ការរាគរូសសម្គាល់ដឹងតាមរយៈការបន្ទោបង់ ដែលមានលាមកទន់ខ្លាំង ឬសុទ្ធតែទឹក ព្រមទាំងបន្ទោបង់ច្រើនដងខុសពីធម្មតា។ ការរាគគឺជាអាការៈមួយដែលមនុស្សគ្រប់គ្នាតែងតែជួបប្រទះ។ រាគច្រើនតែមានន័យថា ពួកគេត្រូវជាប់ក្នុងបង្គន់ច្រើនដងខុសពីធម្មតា ហើយក៏មានចំនួនលាមកច្រើនណាស់ដែរ។
ករណីភាគច្រើន សញ្ញានៃការរាគរូសច្រើនតែកើតមានរយៈពេលយពីរថ្ងៃប៉ុណ្ណោះ។ ប៉ុន្តែពេលខ្លះអាចបន្តរហូតដល់ច្រើនសប្តាហ៍។ ស្ថិតក្នុងស្ថានភាពអស់ទាំងនេះ ការរាគអាចជាសញ្ញានៃជំងឺធ្ងន់ធ្ងរណាមួយដូចជា ជំងឺរលាកពោះវៀន ឬជំងឺមិនសូវធ្ងន់ធ្ងរដូចជា ចង្កោមរោគសញ្ញានៃការរលាកពោះវៀន។
ជាមួយគ្នានេះដែរ តេស្តដែលប្រើសម្រាប់កំណត់ថាអ្វីទៅជាដើមហេតុរបស់ជំងឺរាគ ក៏ដូចជារោគវិនិច្ឆ័យមានដូចជា៖
– ការពិនិត្យលើរាងកាយ៖ អ្នកនឹងត្រូវវាស់អំពីសីតុណ្ហភាពដើម្បីដឹងថាមានបញ្ហាក្តៅខ្លួនឬអត់។ សម្ពាធឈាម និងជីពចរក៏ប្រហែលជាត្រូវពិនិត្យដើម្បីរកមើលសញ្ញាខ្សោះជាតិទឹក។ គ្រូពេទ្យនឹងពិនិត្យពោះរបស់អ្នកដើម្បីរកមើលការឈឺចាប់ក្នុងពោះ។
– រំលឹកអំពីការប្រើប្រាស់ថ្នាំរបស់អ្នក៖ គ្រូពេទ្យប្រហែលជាសួរអ្នកអំពីការប្រើថ្នាំទាំងឡាយណាដែលអ្នកកំពុងតែប្រើដូចជាថ្នាំមិនមានវេជ្ជបញ្ជាជាដើម។ ជាមួយគ្នានេះដែរ ចូរប្រាប់គ្រូពេទ្យអំពីថ្នាំបំប៉នទាំងឡាយណាដែលអ្នកកំពុងតែប្រើផង។
– តេស្តឈាម៖ ការធ្វើតេស្តដោយរាប់គ្រាប់ឈាមប្រហែលជាជួកំនត់បាននូវមូលហេតុដែលបណ្តាលអោយរាគ។
– តេស្តលាមក៖ គ្រូពេទ្យប្រហែលណែនាំអោយធ្វើតេស្តមួយនេះដើម្បីកំនាត់ថាអាការៈនេះបង្កឡើងដោយបាក់តេរី ឬប៉ារ៉ាសិត៕
មានអាការៈរាគរូសគួរធ្វើតេស្តអ្វីខ្លះដើម្បីបញ្ជាក់រោគវិនិច្ឆ័យ?
