គ្មាននរណាម្នាក់ចង់មានស្បែកជ្រីវជ្រួញចាស់ជាងវ័យឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែគួរធ្វើបែបណាទៅប្រសិនបើវាលេចឡើងហើយនោះ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីប្រេងមួយចំនួនដែលជួយបំបាត់ស្នាមជ្រីវជ្រួញបានយ៉ាងប្រសើរ ៖
១. ប្រេងដូងជាមួយវីតាមីន E
ប្រេងដូងសុទ្ធមានផ្ទុកសម្បូរទៅដោយវីតាមីនដែលចាំបាច់សម្រាប់សុខភាពស្បែកដើម្បីរក្សាបាននូវភាពតឹងណែនគ្មានស្នាមជ្រីវជ្រួញ។ រីឯវីតាមីន E ជួយទប់ស្កាត់បញ្ហាស្បែកយារធ្លាក់។ អ្វីដែលអ្នកត្រូវធ្វើ គឺគ្រាន់តែលាយប្រេងដូង ២ ស្លាបព្រាជាមួយប្រេងវីតាមីន E ២ ស្លាបព្រា ចូលគ្នាឱ្យសព្វ។ បន្ទាប់មកលាបល្បាយលើស្បែកដែលទទួលរងផលប៉ះពាល់ និងទុកចោលសម្រាប់រយៈពេល ១ ម៉ោង សឹមលាងសម្អាតចេញជាមួយទឹកក្ដៅឧណ្ហៗ។
២. ប្រេងផ្លែបឺរ
អ្វីដែលអ្នកត្រូវធ្វើ គឺគ្រាន់តែលាយប្រេងផ្លែបឺរ ២ ស្លាបព្រាបាយជាមួយប្រេងឡាវ៉េនឌឺពី ៣ ទៅ ៤ ដំណក់។ ចាក់ចូលក្នុងក្រឡស្អាតមួយ។ កុំភ្លេចក្រឡុកថ្នមៗមុនពេលលាបម៉ាស្សាលើស្បែកមុខ។
៣. ប្រេងគ្រាប់ទំពាំងបាយជូរ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងគ្រាប់ទំពាំងបាយជូរផ្ទាល់លើស្បែករហូតដល់ជ្រាបចូលអស់។
៤. ប្រេងអូលីវ
អ្វីដែលអ្នកត្រូវធ្វើ គឺគ្រាន់តែលាយប្រេងអូលីវជាមួយទឹកក្រូចឆ្មារស្រស់ពី ២ ទៅ ៣ ដំណក់។ ប្រើប្រាស់បន្ទះសំឡីជ្រលក់ចូលប្រេង រួចលាបផ្ដិតៗលើស្បែកមុខមុនពេលចូលគេងជាការស្រេច។ ទោះជាយ៉ាងណាដើម្បីចៀសវាងប្រតិកម្ម ចូរលាបប្រេងលើផ្នែកណាមួយនៃរាងកាយជាមុនសិន។