Join with Health.com.kh on Telegram


​ស្ពឹក​គឺ​ការបាត់បង់​ញាណ ឬ​អារម្មណ៍​នៃ​ផ្នែក​ណាមួយ​នៃ​ខ្លួន​របស់​អ្នក​។ ជាធម្មតា ការ​ស្ពឹក​ត្រូវបាន​បណ្តាលមកពី ការ​រលាក ឬ​ការ​សង្កត់​នៃ​ផ្នែក​ណាមួយ​នៃ​សរសៃវិញាណ​នៃ​ផ្នែក​ខាងៗ​នៃ​ខ្លួន​របស់​អ្នក​។ ជំងឺ​ដែល​ប៉ះពាល់​ទៅលើ​សរសៃវិញាណ​ខាងៗ ដូចជា ជំងឺ​ទឹកនោម​ផ្អែម​ជា​ដើម​នោះ ក៏​អាច​បណ្តាលអោយ​ស្ពឹក​ផងដែរ​។ ក្នុងករណី​កម្រ​, ការ​ស្ពឹក​អាច​ត្រូវ​បណ្តាល​មកពី​បញ្ហា​នៅ​ក្នុង​ខួរក្បាល ឬ​ខួរឆ្អឹងខ្នង​។​

​ភាពជាក់ស្តែង​, ការ​ស្ពឹក​គឺ​ស្រដៀង​ទៅ​នឹង​ការ​មាន​ជើង​របស់​អ្នក​ចូល​គេង​អញ្ចឹង​។ ជា​សំណាងល្អ​, ការ​ស្ពឹក​ដោយ​ឯកឯង​កម្រ​ត្រូវបាន​ផ្សារភ្ជាប់​ជាមួយនឹង​ជំងឺ​ដែល​គម្រាមកំហែង​ដល់​អាយុ​ណាស់​ដូចជា ជំងឺ​ដាច់​សរសៃឈាម​ខួរក្បាល ឬ​ដុំ​សាច់​នោះ​។​

​គ្រូពេទ្យ​នឹង​ត្រូវការ​ព័ត៌មាន​លំអិត​អំពី​រោគសញ្ញា​ដើម្បី​ធ្វើ​រោគវិនិច្ឆ័យ​នៃ​មូលហេតុ​នៃ​ការ​ស្ពឹក​របស់​អ្នក​។ ភាព​ខុសប្លែក​គ្នា​នៃ​តេស្ត​អាច​ចាំបាច់​ដើម្បី​បញ្ជាក់​ពី​មូលហេតុ​មុននឹង​ការព្យាបាល​ដែល​សមស្រប​អាច​ចាប់ផ្តើម​ធ្វើ​។​

​មូលហេតុ​

​មូលហេតុ​នៃ​ការ​ស្ពឹក​រួមមានៈ​

–          ផឹកស្រា​រ៉ាំរ៉ៃ​

–          គ្រោះ​ថ្នាក់​លើ​សរសៃវិញាណ​ដើមដៃ​

–          រីក​សរសៃឈាម​ខួរក្បាល​

–          ដុំ​សាច់​ខួរក្បាល​

–          ជំងឺ​ទឹកនោម​ផ្អែម​

–          រោគសញ្ញា Guillain-Barre

–          ជំងឺ Lyme

–          ជំងឺ​ក្រិន​ច្រើន​កន្លែង​

–          ការ​សង្កត់​សរសៃវិញាណ​ខាងៗ​

–          ជំងឺ​សរសៃវិញាណ​ខាងៗ​

–          ជំងឺ Raynaud

–          ការជះឥទ្ធិពល​នៃ​ការព្យាបាល​ដោយសារ​ធាតុគីមី ឬ​ថ្នាំ​ប្រឆាំង​នឹង​មេរោគ​អេដស៍​

–          គ្រោះ​ថ្នាក់​លើ​ខួរឆ្អឹងខ្នង​

–          ដុំ​សាច់​ឆ្អឹងខ្នង​

–          ជំងឺ​ដាច់​សរសៃឈាម​ខួរក្បាល​

–          ជំងឺស្វាយ​ប្រមេះ​

–          រីក​សរសៃឈាម​អា​អក​ក្នុង​ទ្រូង​

–          ជំងឺ​ស្ទះ​សរសៃឈាម​បណ្តោះអាសន្ន​

–          ជំងឺ​រលាក​សរសៃឈាម​

–          ខ្វះ​វីតាមីន B12

​នៅពេលណា​ដែល​គួរ​ទៅ​ជួប​នឹង​គ្រូពេទ្យ​

​ការ​ស្ពឹក​អាច​មាន​មូលហេតុ​ផ្សេងៗ​គ្នា​ជា​ច្រើន​។ ភាគច្រើន​គឺ​មិន​ប៉ះពាល់​នោះទេ ប៉ុន្តែ​មួយចំនួន​អាច​គម្រាមកំហែង​ដល់​អាយុជីវិត​បាន​។​


សូម​ទូរស័ព្ទ​សង្គ្រោះបន្ទាន់ ឬ​ទៅ​បន្ទប់សង្គ្រោះបន្ទាន់​ភ្លាមៗ​ប្រសិនបើ​ការ​ស្ពឹក​របស់​អ្នក៖

–          ចាប់ផ្តើម​មាន​ភ្លាមៗ​

–          កើត​មាន​ដោយសារតែ​គ្រោះថ្នាក់​ក្បាល​ថ្មីៗ​

–          ប៉ះពាល់​ទៅ​នឹង​ដៃ ឬ​ជើង​ទាំងមូល​

​សូម​ស្វែងរក​ការសង្គ្រោះ​ភ្លាមៗ​ប្រសិនបើ​ការ​ស្ពឹក​របស់​អ្នក​ត្រូវបាន​គួបផ្សំ​ដោយ

–          ខ្យោយ​

–          ភ័ណ្ឌច្រលំ​

–          ពិបាក​និយាយ​

–          វិលមុខ​

–          ឈឺ​ក្បាល​ភ្លាមៗ និង​ខ្លាំង​

អ្នក​អាច​នឹង​មាន​ការថត​ស្កេន ឬ​MRI ប្រសិនបើ៖

–          អ្នក​មាន​គ្រោះថ្នាក់​ក្បាល​

–          គ្រូពេទ្យ​សង្ស័យ ឬ​ត្រូវ​បាន​រក​មើល​ពី​ជំងឺ​ដាច់​សរសៃឈាម​ខួរក្បាល ឬ​ដុំ​សាច់​ក្នុង​ខួរក្បាល​

សូម​ធ្វើការ​ណាត់ជួប​ជាមួយ​គ្រូពេទ្យ​ប្រសិនបើ​ការ​ស្ពឹក​របស់​អ្នក៖

–          ចាប់ផ្តើម​មាន​សន្សឹមៗ ឬ​កាន់តែ​អាក្រក់​ទៅៗ​

–          ប៉ះពាល់​ទាំង​ដៃ ឬ​ជើង​

–          មាន​បាត់ៗ​

–          ហាក់ដូចជា​ត្រូវ​បាន​ផ្សារភ្ជាប់​ទៅ​នឹង​ការងារ ឬ​សកម្មភាព​មួយចំនួន ជា​ពិសេស​ធ្វើ​ចលនា​ដដែលៗ​

–          ប៉ះពាល់​តែ​ផ្នែក​មួយ​នៃ​អវៈយវៈ ដូចជា​ម្រាមជើង ឬ​ម្រាមដៃ​