ដោយមានករណីជាង ១៧ លានករណីរហូតមកដល់ពេលនេះនៅសហរដ្ឋអាមេរិក មនុស្សជាច្រើនកំពុងសួរសំណួរនេះ។
ការចាក់វ៉ាក់សាំងកូវីដ-១៩ ដំបូងបង្អស់នៅសហរដ្ឋអាមេរិកត្រូវបានរៀបចំឡើងនៅថ្ងៃទី១៤ ខែធ្នូ ដល់បុគ្គលិកថែទាំសុខភាព ដែលមានហានិភ័យខ្ពស់ ដែលជាការចាប់ផ្តើមនៃកម្មវិធីចាក់ថ្នាំបង្ការប្រកបដោយមហិច្ឆតា ដែលមានគោលបំណងផ្តល់ឱ្យជនជាតិអាមេរិកាំងនូវជម្រើសក្នុងការទទួលវ៉ាក់សាំង។ ប៉ុន្ដែ ចុះយ៉ាងណាចំពោះអ្នកដែលបានឆ្លងមេរោគកូវីដ-១៩ រួចហើយ តើពួកគេគួរតែទទួលថ្នាំបង្ការដែរឬទេ?
យោងតាមគណៈកម្មាធិការប្រឹក្សាស្តីពីការអនុវត្តការចាក់ថ្នាំបង្ការ (ACIP) គណៈកម្មាធិការឯករាជ្យ ដែលផ្តល់យោបល់ដល់មជ្ឈមណ្ឌលត្រួតពិនិត្យ និងបង្ការជំងឺ (CDC) ស្តីពីវិធីល្អបំផុត ដើម្បីគ្រប់គ្រងជំងឺ ដែលអាចបង្ការបានដោយវ៉ាក់សាំងនៅសហរដ្ឋអាមេរិក ចេញមនុស្សម្នាក់ពីការចាក់វ៉ាក់សាំង។ នៅក្នុងបទបង្ហាញមួយ នាកិច្ចប្រជុំCDCនៅថ្ងៃទី១២ ខែធ្នូ គណៈកម្មាធិការ បានកត់សម្គាល់ថាទិន្នន័យពីការសាកល្បងវេជ្ជគ្រឹះ បង្ហាញថាការចាក់វ៉ាក់សាំង គឺមានសុវត្ថិភាព និងទំនងជាមានប្រសិទ្ធភាពចំពោះអ្នកដែលធ្លាប់ឆ្លងមេរោគកូវីដ-១៩ មិនថាពួកគេបានបង្ហាញរោគសញ្ញាឬអត់។
តើវ៉ាក់សាំងនេះជះឥទ្ធិពលយ៉ាងដូចម្តេចទៅលើអ្នកដែលមានជំងឺនេះរួចហើយ? រហូតមកដល់ពេលនេះ ការសាកល្បងវ៉ាក់សាំងបានផ្តោតលើអ្នកដែលមិនបានប៉ះពាល់នឹងកូវីដ-១៩ ដូច្នេះ វាមិនទាន់ច្បាស់ថាតើការចាក់វ៉ាក់សាំងនឹងមានឥទ្ធិពលយ៉ាងណាទៅលើអ្នកដែលត្រូវបានប៉ះពាល់នោះទេ៕