ជំងឺ​ឈាម​ក្រ​កក​ជា​ជំងឺ​ដំណរ​ពូជ​ដែល​ឈាម​របស់​អ្នកជំងឺ​ប្រភេទ​នេះ​មិន​អាច​កក​បាន​ល្អ​ដូច​ធម្មតា​ឡើយ​។ អ្វី​ដែល​ពិសេស​នោះ​គឺថា​អ្នកជំងឺ​ប្រភេទ​នេះ ខ្វះ​ជាតិ​ប្រូតេអ៊ីន​ម្យ៉ាង​ឈ្មោះ​ថា Clotting Factor ដែល​ត្រូវ​ធ្វើការ​ជាមួយ​ប្លា​កែ​ត​ដើម្បី​បញ្ឈប់​ការ​ហូរ​ឈាម​នៅ​កន្លែង​ដែល​មាន​របួស​។ អ្នក​ដែល​មាន​ជំងឺ​ឈាម​ក្រ​កក​តែងតែ​ហូរ​ឈាម​រយៈពេល​យូរ​ជាង​មនុស្ស​ធម្មតា​ក្រោយ​ពី​មាន​របួស ហើយ​ទំនងជា​មានការ​ហូរ​ឈាម​ច្រើន​នៅ​សារី​រា​ង្គ​ខាងក្នុង​ខ្លួន​ទៀត​ផង​។

ជំងឺ​ឈាម​ក្រ​កក​មាន​ពីរ​ប្រភេទ​គឺ ប្រភេទ A និង​ប្រភេទ B​។ ចំពោះ​ជំងឺ​ប្រភេទ A អាច​សម្គាល់​ដឹង​តាម​រយៈ​ការ​ខ្វះ​ប្រូតេអ៊ីន Clotting Factor ទី​៨ និង​មាន​ចំនួន​ប្រហែល ៩០​ភាគរយ​នៃ​ករណី ហើយ​៧០​ភាគរយ​នៃ​អ្នកជំងឺ​ឈាម​ក្រ​កក​ប្រភេទ A គឺ​មាន​សភាព​ធ្ងន់ធ្ងរ​។ ចំពោះ​ជំងឺ​ប្រ​ភែ​ទ B វិញ​សម្គាល់​ដឹង​តាម​រយៈ​ការ​ខ្វះ​ប្រូតេអ៊ីន Clotting Factor ទី​៩​។

ដោយសារ​តែ​ជំងឺ​នេះ​ជា​ជំងឺ​ដែល​កម្រ​បំផុត​ដូច្នេះ​ជំងឺ​ប្រភេទ A កើត​មាន​ប្រហែល​តែ​មួយ​នាក់​ទេ​ក្នុង​ចំណោម​ទើប​កើត ១០០០០​នាក់ ហើយ​ជំងឺ​ប្រភេទ B មាន​ម្នាក់​ក្នុង​ចំនោម​ក្មេង​ទើប​កើត ៥០០០០​នាក់​។

អ្នក​វិទ្យាសាស្ត្រ​ដែល​មក​ពី​សាកលវិទ្យាល័យ Moscow State បាន​ពន្យល់​នៅ​ក្នុង​សារព័ត៌មាន Biophysical Journal ថា កំណក​ឈាម​ធ្វើ​ដំណើរ​នៅ​ក្នុង​លំហូរ​ឈាម​ក្នុង​សរសៃឈាម​។ ពួក​គេ​និយាយ​ថា ការ​សិក្សា​នេះ​ផ្តល់​ជា​យុទ្ធសាស្ត្រ​ថ្មី​ៗ​ជា​ច្រើន​ដែល​អាច​ជួយ​បង្កើត​នូវ​វិធី​ព្យាបាល​យ៉ាង​ល្អ​ជាង​មុន​សម្រាប់​ជំងឺ​ឈាម​ក្រក​កក និង​ជំងឺ​បេះដូង​-​សរសៃឈាម​ដែល​កើត​មាន​ជា​ញឹកញាប់​។

អ្នកនិពន្ធ​ការ​ស្រាវជ្រាវ​ពី​មុន លោក ហ្វា​ហ្សោ​ល អាតូល​ឡាក​ហា​ណូ​វ (Fazoil Ataulllakhanov) និយាយ​ថា “​ភាព​មិនធម្មតា​នៃ​ការ​កកឈាម​គឺជា​និន្នាការ ក៏​ដូច​ជា​មូលហេតុ​ភ្លាម​ៗ​នៃ​ការ​ស្លាប់​ដែល​កើត​មាននៅ​លើ​ពិភពលោក​នេះ​។ លទ្ធផល​របស់​ពួក​គេ​រក​ឃើញ​យន្ត​ការណ៍​ជា​ច្រើន​ដែល​នៅ​ពីក្រោយ​ការ​លូតលាស់​របស់​កំណក​ឈាម​ដែល​វា​មាន​សារៈសំខាន់​សម្រាប់​កា​រប​ង្កើ​ជា​ថ្នាំ និង​តេស្ត​សម្រាប់​ធ្វើ​រោគវិនិច្ឆ័យ​ថ្មី​ៗ​បាន​”​។

ភាគច្រើន​នៃ​ជំងឺ​ឈាម​ក្រក​កកើត​ឡើង​ដោយសារ​តែ​ភាព​មិនធម្មតា​ពី​កំណើត ដែល​មាន​ន័យ​ថា មនុស្ស​ម្នាក់​កើតមក​មាន​ជំងឺ​នេះ​ដោយសារ​តែ​ហ្សែ​ន​របស់​គេ​រៀបចំ​ឡើង​ដោយ​ខ្លួនឯង​តែ​ម្តង​។ ជំងឺ​នេះ​បណ្តាល​មក​ពី​ការ​ខូចខាត់​មួយ​នៅ​ក្នុង​ហ្សែ​ន Clotting Factor ដែល​ស្ថិត​នៅ​លើ​ក្រូម៉ូសូម​អ៊ិ​ច (X)​។

ជំងឺ​ឈាម​ក្រ​កក​តែងតែ​កើត​មាន​លើ​មនុស្ស​ប្រុស​ព្រោះតែ​ហ្សែ​ន​អាច​បញ្ជូន​ពី​ម្តាយ​ទៅ​កូនប្រុស​បាន ហើយ​កូនប្រុស​ខ្វះ​ក្រូម៉ូសូម (X) ទី​ពីរ​ដើម្បី​បង្កើត​ជា​ហ្សែ​ន​ខូច​។ ម្យ៉ាងវិញទៀត ចំពោះ​ក្មេង​ស្រី ទំនងជា​អ្នក​ផ្ទុក​ជំងឺ​តែ​មិនកើត​ជាង​ជំងឺ​ឡើយ​។ ដើម្បី​មាន​ជំ​ង​ឈឺ​ឈាម​ក្រក​កបាន ក្មេង​ស្រី​ត្រូវ​តែ​មាន​ហ្សែ​ន​មិនធម្មតា​នៅ​លើ​ក្រូម៉ូសូម​អ៊ិ​ច​ទាំង​ពីរ (​កម្រ​ណាស់​)​។

ទោះបីជា​ករណី​ភាគច្រើន​គឺជា​រឿង​ដំណរ​ពូជ​ក៏​ដោយ ក៏​វា​អាច​កើត​មាន​លើ​មនុស្ស​មួយ​ចំនួន​ដែល​មិនកើត​ពី​កំណើត​ដែរ​គឺ​តាម​រយៈ​ការ​បំបែក​ហ្សែ​ន​ភ្លាម​ៗ​។ វា​ក៏​អាច​កើត​មានបាន​ដែរ​បើសិនជា​រាង​កាយ​បង្កើត​ជា​អង់ទីគ័រ​ប្រឆាំង​នឹង​ប្រូតេអ៊ីន Clotting Factors ក្នុង​ឈាម​ដែល​វា​ទៅ​បញ្ឈប់​ការងារ​ធ្វើ​អោយ​ឈាមកក​៕