ការស្វែងរកគ្រូទស្សទាយន៍ អំពីខែឆ្នាំរៀបការ មិនត្រឹមតែជារឿងដ៏សំខាន់មួយ ដែលអ្នកគួរតែធ្វើមុនពេលរៀបការនោះទេ តែការពិនិត្យសុខភាព ដើម្បីស្វែងរកជំងឺតាឡាសេមៀ ក៏ជារឿងសំខាន់ដូចគ្នាដែរ។ ហេតុអ្វីទៅ?
មានជំងឺតាឡាសេមៀកម្រិតតិចតួចទាំងពីរ គឺមិនអាចរៀបការជាមួយគ្នាបានឡើយ
ជំងឺតាឡាសេមៀតិចតួច ឬផ្ទុកជំងឺ គឺមិនមានរោគសញ្ញាអ្វីឡើយ ប៉ុន្តែ បើសិនជាពួកគេទាំងពីរនាក់ រៀបការជាមួយគ្នា កូនដែលកើតមកអាចនឹងមាន ២៥ ភាគរយមានជំងឺនេះពិតប្រាកដ។ ហើយការមានផ្ទៃពោះ អាចរកឃើញជំងឺនេះ នៅពេលនៅសប្តាហ៍ទី ៨ ទៅ ១២។ ដូច្នេះយោងទៅតាមលទ្ធផលនេះ ពួកគេអាចសម្រេចចិត្តថាគួរតែទុក ឬលះបង់កូននោះចោល។
អាចបណ្តាលឲ្យកូនស្លាប់ក្នុងផ្ទៃ (ករណីធ្ងន់ធ្ងរ)
វាគឺជាជំងឺហ្សែន ដែលកូនអាចទទួលបាន ពីឪពុកម្តាយរបស់ពួកគេ។ ជំងឺនេះអាចរកឃើញបាន នៅពេលក្មេងអាយុបានមួយឆ្នាំ។ ក្នុងករណីធ្ងន់ធ្ងរ ក្មេងអាចនឹងស្លាប់ក្នុងផ្ទៃ ឬអាចស្លាប់នៅពេលសម្រាលបាន។
បង្កើនការប្រឈមនឹងជំងឺខ្វះគ្រាប់ឈាម
អ្នកដែលមានជំងឺតាឡាសេមៀ មានន័យថា ចង្វាក់អេម៉ូគ្លូប៊ីនរបស់គេ មានការខូចខាត ដូច្នេះ វានឹងមិនអាចបង្កើតបាន ជាគ្រាប់ឈាមក្រហមបានត្រឹមត្រូវទេ។ ម្លេះហើយ អ្នកជំងឺងាយនឹងមានជំងឺខ្វះគ្រាប់ឈាមធ្ងន់ធ្ងរខ្លាំងណាស់។
ទាមទារឲ្យមានការបញ្ចូលឈាមជាញឹកញាប់
ក្នុងករណីជំងឺតាឡាសេមៀតែម្តង កម្រិតរបស់អេម៉ូគ្លូប៊ីនធម្មតា នឹងត្រូវកាត់បន្ថយ ៥០ ភាគរយ។ ដោយសារតែការបង្កើតជា គ្រាប់ឈាមចុះថយបែបនេះ រាងកាយនឹងមានសភាពស្លេកស្លាំង។ បើសិនជាក្មេងកើតជំងឺតាឡាសេមៀតែម្តង ជាមធ្យម គេត្រូវបញ្ចូលឈាមមួយសាក់ជារៀងរាល់ខែ៕
ហេតុផលដែលអ្នក ត្រូវធ្វើតេស្តរក ជំងឺតាឡាសេមៀ មុនពេលរៀបការ
