមួយឡើយ។ ដែលបាននិយាយថាការខះជាតិទឹក គឺជាផលរំខានទូទៅនៃជំងឺរលាកក្រពះ-ពោះវៀន ដោយសារតែជារឿយៗ វាបណ្តាលឱ្យអ្នកជំងឺបាត់បង់ជាតិទឹកច្រើនតាមរយៈរាគ និងក្អួត។ ដើម្បីកុំអោយខ្សោះជាតិទឹកអ្នកប្រហែលជាត្រូវផឹកទឹកច្រើនជាងពេលធម្មតា ដែលអ្នកកំពុងមានជំងឺ។
ម្យ៉ាងវិញទៀតកូវីដ-១៩ គឺជាជំងឺឆ្លង ដែលបណ្តាលមកពីវីរុស ដែលរកឃើញថ្មី ដែលត្រូវបានគេស្គាល់ថា SARS-CoV-2 ។ ភាគច្រើនបើយោងទៅតាមអង្គការសុខភាពពិភពលោក (WHO) អ្នកជម្ងឺកូវីដ-១៩ នឹងមានជំងឺផ្លូវដង្ហើមស្រាល និងមធ្យមហើយជារឿយៗ នឹងជាសះស្បើយឡើងវិញដោយគ្មានការព្យាបាល។ ប៉ុន្ដែអ្នកដែលមានអាយុលើសពី ៦៥ឆ្នាំ ឬអ្នកដែលមានជម្ងឺផ្សេងទៀត ងាយនឹងវិវត្តទៅជាជំងឺធ្ងន់ធ្ងរពីវីរុស។
ជាធម្មតាវាត្រូវបានឆ្លងតាមរយៈដំណក់ទឹកដង្ហើមដែលមានមេរោគ (ដូចជាអ្នកដែលកណ្តាស់ ឬក្អក) នេះជាមូលហេតុចាំបាច់ដែលត្រូវពាក់ម៉ាស។ ហើយប្រសិនបើរោគសញ្ញានៃជំងឺផ្តាសាយក្នុងក្រពះមើលទៅប្រហាក់ប្រហែលគ្នា វាអាចដោយសារតែវាភាគច្រើនជាសញ្ញានៃកូវីដ-១៩។ រោគសញ្ញាទាំងនោះមាន៖
-ក្អក
-ញាក់ ឬក្តៅខ្លួន
-ពិបាកដកដង្ហើម ដកដង្ហើមខ្លីៗ
-ឈឺខ្លួនឬសាច់ដុំ
-អស់កម្លាំង
-ការបាត់បង់ក្លិន ឬរសជាតិ
-ឈឺក្បាល
-ហៀរសំបោរ ឬតឹងច្រមុះ
-ឈឺក
-ក្អួត
-ចង្អោរ
-រាគ៕