​យោងតាម​អង្គការ​សុខភាព​ពិភពលោក (WHO) រោគសញ្ញា​ទូទៅ​បំផុត​នៃ​ជម្ងឺ​កូ​វីដ​-១៩ គឺ​គ្រុនក្តៅ អស់កម្លាំង និង​ក្អក​ស្ងួត ហើយ​អ្នកជំងឺ​ខ្លះ​អាចមាន​អា​ការៈឈឺ​ក្រពះ តឹង​ច្រមុះ ហៀរ​សំបោរ ឈឺបំពង់ក ឬ​រាគ​។​

​ការឈឺ​ក្បាល​មិនមែនជា​រោគសញ្ញា​ទូទៅ​នៃ​វីរុស​នោះទេ ប៉ុន្តែ​ប្រហែលជា ១៤% នៃ​មនុស្ស​ដែល​ឆ្លង​ជំងឺ កូ​រ៉ូ​ណា​បាន​ជួបប្រទះ​។ ហើយ​នៅពេលដែល​មនុស្ស​កាន់តែ​ច្រើន​ចែករំលែក​បទពិសោធរ​បស់​ពួកគេ​លើ​បណ្តាញ​សង្គម​វា​ច្បាស់​ណាស់​ថា​ការឈឺ​ក្បាល​មួយចំនួន​គឺ​ខ្លាំងក្លា​ណាស់​។​

​តើ​មាន​បទពិសោធ​អ្វីខ្លះ ទាក់ទិន​នឹង COVID-១៩ ដោយ​គ្មាន​ការ​ក្អក​ជាប់​រហូត​? គ្រុនក្តៅ ឈឺក្បាល​មិន​ឈប់ឈរ ពិបាក​ដកដង្ហើម​… ប៉ុន្តែ​ក្អក​ម្តងម្កាល​ប៉ុណ្ណោះ​។ តើ​វា​អាចជា Covid ឬ ទំនងជា​មេរោគ​ផ្សេងទៀត​?

​ហេតុអ្វី​ជម្ងឺ​កូ​វីដ​-១៩ ដែលជា​ជំងឺ​ផ្លូវដង្ហើម បណ្តាលអោយ​ឈឺក្បាល​? ហើយ​ហេតុអ្វី​បានជា​មានតែ​មនុស្ស​ខ្លះ​ដែលមាន​រោគសញ្ញា​ជាក់លាក់​បែបនេះ​?

William W. Li, អ្នកនិពន្ធ​សៀវភៅ Eat to Beat Disease បាន​មានប្រសាសន៍ថា “​វីរុស​ជាច្រើន​ពី​ជំងឺ​ផ្តាសាយ​ទូទៅ​ក្លាយជា​ផ្តាសាយធំ ហើយ​ដល់​ជំងឺ​កូ​វីដ​-១៩ បង្ក​ឱ្យ​រាងកាយ​ឆ្លើយតប​តាម​វិធី ដែល​ព្យាយាម​បំផ្លាញ​ការឆ្លង​” ។ ការឆ្លើយតប​មួយ​គឺថា​កោសិកា​ភាពស៊ាំ​បញ្ចេញ​នូវ​ប្រូតេអ៊ីន​ដែល​គេ​ហៅថា cytokines ដែល​បណ្តាលអោយ​រលាក​ក្តៅខ្លួន និង​អស់កម្លាំង​។ ទន្ទឹមនឹង​ប្រតិកម្ម​ទាំងនេះ​អាចធ្វើឱ្យ​មានការ​ឈឺក្បាល​៕​