រហូតមកដល់ពេលនេះវ៉ាក់សាំងត្រូវបានផ្តល់ឱ្យនៅតាមមណ្ឌលវេជ្ជសាស្ត្រ។ នៅពេលអ្នកបង្ហាញខ្លួនក្នុងការណាត់ជួបទទួលការចាក់វ៉ាក់សាំង CDC បានផ្តល់អនុសាសន៍ ឱ្យពាក់ម៉ាស់បិទច្រមុះ និងមាត់ ហើយស្ថិតនៅចម្ងាយយ៉ាងតិចប្រាំមួយហ្វីត (១,៨២ម៉) ពីអ្នកដទៃ។
ដំណើរការចាក់វ៉ាក់សាំងពិតប្រាកដនឹងស្រដៀងគ្នាទៅនឹងអាការៈនៅពេលដែលអ្នកចាក់វ៉ាក់សាំងផ្តាសាយ ឬវ៉ាក់សាំងដទៃទៀត។ មានន័យថា ចំណុចមួយនៅលើដៃខាងលើរបស់អ្នកនឹងត្រូវបានចាក់ ដោយការជូតអាល់កុល ឬអ្វីដែលស្រដៀងគ្នាហើយអ្នកនឹងចាក់ថ្នាំ។
វេជ្ជបណ្ឌិត Schaffner មានប្រសាសន៍ថា “អ្នកនឹងត្រូវបានស្នើសុំឱ្យរង់ចាំប្រហែល១៥នាទី ដើម្បីធ្វើឱ្យប្រាកដថាអ្នកមិនមានប្រតិកម្ម”។ គាត់និយាយទៀតថា នេះជាបច្ចេកទេសមួយផងដែរ ជាមួយនឹងការចាក់ថ្នាំបង្ការជំងឺផ្តាសាយ ប៉ុន្តែកន្លែងជាច្រើនមិនបានប្រតិបត្តិតាមទេ។
បន្ទាប់មក CDC និយាយថា គួរតែទទួលបានប័ណ្ណចាក់វ៉ាក់សាំង ឬឯកសារបញ្ជាក់អំពីវ៉ាក់សាំងកូវីដ-១៩ដែលអ្នកបានទទួល កាលបរិច្ឆេទ និងកន្លែងដែលអ្នកបានទទួលវា។ អ្នកក៏គួរតែទទួលបានក្រដាស ឬឯកសារអេឡិចត្រូនិកនៃសន្លឹកអង្គហេតុ ដែលប្រាប់អ្នកបន្ថែមទៀតអំពីវ៉ាក់សាំង កូវីដ-១៩ ជាក់លាក់ ដែលអ្នកកំពុងត្រូវបានផ្តល់ជូន។
បណ្ឌិត Sellick មានប្រសាសន៍ថា “បន្ទាប់ពីនោះអ្នកអាចដើរផ្លូវដ៏រីករាយរបស់អ្នក” ៕