កុមារជិត ១៨០.០០០ នាក់នៅសហរដ្ឋអាមេរិកត្រូវបានគេធ្វើរោគវិនិច្ឆ័យថាឆ្លងមេរោគកូរ៉ូណា គិតចាប់ពីថ្ងៃទី២៦ ខែវិច្ឆិកា ដល់ថ្ងៃទី១០ ខែធ្នូ ដែលនាំឱ្យមានការកើនឡើងសរុបដល់ទៅជាង ១,៦ លានករណី នៅអាមេរិកចាប់តាំងពីការចាប់ផ្តើមរាតត្បាតនៃវីរុសកូរ៉ូណាមក។
កុមារមានចំនួនច្រើនជាង ១២% នៃករណី Covid-19 ទាំងអស់នៅក្នុងរដ្ឋ ដែលរាយការណ៍ពីករណី តាមអាយុ។
ក្រុមដែលតំណាងឱ្យគ្រូពេទ្យកុមារ បានកត់សម្គាល់ឃើញថាមានការកើនឡើងចំនួន ២៣ភាគរយ នៃករណី Covid-19 លើកុមារ ក្នុងកំឡុងពេលនោះ។
កាលបរិច្ឆេទ ទាំងនោះ រួមមានថ្ងៃបុណ្យ Thanksgiving នាចុងសប្តាហ៍ ដែលក្នុងនោះមានមនុស្សជាង ៤ លាននាក់បានធ្វើដំណើរកម្សាន្តសម្រាប់ថ្ងៃឈប់សម្រាក។
ជំងឺធ្ងន់ធ្ងរដោយសារ Covid-19 នៅតែកម្រកើតមានក្នុងចំណោមកុមារ។ ចន្លោះពី ០,២% ទៅ ៤,៤% នៃកុមារទាំងអស់ដែលមាន Covid-19 បានបញ្ចប់នៅក្នុងមន្ទីរពេទ្យដោយអាស្រ័យលើរដ្ឋ ហើយកុមារស្លាប់ ដោយ Covid-19 ទាំងអស់មានចំនួនច្រើនបំផុត ០,២១% ។ រដ្ឋចំនួន ១៥ មិនបានរាយការណ៍ពីការស្លាប់របស់កុមារនៅក្នុងរយៈពេលនេះទេ។
សមាគមបាននិយាយថា នៅតែមានតម្រូវការបន្ទាន់ ដើម្បីប្រមូលទិន្នន័យបន្ថែមទៀត អំពីផលប៉ះពាល់រយៈពេលវែង នៃការរាតត្បាតមេរោកនេះលើកុមារ ហើយតើ Covid-19 ប៉ះពាល់ដល់ពួកគេខាងរាងកាយ និងផ្លូវចិត្តយ៉ាងដូចម្តេច។
ការរាប់ករណីក៏មិនពេញលេញដែរ ពីព្រោះមិនមែនរដ្ឋទាំងអស់រាយការណ៍ទិន្នន័យតាមរបៀបដូចគ្នាទេ៕