​ការកើនឡើង​កម្រិត​អាស៊ីត​អ៊ុយ​រិច​គឺជា​ការកើនឡើង​កំហាប់​នៃ​អាស៊ីត​អ៊ុយ​រិច​នៅក្នុង​ឈាម​របស់​អ្នក​។ អាស៊ីត​អ៊ុយ​រិច​គឺជា​កាកសំណល់​ដែល​ត្រូវបាន​បង្កើតឡើង​អំឡុង​ពេល​បំបែក​នៃ​ពុយ​រីន​ដែល​ជា​សារធាតុ​មួយដែ​ល​ត្រូវ​បាន​រកឃើញ​នៅក្នុង​ឈាម​ចំណីអាហារ​ជាច្រើន​។​

​ជាធម្មតា អាស៊ីត​អ៊ុយ​រីក​ត្រូវបាន​ចូល​នៅក្នុង​ឈាម​របស់​អ្នក ហើយ​ឆ្លងកាត់​ទៅ​តម្រង​នោម និង​ត្រូវ​បាន​បញ្ចេញ​ទៅក្នុង​ទឹកនោម​។​

​កម្រិត​ខ្ពស់​នៃ​អាស៊ីត​អ៊ុយ​រិច​មិន​អាច​បណ្តាល​អោយ​មាន​បញ្ហា​នោះ​ទេ​។ ទោះជា​យ៉ាងណា​ក៏ដោយ​, មនុស្ស​មួយចំនួន​បាន​វិវត្ត​ទៅ​ជា​ជំងឺ​សន្លាក់ឆ្អឹង​, គ្រួស​ក្នុង​តម្រង​នោម​, ឬ​ជំងឺ​ខ្សោយតម្រងនោម​ដែល​បង្កឡើង​ដោយ​កម្រិត​ខ្ពស់​នៃ​អាស៊ីត​អ៊ុយ​រិច​នេះ​។ កម្រិត​ខ្ពស់​នៃ​អាស៊ីត​អ៊ុយ​រិច​អាច​លេច​ចេញ​មុន​ទៅ​នឹង​ការវិវត្ត​នៃ​ជំងឺ​លើសឈាម​, ជំងឺ​បេះដូង ឬ​ជំងឺ​ខ្សោយតម្រងនោម​រ៉ាំរ៉ៃ​។ ប៉ុន្តែ​ជារឿយៗ វា​មិន​ច្បាស់​នោះ​ទេ​ថា​តើ​កម្រិត​អាស៊ីត​អ៊ុយ​រិច​ខ្ពស់​គឺ​ជា​មូលហេតុ​ផ្ទាល់ ឬ​ជា​សញ្ញា​គំរាមកំហែង​ដំបូង​នៃ​លក្ខខ័ណ្ឌ​ទាំង​នេះនោះ​។​

​មូលហេតុ​

​កម្រិត​អាស៊ីត​អ៊ុយ​រិច​ខ្ពស់​អាច​ត្រូវ​បាន​បង្កឡើង​ដោយ​ការផលិត​ហួសហេតុ​នៃ​អាស៊ីត​អ៊ុយ​រិច​នៅក្នុង​ខ្លួន ឬ​ដោយ​ការបញ្ចេញ​នៃ​អាស៊ីត​អ៊ុយ​រិច​បាន​ថយចុះ​នៅក្នុង​ទឹកនោម​។ ជាពិសេស​, កត្តា​ដែល​អាច​បណ្តាលអោយ​កំហាប់​នៃ​អាស៊ីត​អ៊ុយ​រិច​កើនឡើង​ខ្ពស់​នៅក្នុង​ឈាម​រួមមានៈ​

–          ថ្នាំ​បញ្ចុះ​ទឹកនោម​

–          ការ​ផឹកស្រា​ច្រើន​ពេក​

–          ការ​ផឹក​កាហ្វេ​អ៊ី​ន​ច្រើនពេក​

–          ជំងឺ​នៃ​ការថយចុះ​អរ​ម៉ូ​នទី​រ៉ូ​អ៊ីត​

–          ជំងឺមហារីក​ឈាម​

–          ធា​ត់​

–          ជំងឺ​ស្បែក​របក​ក្រហម​

–          អាហារ​ដែល​សំបូរ​ទៅ​ដោយ​ពុយ​រី​ន​

–          ថ្នាំ​បន្ថយ​ប្រព័ន្ធ​ភាពស៊ាំ​មួយចំនួន​

​នៅពេលណា​ដែល​គួរ​ទៅ​ជួប​នឹង​គ្រូពេទ្យ​

​អាស៊ីត​អ៊ុយ​រីក​កើនឡើង​ជា​ធម្មតា​ត្រូវបាន​រកឃើញ​នៅ​ពេល​ដែល​គ្រូពេទ្យ​បាន​ស្នើ​អោយ​អ្នកជំងឺ​ធ្វើតេស្ត​ដើម្បី​ជួយ​បន្ថែម​នូវ​រោគវិនិច្ឆ័យ​ជំងឺ​ណាមួយ​ដែល​អ្នកមាន​។ វា​ជា​ការ​រក​មើល​ដែល​មិន​ត្រូវបាន​គេ​រំពឹងទុក ឬ​រក​ឃើញ​វា​ដោយ​ចៃដន្យ​។ សូម​និយាយ​ទៅកាន់​គ្រូពេទ្យ​អំពី​លទ្ធផល​នៃ​ការ​ធ្វើ​តេស្ត​។ កម្រិត​អាស៊ីត​អ៊ុយ​រិច​ខ្ពស់ និង​លទ្ធផល​ពី​ការ​ធ្វើ​តេស្ត​នានា អាច​បង្ហាញ​ពី​មូលហេតុ​នៃ​ជំងឺ​របស់​អ្នក ឬ​គ្រូពេទ្យ​អាច​ស្នើ​អោយ​ធ្វើតេស្ត​ដទៃទៀត​ដើម្បី​វាយតម្លៃ​ទៅលើ​លក្ខខ័ណ្ឌ និង​ធ្វើអោយ​កាន់តែ​ច្បាស់​នៃ​រោគ​វិនិច្ឆ័យ​។​

​ប្រសិនបើ​អ្នកព្រួយបារម្ភ​អំពី​ថ្នាំ​របស់​អ្នក​អាច​បណ្តាលអោយ​កើនឡើង​អាស៊ីត​អ៊ុយ​រិច​នោះ​, សូម​បន្ត​ប្រើ​ថ្នាំ​របស់​អ្នក​។ សូម​កុំ​ប្តូរ​ថ្នាំ​ដោយ​មិន​មាន​ការ​ពិគ្រោះ​ជាមួយ​នឹង​គ្រូពេទ្យ​អោយ​សោះ​៕​