វ៉ាក់សាំងកូវីដ-19 របស់ Pfizer មិនមែនជាការវិវត្តគួរឱ្យរំភើបតែមួយគត់នៅក្នុងកិច្ចខិតខំប្រឹងប្រែងដើម្បីកាត់បន្ថយផលប៉ះពាល់នៃជំងឺរាតត្បាតនេះទេ។ កាលពីថ្ងៃទី១៥ ខែធ្នូ រដ្ឋបាលចំណីអាហារ និងឱសថអាមេរិកបានចេញការអនុញ្ញាតឱ្យប្រើប្រាស់ជាបន្ទាន់មួយទៀត គឺការធ្វើតេស្តិ៍កូវីដ-១៩ នៅផ្ទះដោយខ្លួនឯង ក្នុងប្រទេសលើកដំបូង ដែលមិនត្រូវការមន្ទីរពិសោធន៍ ឬវេជ្ជបញ្ជារបស់គ្រូពេទ្យទេ។
ការធ្វើតេស្តនៅផ្ទះនេះ គឺដើម្បីបន្ធូរបន្ទុកដល់អ្នកផ្តល់សេវាថែទាំសុខភាព និងមន្ទីរពិសោធន៍ និងដើម្បីពន្លឿនដំណើរការទាំងមូល។ ម្យ៉ាងវិញទៀតអ្នកដែលធ្វើតេស្តច្រើនតែប្រឈមនឹងផ្លូវវែងឆ្ងាយ ការរង់ចាំយូរ និងថ្លៃដើមខ្ពស់។
ការអនុញ្ញាតិនៅថ្ងៃនេះ គឺជាព្រឹត្តិការណ៍សំខាន់មួយក្នុងការធ្វើរោគវិនិច្ឆ័យនៃជម្ងឺកូវីដ-១៩។ FDA បានអនុញ្ញាតអោយដាក់លក់ឧបករណ៍តេស្តនេះនៅតាមហាងលក់ថ្នាំដែលអ្នកជំងឺអាចទិញវាបាន ដោយដាក់វានៅច្រមុះ រួចប្រតិបត្តការតេស្ត និងមើលលទ្ធផលក្នុងរយៈពេល២០នាទី។ ការអនុញ្ញាតឱ្យធ្វើតេស្តនៅផ្ទះ គឺអាចកាត់បន្ថយបន្ទុកលើមន្ទីរពិសោធន៍និងការផ្គត់ផ្គង់តេស្ត ហើយផ្តល់ឱ្យជនជាតិអាមេរិកនូវជម្រើសតេស្តដែលងាយស្រួលនិងសុវត្ថិភាពនៅគេហដ្ឋានរបស់ពួកគេ៕