រសិនបើអ្នកកំពុងជាសះស្បើយពីការវះកាត់ នោះអ្នកប្រហែលជាមានការព្រួយបារម្ភជាមួយនឹង ការវិវត្តន៍មាន នូវការចម្លងរោគនៅលើមុខរបួស ឬ នៅក្នុងឈាមរបស់អ្នក។ ការអនុវត្តន៍តាម នូវវិធាន ការសមស្រប ក្នុងការ ការពារនូវការចម្លងរោគ គឺពិតជាចាំបាច់សម្រាប់អ្នក ប៉ុន្តែការធ្វើតាមបានត្រឹមត្រូវ ទាំងអស់នោះ គឺមិនធានាប្រាកដថា អ្នកនឹងមិនមានការចម្លងរោគនោះទេ ។
នៅក្នុងរយៈពេលពីរបីសប្តាហ៍ដំបូង បន្ទាប់ពីពេលវះកាត់រួច នោះអ្នកត្រូវតែតាមដាននូវមុខរបួសរបស់ អ្នកអោយបានជារៀងរាល់ថ្ងៃ ដើម្បីរកមើលនូវសញ្ញានៃ ការចម្លងរោគណាមួយ ។ អ្នកប្រហែលជា នឹងចង់ធ្វើការ វាស់កម្តៅអោយបានជាប្រចាំ ជាពិសេសគឺស្ថិតនៅក្នុងពេល ដូចៗគ្នា សម្រាប់ពេលមួយ ថ្ងៃៗ ដើម្បីកត់សំគាល់ពី សញ្ញានៃការចំលងរោគណាមួយ អោយបានឆាប់រហ័សមុនពេលដែលវា រីករាលដាលធំ ។
ប្រសិនបើអ្នកមានការសង្ស័យ ឬ មានការវិវត្តន៍នូវសញ្ញា នៃការចំលងរោគ នោះវាពិតជា មានភាពចាំ បាច់ណាស់ សម្រាប់អ្នកក្នុងការកត់សម្គាល់វា អោយបានភ្លាមៗ ។ វាអាចជួយអោយគ្រូពេទ្យផ្នែកវះកាត់ ធ្វើការផ្តល់ថ្នាំផ្សះ និង វិធីព្យាបាលផ្សេងៗទៀត ដែលសារៈសំខាន់ សម្រាប់អ្នក ក្នុងការ ការពារនូវការ រីករាលដាល នូវសញ្ញានៃការចម្លងរោគទាំងនេះ ។
សញ្ញា និង រោគសញ្ញាជាទូទៅ នៃការចម្លងរោគ
· មានភាពរសាប់រសល់: រោគសញ្ញាមួយ ដែលមានជាទូទៅ នៃការចំលងរោគជាប្រព័ន្ធ ឬ ជាការ ចំលងរោគ ដែលធ្វើដំណើរនៅក្នុងរាងកាយរបស់អ្នកនោះ គឺថា អ្នកនឹងមានអារម្មណ៍ថា អស់កំលាំង និង គ្មានថាមពលទាល់តែសោះ។ អ្នកអាចនឹងគេងច្រើនជាងពេលធម្មតា ឬ មិនមាន អារម្មណ៍ថា ចង់ធ្វើសកម្មភាពជាធម្មតារបស់អ្នក នោះទេ។ អារម្មណ៍ទាំងនេះ ក៏អាចនឹងមាន សភាពជាទូទៅចំពោះ អ្នកជំងឺ ដែលកំពុងជាសះស្បើយពីមុខរបួសនៃការវះកាត់ ដែលមិនមាន ការចំលងរោគផងដែរ។ ប៉ុន្តែភាពខុសគ្នា នោះគឺថា អ្នកដែលមិនមានការចំលងរោគ គឺនឹងមាន អារម្មណ៍ល្អប្រសើរទៅៗ ជារៀងរាល់ថ្ងៃ ជាជាងការដែលមានអារម្មណ៍ថា ល្អក្នុងរយៈពេលតែពី បីថ្ងៃ ហើយបែរជាមានអារម្មណ៍ថា អស់កម្លាំងវិញភ្លាមៗ តាមដែលនេះអាចជាសញ្ញា នៃការ ចម្លងរោគ ។
· គ្រុនក្តៅ : មានគ្រុនក្តៅ ដែលកើតមានរួមជាមួយផងដែរ នូវអារម្មណ៍ត្រជាក់រងារ។ ស្ថានភាព គ្រុនក្តៅនេះ អាចនឹងធ្វើអោយការទទួលទានអាហាររបស់អ្នក ធ្លាក់ចុះ ដែលអាចនឹងធ្វើអោយ អ្នកជំងឺមានការបាត់បង់ជាតិទឹក និង ឈឺក្បាល។
សញ្ញា និង រោគសញ្ញា នៃការចំលងរោគនៅមុខរបួសនៃកន្លែងវះកាត់
· មុខរបួស មានលក្ខណៈក្តៅ : មុខរបួស ដែលមានការបង្ករោគ អាចនឹងធ្វើអោយអ្នកមានអារម្មណ៍ ថាក្តៅរោល។ វាកើតមានដោយសារតែ រាងកាយបាន បញ្ជូនគ្រាប់កោសិកាឈាមស អោយទៅ ប្រយុទ្ធប្រឆាំងនឹង ត្រង់តំបន់ដែលមានការបង្ករោគ។ ការថែទាំមុខរបួសរបស់អ្នកអោយបានត្រឹម ត្រូវ គឺពិតជាដើរតួយ៉ាងសំខាន់ ក្នុងការ ការពារការចម្លងរោគ ។
· មុខរបួស មានសភាពហើមប៉ោង និង ឡើងរឹង។ មុខរបួសដែលមានការបង្ករោគ អាចចាប់ផ្តើម នឹងឡើងរឹង ដោយសារតែជាលិកានៅក្រោមនោះត្រូវបានរលាក។ មុខរបួសទាំងនេះ អាចនឹង ចាប់ផ្តើមឡើងប៉ោង ឬ ហើមបានផងដែរ។
· មានភាពក្រហម។ មុខរបួស អាចនឹងមានពណ៌ក្រហម ឬ ក៏អាចមានរាងជាបន្ទះសាច់ក្រហម នៅត្រង់ស្នាមមុខរបួស ឬ នៅត្រង់តំបន់ជុំវិញនោះ ដែលវាអាចជាសញ្ញានៃការចំលងរោគ។ ស្នាម ពណ៌ក្រហមខ្លះ អាចនឹងជាសភាពធម្មតានៃមុខរបួស ប៉ុន្តែពួកវាគួរតែត្រូវ បានកាត់បន្ថយ នៅរយៈពេលក្រោយមក ជាជាង ដែលវាកាន់តែឡើងក្រហម នៅពេលដែលមុខរបួសត្រូវជាសះ ស្បើយ។
· មានហូរទឹករងៃ ឬ ខ្ទុះចេញពីមុខរបួស: បញ្ហានេះ នឹងកើតមាន ចំពោះស្នាមមុខរបួស ដែលត្រូវ បានបង្ករោគ។ វាអាចមានពណ៌ផ្សេងៗចាប់ពី ពណ៌ក្រហមឈាម រហូតដល់ពណ៌ខៀវ,ស ឬ លឿង។
· មានការឈឺចាប់: កម្រិតនៃការឈឺចាប់ គួរតែត្រូវបានកាត់បន្ថយយឺត និង ជាលំដាប់ កាលបើមុខ របួសអ្នក ចាប់ជាសះស្បើយ។ ប្រសិនបើកម្រិតនៃការឈឺចាប់របស់អ្នក នៅត្រង់តំបន់ដែលបាន ទទួលការវះកាត់ នៅតែបន្តកើនឡើង ដោយមិនមានមូលហេតុណាច្បាស់លាស់ នោះអ្នកអាចនឹង ប្រឈមនឹងការ បង្ករោគនៅត្រង់មុខរបួស របស់អ្នកហើយ។ វាជាការធម្មតានោះទេ បើអ្នកមាន ការឈឺចាប់ នៅពេលដែលអ្នកបានបង្កើនសកម្មភាពរាងកាយណាមួយ ឬ ដោយសារតែអ្នកបាន កាត់បន្ថយនូវការប្រើប្រាស់ថ្នាំបំបាត់ការឈឺចាប់ ប៉ុន្តែការកើនឡើងជាពិសេស នៃកម្រិតឈឺចាប់ដោយ មិនអាចពន្យល់បាន នោះអ្នកគួរតែ ធ្វើការពិភាក្សាជាមួយនឹងគ្រូពេទ្យផ្នែកវះកាត់របស់អ្នក ។