Join with Health.com.kh on Telegram

​កែងដៃ​គឺជា​សន្លាក់​ដ៏​ស្មុគស្មាញ​មួយ​ដែល​អនុញ្ញាត​អោយ​អ្នក​ធ្វើ​កាយវិការ​ក្នុងការ​បត់​ទៅ​មុខ ឬ​ទៅក្រោយ និង​បង្វិល​ដើមដៃ​។ ការឈឺ​កែងដៃ​អាច​ត្រូវ​បាន​បង្កឡើង​ដោយ​ការគ្រោះថ្នាក់ ឬ​របួស​ទៅ​លើ​ឆ្អឹង​នៅ​នឹង​សន្លាក់​កែងដៃ​, ជុំវិញ​សាច់ដុំ ឬ​តង់​ដុង ដែល​ភ្ជាប់​សាច់ដុំ​ទៅ​ឆ្អឹង​។ ការឈឺ​កែងដៃ​ក៏​អាច​ត្រូវ​បាន​បង្កឡើង​ដោយ​ការខូចខាត​នៃ​នៃ​សរសៃ​វិញាណ​, សរសៃឈាម និង​សរសៃ​ត​ឆ្អឹង​នៃ​សន្លាក់​នោះ​ផង​ដែរ​។ បញ្ហា​ត្រង់​ក​, ស្មា និង​កំភួនដៃ ឬ​ដើមដៃ និង​ក​ដៃ​ក៏​អាច​បណ្តាល​អោយ​ឈឺ​កែងដៃ​ផងដែរ​។​
​ជាធម្មតា​, ការឈឺ​កែងដៃ​មិន​ធ្ងន់ធ្ងរ​នោះទេ ប៉ុន្តែ​អ្នក​អាច​ប្រើ​កែងដៃ​របស់​អ្នក​ក្នុង​រឿង​ជាច្រើន ដូចនេះ​ការ​ឈឺដៃ​អាច​ប៉ះពាល់​ក្នុង​ជីវិត​រស់នៅ​របស់​អ្នក​ជា​ច្រើន​។​


​មូលហេតុ​


​ការឈឺ​កែងដៃ​ភាគ​ច្រើន​អាច​បណ្តាលអោយ​ការគ្រោះថ្នាក់​លើ​វា​ខ្លាំងពេក ដូចជា ការលេង​កីឡា​, ចំណង់​ចំណូលចិត្ត ឬ​ការងារ​តម្រូវអោយមាន​សកម្មភាព​លើ​ដៃ​, កដៃ​ដដែលៗ​។ ការឈឺ​កែងដៃ​អាច​ត្រូវ​បាន​បង្កឡើង​ដោយ​ការ​រលាក​សន្លាក់ឆ្អឹង ប៉ុន្តែ​ជា​ទូទៅ សន្លាក់​កែងដៃ​របស់​អ្នក​មិន​សូវ​ជា​បង្ក​អោយមាន​បញ្ហា​ជាង​សន្លាក់​ដទៃទៀត​នោះ​ទេ​។​


​មូលហេតុ​ទូទៅ​បំផុត​នៃ​ការឈឺ​កែងដៃ​រួមមាន៖
–       បាក់​កែងដៃ​


–       រហែក​សរសៃ​ត​ឆ្អឹង​
–       បណ្តុំ​រោគសញ្ញា​ដែល​កើតមានឡើង​នៅពេល​ដែល​សរសៃវិញាណ​អ៊ុល​ណា​ដែល​នៅ​ផ្នែក​ខាង​ក្នុងនៃ​កែង​ឆ្អឹង​ត្រូវ​បាន​ប៉ះពាល់​
–       រលាក​ថង់​ទឹក​សន្លាក់​នៅ​នឹង​កែងដៃ​
–       ជំងឺ​រលាក​សន្លាក់ឆ្អឹង​
–       រលាក​តង់​ដុង​
–       ឈឺ​កែងដៃ​ដោយសារ​តែ​វាយ​កូន​បាល់​


​នៅពេលណា​ដែល​គួរ​ទៅ​ជួប​នឹង​គ្រូពេទ្យ


​ការថែរក្សា​ខ្លួនឯង​
​ការឈឺ​កែងដៃ​ភាគច្រើន​មាន​ភាពប្រសើរ​ឡើង​វិញ​ដោយ​ការព្យាបាល​នៅផ្ទះ​ដូចជាៈ​
–       សម្រាកៈ សូម​អោយ​កែងដៃ​របស់​អ្នក​នៅ​ស្ងៀម​ក្នុង​រយៈពេល​២​ថ្ងៃ និង​ជៀសវាង​សកម្មភាព​ដែល​បង្កអោយមាន​គ្រោះថ្នាក់​យ៉ាងហោចណាស់​៣​សប្តាហ៍​។ ប្រសិនបើ​អ្នក​មាន​បាក់ឆ្អឹង​, អ្នក​អាច​ត្រូវដាក់​ប្រដាប់​ការពារ​ដើម្បី​ជួយ​អោយ​កែងដៃ​របស់​អ្នក​នៅ​ស្ងៀម​
–       ដាក់​ទឹកកកៈ សូម​ស្អំ​ទឹកកក​ត្រង់​កន្លែង​ដែល​ឈឺ​១៥ ទៅ​២០​នាទី ៣​ដង​ក្នុង​មួយថ្ងៃ​
–       សង្កត់ៈ សូម​ប្រើ​បង់​សម្រាប់​រឹត​អោយ​ណែន​ដើម្បី​បន្ថយ​ការ​ហើម​
–       លើក​អោយ​ខ្ពស់ៈ សូម​អោយ​ដៃ​របស់​អ្នក​នៅ​ខ្ពស់​ដើម្បី​បន្ថយ​ការ​ហើម​
​ប្រសិនបើ​ការឈឺ​កែងដៃ​របស់​អ្នក​បណ្តាលមកពី​ការគ្រោះថ្នាក់​នោះ​, គ្រូពេទ្យ​អាច​ណែនាំ​អោយ​ព្យាបាល​ដោយ​ចលនា​ដើម្បី​ជួយ​ការពារ​បញ្ហា​នៃ​ការបាក់នោះ​។​


​សូម​ណាត់​ជាមួយនឹង​គ្រូពេទ្យ​ប្រសិនបើ​អ្នកមាន៖


–       ការឈឺ​កែងដៃ​មិន​បាន​ប្រសើរ​ឡើង​បន្ទាប់​ពី​ប៉ុន្មាន​ថ្ងៃ​នៃ​ការព្យាបាល​នៅផ្ទះ​
–       ការឈឺចាប់​ដែល​កើតមានឡើង​នៅពេល​ដែល​អ្នក​មិន​បាន​ប្រើប្រាស់​ដៃ​
–       កើនឡើង​ភាព​ក្រហម​, ហើម ឬ​ឈឺ​ត្រង់​តំបន់​ដែល​ប៉ះពាល់​


​សូម​ទាក់ទង​ទៅ​គ្រូពេទ្យ​ភ្លាមៗ​ប្រសិនបើ​អ្នក​មាន៖


–       ឈឺ​ខ្លាំង​, ហើម និង​ជាំ​ជុំវិញ​សន្លាក់​
–       បញ្ហា​នៃ​ការ​ធ្វើ​ចលនា​មិនធម្មតា​នៃ​កែងដៃ​, បញ្ហា​នៃ​ការប្រើប្រាស់​ដៃ ឬ​បត់​ដៃ​


​សូម​ស្វែងរក​ការសង្គ្រោះ​ភ្លាមៗ​ប្រសិនបើ​អ្នក​មាន៖


–       ភាពមិនធម្មតា​ជាក់ស្តែង​នៅ​នឹង​កែងដៃ​
–       ឆ្អឹង​លាន​ចេញ​
​អ្នក​អាច​ត្រូវ​ការថត​កាំរស្មី X ឬ​ថត​អ្វី​ផ្សេង​ទៀត​ប្រសិនបើ​អ្នក​មាន​ភាពមិនធម្មតា ឬ​បាក់ឆ្អឹង ឬ​គ្រូពេទ្យ​សង្ស័យ​ថា​ខូច​សរសៃវិញាណ​នោះ​។​