Join with Health.com.kh on Telegram

​និយមន័យ​

    ការ​ក្អក​ធ្លាក់ឈាម អាច​បណ្តាលមកពី​ស្ថានភាព​ជា​ច្រើន របស់​ថ្លើម​។ ការ​ក្អក​ធ្លាក់ឈាម អាចមាន ទម្រង់​ផ្សេងៗ​គ្នា គឺ ឈាម​ដែល​ចេញមក​អាច​មាន​លក្ខណៈ ក្រហម​ស្រស់ ឬ ពណ៌​ផ្កាឈូក និង មាន​ពពុះ ៗ ឬ វា​អាច​មាន​លាយ​ជាមួយ​នឹង​ស្លេស្ម​។ ទោះបីជា​ការ​ក្អក​ធ្លាក់ឈាម​នេះ មាន​កម្រិត​តិចតួច​ក៏ដោយ វា អាច​ជា​សញ្ញា​ប្រកាសអាសន្ន​មួយ សម្រាប់​អ្នក​។ តែ​ទោះជា​យ៉ាងណាក៏ដោយ ការ​ខាក​ស្លេស ដែលមាន រាង​ក្រហម​ដូច​ឈាម​បន្តិច គឺ​មិនមែន​ជា​ភាពមិនប្រក្រតី និង ជាធម្មតា វា​មិន​មាន​សភាព​ធ្ងន់ធ្ងរ​អ្វី​នោះទេ​។​ អ្នក​ត្រូវ​ស្វែងរក​ក្រុម​សង្គ្រោះ អោយបាន​ជា​បន្ទាន់ ប្រសិនបើ អ្នក​បាន​ក្អក​ធ្លាក់ឈាម ក្នុង​បរិមាណ​ដ៏ ច្រើន ឬ មានការ​ក្អក​ធ្លាក់ឈាម​ជារឿយៗ ។​


​មូលហេតុ​


      ការ​ក្អក​ធ្លាក់ឈាម​នេះ អាច​កើតមាន​មក​ពី ផ្នែក​មួយ​ចំនួន នៃ​សួត ( បំពង់​ដកដង្ហើម ) ។ ការធ្លាក់ ឈាម​ដែលមាន​ប្រភព​មក​ពី​កន្លែង​ផ្សេងទៀត មានដូចជា នៅក្នុង​ក្រពះ ក៏​អាច​មាន​លក្ខណៈ​ដូច ទៅនឹង ការ​ក្អក​ធ្លាក់ឈាម​នេះ​បាន​ផង​ដែរ​។ វា​ជា​ការចាំបាច់ សម្រាប់​វេជ្ជបណ្ឌិត ក្នុង​ការកំណត់​អោយ​ច្បាស់ ពី ប្រភព​នៃ​កន្លែង​ដែល​មាន​ការ​ហូរឈាម និង​បន្ទាប់មក​ត្រូវ​កំណត់​ថា ហេតុអ្វី​បានជា​អ្នក មានការ​ក្អក ធ្លាក់ ឈាម​នេះ ។​
    មូលហេតុ​ដ៏​ចំបង នៃ​ការ​ក្អក​ធ្លាក់​ឈាម គឺ​បណ្តាលមកពី ជំងឺ​រលាក​ទងសួត​រុំ​ា​រ៉ៃ ឬ ការរីក​ទងសួត ។

មូលហេតុ​ដែល​អាច​កើត​មាន​ផ្សេងៗ​ទៀត រួមមាន​ដូចជា ៖


•​    ​ការប្រើប្រាស់​ថ្នាំ ដូចជា crack cocaine ។​
•​    ​មាន​ខ្ទុះ នៅក្នុង​សួត​។​
•​    ​ជំងឺមហារីក​សួត​។​
•​    ​មានការ​ចម្លងរោគ នៃ​ពពួក​ប៉ារ៉ាស៊ីត​។​
•​    ​ជំងឺរបេង ។​
•​    ​មាន​ការប៉ះទង្គិច ទៅលើ​ប្រអប់​ទ្រូង​។​
•​    ​ជំងឺ​រលាក​សួត​។​
•​    ​ជំងឺ​ហើម​សួត ។​
•​    ​ជំងឺ​នៃ​ការ​មាន​ឧបសគ្គ​រុំ​ា​រ៉ៃ នៅ​នឹង​សួត ( Chronic Obstructive Pulmonary disease) ។​
•​    ​ការស្ទះ​ស​សៃ​អាទែ​សំខាន់ណា​មួយ នៅក្នុង​សួត ។​
•​     ការស្ទះ​ប្រឺស​មីត្រា​ល់​នៃ​បេះដូង ។​
•​    ​ជំងឺ​រលាក​ស​សៃឈាម ( Wegener’s granulomatosis ) ។ 


​តើ​នៅពេល​ណា ដែល​អ្នក​ត្រូវ​ទៅ​ជួប​នឹង​គ្រូពេទ្យ ?


     ធ្វើការ​ទាក់ទង​ទៅ​កាន់​គ្រូពេទ្យ ប្រសិនបើ​អ្នក​មាន​ការ​ក្អក​ធ្លាក់​ឈាម​។ នោះ​គ្រូពេទ្យ នឹង​អាច ធ្វើការ កំណត់​ថា​តើ មូលហេតុ​របស់​វា អាច​នឹង​មាន​សភាព​ស្រាល ឬ គ្រោះថ្នាក់​ខ្លាំង ។ ធ្វើការ​ទាក់ទង​ទៅ​កាន់ ក្រុម​សង្គ្រោះ​បន្ទាន់ ដើម្បី​ស្វែងរក​ជំនួយ​ផ្នែក​វេជ្ជសាស្ត្រ ប្រសិនបើ​អ្នក​មាន​ការ​ក្អក​ធ្លាក់​ឈាម ជាច្រើន ឬ ក៏ ការ​ហូរ​ឈាម​នេះ​មិន​ព្រម​ឈប់ ។​