Join with Health.com.kh on Telegram

ស្នាមជ្រីវជ្រួញជាផ្នែកមួយនៃដំណើរការភាពចាស់តាមវ័យរបស់ស្បែក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែគ្មាននរណាចង់បានស្បែកដែលពោរពេញដោយស្នាមជ្រីវជ្រួញឡើយ។ ក្រៅពីប្រើប្រាស់ផលិតផលថែរក្សាសម្រាប់គួរធ្វើបែបណាទើបអាចដោះស្រាយបញ្ហានេះបាន? មិនពិបាកឡើយ! ក៏ព្រោះរបបអាហារជះឥទ្ធិពលគួរឱ្យកត់សម្គាល់លើសុខភាពស្បែក។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយទប់ស្កាត់ប្រឆាំងភាពជ្រីវជ្រួញនៃស្បែក ​៖

១. ឈើរី ផ្លែទទឹម និងប្ល៊ូបឺរី

ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលទប់ស្កាត់ការបំផ្លាញលើកូឡាជែន។ វីតាមីន C ក៏មានផ្ទុកក្នុងផ្លែឈើទាំងនេះដែលជួយរក្សាភាពក្មេងជាងវ័យនៃស្បែក។

២. តែបៃតង

ក៏ជាប្រភពដ៏ប្រសើរបំផុតមួយទៀតនៃសារធាតុប្រឆាំងអុកស៊ីតដែលជួយក្នុងការបង្កើតកោសិកាស្បែកថ្មីឡើងវិញនិងរក្សាកោសិកាស្បែកសុខភាពល្អ។

៣. ការ៉ុត

ក្រៅពីល្អសម្រាប់សុខភាពភ្នែកហើយនោះ ការ៉ុតក៏ល្អសម្រាប់ស្បែកផងដែរ។ វីតាមីន A ឬ beta-carotene ជួយទប់ស្កាត់ភាពស្ងួត របក និងការលេចឡើងនូវស្នាមជ្រីវជ្រួញ។

៤​​. ប៉េងប៉ោះ

មានផ្ទុកសារធាតុ lycopene ជួយការពារស្បែកទប់ស្កាត់ការបំផ្លាញពីសំណាក់កាំរស្មីយូវី ឬពន្លឺព្រះអាទិត្យ។

៥. ផ្លែអូលីវនិងប្រេងអូលីវ

ជាប្រភពដ៏ល្អនៃសារធាតុប្រឆាំងអុកស៊ីតកម្មនិងវីតាមីន E ដែលជួយកម្ចាត់រ៉ាឌីកាល់សេរីនិងរក្សាសំណើមនៃកោសិកាស្បែកចៀសផុតស្នាមជ្រីវជ្រួញ។

៦. គ្រាប់ធញ្ញជាតិ

មានផ្ទុកខ្លាញ់ល្អៗនិងវីតាមីន E ដែលជួយផ្ដល់សំណើមដល់ស្បែកនិងទប់ស្កាត់ការលាក។ ទោះជាយ៉ាងណាមិនត្រូវទទួលទានលើសពីមួយក្ដាប់ដៃពេញក្នុងមួយថ្ងៃឡើយ។

៧. ផ្លែបឺរ

ជា​ប្រភពដ៏ប្រសើរនៃវីតាមីន E ដែលល្អសម្រាប់សុខភាពស្បែក។ វាក៏មានផ្ទុក glutathione ដែលជាសារធាតុប្រឆាំងភាពចាស់ដោយបន្សាបជាតិពុលក្នុងថ្លើមនិងស្បែក។

៨. ត្រីសម្បូរខ្លាញ់

មានផ្ទុកសម្បូរទៅដោយអាស៊ីតខ្លាញ់អូមេហ្កា ៣ ដែលមិនត្រឹមតែល្អសម្រាប់សុខភាពបេះដូងប៉ុណ្ណោះទេ ប៉ុន្តែក៏ចាំបាច់សម្រាប់ស្បែកដោយរក្សាសំណើមពីខាងក្នុងទប់ស្កាត់ភាពការលេចជ្រីវជ្រួញ។

៩. យ៉ាអួរ

ក្រៅពីល្អសម្រាប់សុខភាពពោះវៀនហើយនោះ អាហារសម្បូរប្រូបាយអូទិកដូចជាយ៉ាអួរក៏ល្អចំពោះស្បែកដោយការពារស្បែកពីខាងក្នុងមកក្រៅ។ ប្រូបាយអូទិកក្នុងយ៉ាអួរមានសមត្ថភាពបន្ថយការរលាកនិង oxidative stress ដែលជាដំណើរការមួយបង្កបញ្ហាស្បែកផ្សេងៗរួមមានរោគមុន និងជំងឺស្បែក psoriasis ជាដើម។

 ១០. ដំឡូងផ្អែម

ផ្ដល់ឱ្យស្បែកនូវសារធាតុ beta-carotene ការពារស្បែកពីការបំផ្លាញដោយសារកម្ដៅថ្ងៃ។ លើសពីនេះទៅទៀតដំឡូងផ្អែមអាចជួយកាត់បន្ថយបញ្ហាស្បែករោលរលាកដោយសារកម្ដៅថ្ងៃ ក៏ដូចជាស្បែកស្ងួត និងជ្រីវជ្រួញ៕