អ្នកនឹងមិនត្រូវបានគេចាត់ទុកថាជាការចាក់វ៉ាក់សាំងពេញលេញប្រឆាំងនឹងកូវីដ-១៩ ទាល់តែអ្នកចាក់ថ្នាំលើកទី២ ដែលតាមធម្មតាត្រូវបានផ្តល់ឱ្យនៅពីរ-បីសប្តាហ៍ក្រោយមក។ ហើយអ្នកនឹងត្រូវនិយាយជាមួយអ្នកផ្តល់សេវារបស់អ្នកសម្រាប់ចំណុចជាក់លាក់ណាមួ។
អ្នក អាចនឹងជួបប្រទះនូវផលប៉ះពាល់មួយចំនួន បន្ទាប់ពីបានចាក់វ៉ាក់សាំងរួច។ យោងតាម CDC ទាំងនេះ គឺជាផលប៉ះពាល់ទូទៅបំផុតនៃវ៉ាក់សាំងកូវីដ-១៩ ៖
-ឈឺចាប់នៅកន្លែងចាក់ថ្នាំ
-ហើមនៅដៃដែលអ្នកបានចាក់
-គ្រុន
-ញាក់
-នឿយហត់
-ឈឺក្បាល។
ប្រសិនបើអ្នកឈឺដៃឬហើម CDC សូមផ្តល់អនុសាសន៍ឱ្យយកក្រណាត់សើម ស្អាត មកស្អំនៅលើតំបន់នោះ និងធ្វើលំហាត់ប្រាណដៃរបស់អ្នក។ ប្រសិនបើអ្នកក្តៅខ្លួន CDC ណែនាំឱ្យផឹកទឹកឱ្យបានច្រើន និងស្លៀកសម្លៀកបំពាក់ស្តើងស្រាល។ ហើយប្រសិនបើអ្នកមានការឈឺចាប់ ឬមិនស្រួល CDC និយាយថា វាជាគំនិតល្អក្នុងការនិយាយជាមួយគ្រូពេទ្យ អំពីការប្រើថ្នាំដែលគ្មានវេជ្ជបញ្ជាដូចជាថ្នាំ ibuprofen ឬ Acetaminophen ។
ជាទូទៅប្រសិនបើអ្នកជួបផលប៉ះពាល់ដូច្នេះ វាគួរតែបាត់ទៅវិញក្នុងរយៈពេលមួយថ្ងៃ ឬពីរថ្ងៃ។ ប៉ុន្តែ CDC ណែនាំឱ្យទូរស័ព្ទទៅអ្នកផ្តល់សេវាថែទាំសុខភាពរបស់អ្នកប្រសិនបើមានការឡើងក្រហម ឬទន់ នៅកន្លែងដែលអ្នកចាក់បន្ទាប់ពី ២៤ម៉ោង ឬប្រសិនបើផលរំខានរបស់អ្នកកំពុងធ្វើឱ្យអ្នកព្រួយបារម្ភ ឬវាហាក់ដូចជាមិនបាត់ទៅវិញបន្ទាប់ពី ពីរ-បីថ្ងៃ។
CDC ណែនាំឱ្យអ្នកចាក់វ៉ាក់សាំងលើកទី២ ទោះបីជាអ្នកមានផលប៉ះពាល់ក្រោយពេលចាក់លើកទី១ ក៏ដោយលើកលែងតែអ្នកផ្តល់ថ្នាំបង្ការ រឺគ្រូពេទ្យប្រាប់អ្នកមិនអោយចាក់ថ្នាំលើកទី២។
CDC ក៏ណែនាំឱ្យអ្នកចុះឈ្មោះប្រើ V-safe ផងដែរ ដែលជាឧបករណ៍ផ្អែកលើស្មាតហ្វូនឥតគិតថ្លៃ ដែលប្រើប្រាស់ការផ្ញើសារ និងបណ្តាញស្ទង់មតិ ដើម្បីផ្តល់ការត្រួតពិនិត្យសុខភាពផ្ទាល់ខ្លួន បន្ទាប់ពីអ្នកបានទទួលវ៉ាក់សាំង។ វាក៏រំលឹកអ្នកឱ្យទទួលយកដូសទីពីររបស់អ្នក។
ទោះបីជាមានការចាក់ពីរដងក៏ដោយ វាអាចចំណាយពេលបន្តិច ដើម្បីឱ្យរាងកាយរបស់អ្នកបង្កើតភាពស៊ាំទៅនឹងកូវីដ-១៩ ។ CDC និយាយថា ការចាក់ថ្នាំទាំងពីរនេះ មិនទាន់អាចការពារអ្នករហូតដល់ “មួយឬពីរសប្តាហ៍” បន្ទាប់ពីចាក់លើកទី២។
សូម្បីតែបន្ទាប់ពីអ្នកបានទៅដល់ចំនុចនោះហើយក៏ដោយ ក៏វេជ្ជបណ្ឌិត បានណែនាំថាវានៅតែសំខាន់ណាស់ក្នុងការពាក់ម៉ាសនៅទីសាធារណៈ និងអនុវត្តតាមវិធីសាស្ត្រផ្សេងទៀត ក្នុងការការពារ ការរីករាលដាលនៃកូវីដ-១៩។ វ៉ាក់សាំងនេះមិនល្អឥតខ្ចោះ ១០០ ភាគរយនោះទេ ហើយនៅពេលនេះមិនទាន់ច្បាស់ទេថា តើអ្នកនៅតែអាចឆ្លងវីរុសបានឫយ៉ាងណាបន្ទាប់ពីអ្នកបានចាក់វ៉ាក់សាំងរួច។ ដូច្នេះ វេជ្ជបណ្ឌិតសូមអោយអ្នកធ្វើតាមការណែនាំ រហូតទាល់តែមានដំបូន្មានពីមន្ត្រីសុខភាពសាធារណៈ៕
