Join with Health.com.kh on Telegram

​មូលហេតុ​ដ៏​សំខាន់ៗ​ពីរ​នៃ​ជំងឺ​នោម​ទា​ស់គឺ ១, ស្ទះ​បង្ហួរនោម និង ២, ខូច​ប្រព័ន្ធ​សរសៃ ប្រសាទ​សម្រាប់​ភ្ជាប់​ទំនាក់ទំនង​ពី​ផ្លូវ​ត​ម្រ​នោម ទៅ​ខួរក្បាល​។​


មូលហេតុ​ដែល​ច្រើនតែ​កើតមាន​ជា​ញឹកញាប់​គឺ​:


•    ស្ទះ​៖ ការស្ទះ​នេះ​ច្រើន​បង្កឡើង​ដោយ​ការស្ទះ​បង្ហួរនោម​លើ​បុរស​គឺ​ក្រពេញប្រូ​ស្តា​តរីក​ធំ ព្រោះ​ក្រពេញ​នេះ​ស្ថិតនៅ​ជុំវិញ​បង្ហួរនោម​។ មូលហេតុ​ដែល​បណ្តាល​អោយ​ក្រពេញ​នេះ​រីក​ធំ​គឺ​ការរីក​ក្រពេញប្រូ​ស្តាយ Benign Prostatic Hypertrophy (BPH)​។ មូលហេតុ​ផ្សេងៗ​ទៀត​មាន​ដូចជា មហារីក​ក្រពេញប្រូ​ស្តាត និង​រលាក​ក្រពេញប្រូ​ស្តាត​។ ចំពោះ​មូលហេតុ​ដែល​កើត​លើ​មនុស្ស​ទាំង​ពីរ​ភេទ​គឺ មាន​ជាលិកា​សន្លាក ឬ​របួស កំណក​ឈាម ការបង្ក​រោគ ដុំ​សាច់​ក្នុង​អាង​ត្រគៀក និង​គ្រួស (​កម្រ​)​។​


•    មាន​បញ្ហា​សរសៃប្រសាទ​៖ ការ​ខូច​សរសៃប្រសាទ​នៅ​ចន្លោះ​ផ្លោក​នោម និង​ខួរក្បាល​អាចធ្វើអោយ​រាងកាយ​បាត់បង់​មុខងារ​គ្រប់គ្រង​ផ្លោក​នោម​។ ជា​ម្តងម្កាល ការ​នោម​ទាស់​អាច​ជា​រោគសញ្ញា​ដំបូង​នៃ​ការគាបសង្កត់​ទៅលើ​ខួរឆ្អឹងខ្នង​ដែល​ត្រូវការ​ព្យាបាល​ជា​បន្ទាន់​ដើម្បី​បង្ការ​កុំអោយ​មាន​បញ្ហា​នេះ​ជាប់​រហូត ព្រោះ​វា​នឹង​ធ្វើអោយ​អ្នកជំងឺ​ទៅ​ជា​ពិការភាព​បាន​។ ចំពោះ​មូលហេតុ​ដែលនាំអោយ​ខូច​សរសៃប្រសាទ​ជា​ញឹកញាប់​បំផុត​នោះ​មាន គ្រោះ​ថ្នាក់​លើ​ខួរឆ្អឹងខ្នង ដុំ​សាច់​ក្នុង​ខួរឆ្អឹងខ្នង ជំងឺ​ដាច់​សរសៃឈាម​ខួរក្បាល ជំងឺ​ទឹកនោម​ផ្អែម ក្ល​ន ឬរ​ហែក​ទ្រនាប់​ថាស​ក្នុង​ឆ្អឹងខ្នង ការបង្ក​រោគ ដែល​អាច​សង្កត់​ទៅលើ​ខួរឆ្អឹងខ្នង​របស់​អ្នក​បាន​។​


•    ការបង្ក​រោគ​៖ ការបង្ក​រោគ​ក្នុង​តំបន់​អាង​ត្រគាក​ដូច​ជា​ជំងឺប៉េស​គឺវា​អាច​រំខាន​ដល់ស​រសៃ​ប្រសាទ​ក្នុង​តំបន់​នេះ​បាន​។ ការ​រលាក និង​ហើម​បណ្តាលមកពី​ជំងឺ​នេះ​ក៏​អាច​សង្កត់​ទៅលើ​បង្ហួរនោម​បានដែរ​។ ការបង្ក​រោគ​នៅ​ជុំវិញ​ខួរឆ្អឹងខ្នង​ធ្វើអោយ​នោម​ទា​ស់បាន​ដោយសារ​តែ​វា​ទៅ​សង្កត់​សរសៃប្រសាទ​របស់​ខួរ​ឆ្អឹងខ្នង​។​


•    ការវះកាត់​៖ ការ​នោម​ទាស់​គឺជា​បញ្ហា​ដ៏​ចម្បង​មួយ​ក្រោយ​ពី​វះកាត់​រួច​។ វា​អាច​ជា​បណ្តាលមកពី​ការចាក់​ថ្នាំស្ពឹក ឬ​ប្រភេទ​នៃ​ការវះកាត់​។ ការ​ដែល​មិន​ធ្វើ​ចលនា​ក្រោយ​ពេល​វះកាត់​រួច​ក៏​ជាដើម​ហេតុ​មួយ​ដែរ​។ ពេលខ្លះ​ការវះកាត់​ផ្លោក​នោម ឬ​ក្រពេញប្រូ​ស្តា​ត​កាលពីមុន​អាចធ្វើអោយ​បំពង់​ដែល​វះ​រួច​នោះ​ទៅ​ជា​រួម​តួច និង​នោម​ទា​ស់បាន​។​


​មូលហេតុ​ដែល​ទាក់ទង​នឹង​ការប្រើ​ថ្នាំ​
​ការប្រើប្រាស់​ថ្នាំ​អាច​បណ្តាល​អោយ​នោម​ទាស់ ជាពិសេស​ចំពោះ​បុរស​ដែល​មាន​ក្រពេញប្រូ​ស្តា​តរីក​ធំ ហើយ​ថ្នាំ​ដែល​ពួកគេ​ប្រើ​ច្រើនតែ​ជា​ថ្នាំ​ផ្តាសាយ និង​ថ្នាំ​អាឡែ​ហ្ស៊ី​ដែល​គ្មាន​វេជ្ជបញ្ជា​។​


•    ថ្នាំ​ដែល​ធ្វើ​អោយ​ស្ទះ​លំហូ​នោម​ចេញពី​ផ្លោក​នោម​មាន Ephedrine (Kondon’s Nasal, Pretz-D), Pseudoephedrine (Actifed, Afrin, Drixoral, Sudafed, Triaminic) និង Phenylpropanolamine (Acutrim, Dexatrim, Phenoxine, Prolamine)​។​


•    ថ្នាំ​ប្រឆាំងនឹង​អាឡែ​ហ្ស៊ី​មានដូចជា Diphenhydramine (Benadryl, Compoz, Nytol, Sominex) និង Chlorpheniramine (Chlor-Trimeto, Allergy 8 Hr), ព្រម​ទាំ​ថ្នាំ​ប្រឆាំងនឹង​ការបាក់​ទឹកចិត្ត​ប្រភេទ​ចាស់ៗ​។​


​កូនក្មេង​នោម​ទាស់​
•    ក្មេង​អាច​មាន​បញ្ហា​នោម​ទាស់​ពី​កំណើត ហើយ​វា​ច្រើន​តែ​កើត​ឡើង​ក្នុង​អាយុ ៦​ខែ​ដំបូង​
•    ក្មេង​ស្រាប់តែ​មិន​ចង់​នោម​តែម្តង នេះ​អាច​ដោយសារតែ​មាន​បញ្ហា​ជា​បណ្តោះអាសន្ន​ដែល​ធ្វើអោយ​ពួកគេ​នោម​ឈឺ​។ ការឈឺ​នេះ​អាចមកពី​រោគ​ផ្សិត​ចំពោះ​ស្ត្រី ឬ​មានការ​រលាក​ដោយសារ​តែ​សាប៊ូ​។ ភាគច្រើន​ក្មេង​នឹង​នោម​វិញ​បាន​ដោយ​ខ្លួនឯង​ដោយ​មិន​ចាំបាច់​ធ្វើ​អ្វី​ទាំងអស់​។​


​មូលហេតុ​ផ្សេងៗ​ទៀត​


​ជំងឺ​នោម​ទាស់​រ៉ាំរ៉ៃ​ច្រើន​តែ​មាន​ការវិវត្តន៍​យឺតៗ​ដោយសារ​តែ​ប្លោក​ក​នោម​មិន​អាច​បញ្ចេញ​ទឹកនោម​បាន​អស់ ហើយ​ប្រហែលជា​ត្រូវ​ប្រើពេល​យូរ​ទើប​អាច​ធ្វើ​រោគវិនិច្ឆ័យ​ដឹង​ព្រោះ​មិនទាន់​មាន​រោគសញ្ញា​។​
•    សាច់ដុំ​ផ្លោក​នោម​ចុះខ្សោយ ស្ទះ​ទឹកនោម​រ៉ាំរ៉ៃ និង​ជំងឺសរសៃប្រសាទ ឬ​មាន​គ្រោះ​ថ្នាក់​លើ​អ្វី​មួយ​សុទ្ធតែ​បណ្តាលអោយ​នោម​ទាស់​រ៉ាំរ៉ៃ​។​
•    នោម​ទាស់​រ៉ាំរ៉ៃ​អាច​នឹង​ធ្វើអោយ​នោម​ដោយ​មិនដឹង​ខ្លួន (​ព្រោះ​ប្លោក​ក​នោម​ពេញ​ពេក​) មាន​ការបង្ក​រោគ​ក្នុង​ផ្លូវ​តម្រងនោម និង​ខ្សោយតម្រងនោម​។​
•    ការ​ដែល​មិន​ព្រម​ធ្វើ​ចលនា​យូរ​ពេក​អាច​ប្រឈម​កាន់តែ​ខ្ពស់​នឹង​ជំងឺ​នោម​ទាស់​។​