Join with Health.com.kh on Telegram

​វេជ្ជបណ្ឌិត​និង​មន្ត្រី​សុខាភិបាល​ប្រើពាក្យ​នេះ​នៅពេលដែល​ពួកគេ​មិនដឹង​ពី​ប្រភព​នៃ​ការឆ្លង​។ ជាមួយ​កូ​វីដ​-១៩ វា​ច្រើនតែ​សំដៅ​ទៅលើ​អ្នក​ដែល​ឆ្លង​វីរុស​នេះ ដោយ​ពួកគេ​មិន​បានចេញ​ក្រៅប្រទេស ឬ​មិនបាន​ប៉ះពាល់​នឹង​អ្នក ដែល​បានធ្វើ​ដំណើរ​ទៅ​បរទេស ឬ​អ្នក​ដែលមាន​ជម្ងឺ​កូ​វីដ​-១៩ ។​

​នៅ​ខែកុម្ភៈ​ឆ្នាំ ២០២០ CDC បានបញ្ជាក់​ពី​ការឆ្លង​មេរោគ​កូ​វីដ​-១៩ នៅក្នុង​រដ្ឋ​កាលីហ្វ័រ​ញ៉ា​ចំពោះ​មនុស្ស​ដែល​មិនបាន​ធ្វើដំណើរ​ទៅ​តំបន់​ដែល​រង​ផលប៉ះពាល់ ឬ​បាន​ប៉ះពាល់​នឹង​អ្នក​ដែលមាន​ជំងឺ​នេះ​។ នេះ​បាន​សម្គាល់​ជាដំបូង​នៃ​ការរីក​រាលដាល​សហគម​ន៍ នៅ​សហរដ្ឋអាមេរិក វា​ទំនងជា​មនុស្ស​នោះ​ត្រូវបាន​ប៉ះពាល់​ទៅនឹង​មនុស្ស​ម្នាក់​ដែល​បាន​ឆ្លង ប៉ុន្តែ​មិនបាន​ដឹង​។​

​តើ​អ្នក​អាចជួយ​បញ្ឈប់​ការរីក​រាលដាល​នៃ​វីរុស​នេះ​បាន​យ៉ាងដូចម្តេច​?
​ដោយសារ​វីរុស​ឆ្លង​ពី​មនុស្ស​ម្នាក់​ទៅ​មនុស្ស​ម្នាក់ វា​ជាការ​សំខាន់​ក្នុងការ​កម្រិត ទំនាក់ទំនង​របស់​អ្នក​ជាមួយ​មនុស្ស​ផ្សេងទៀត តាម​ដែល​អាចធ្វើ​ទៅបាន​។ និង​ជៀសវាង​ការប្រជុំ​ធំៗ​។ រដ្ឋ​និង​ទីក្រុង​ជាច្រើន​នៅ​អាមេរិក បាន​បន្ធូរបន្ថយ​ការ​រឹតត្បិត ហើយ​បាន​អនុញ្ញាតឱ្យ​អាជីវកម្ម​បើក​ដំណើរការ​ឡើងវិញ​។ នេះ​មិនមែន​មានន័យថា​វីរុស​ត្រូវបាន​បាត់បង់​នោះទេ​។​ចូរ​បន្ត​អនុវត្ត​វិធាន​សុវត្ថិភាព​ដូចជា​ពាក់​ម៉ាស​បិទមុខ​នៅតាម​ទីសាធារណៈ​។​

​ខណៈពេលដែល​ក្រុមហ៊ុន​ជាច្រើន​បាន​អនុវត្ត​ការងារ​ពី​ផ្ទះ ប៉ុន្តែ​សម្រាប់​កម្មករ​ជា​ច្រើ​នាក់ គឺ​មិន​អាចធ្វើ​ដូច្នេះ​ទេ​។ មនុស្ស​ខ្លះ​ធ្វើការ​នៅក្នុង “​អាជីវកម្ម​ចាំបាច់​” ដែលមាន​សារៈសំខាន់​សម្រាប់​ជីវិត​រស់នៅ​ប្រចាំថ្ងៃ​។ អ្នក​ផ្សេងទៀត​គួរតែ​នៅផ្ទះ​អោយបាន​ច្រើន​បំផុត​តាម​ដែល​អ្នក​អាចធ្វើ​បាន និង​ពាក់​ម៉ាស​បិទមុខ​ពេល​អ្នក​ចេញទៅ​ក្រៅ​។​

​ពាក្យ​ខាងក្រោម​នេះ​បាន​ក្លាយជា​រឿង​ធម្មតា​ហើយ​៖
-​គម្លាត​សង្គមៈ ការរក្សា​គម្លាត​រវាង​ខ្លួន​អ្នក​និង​មនុស្ស​ផ្សេងទៀត​នៅពេល​អ្នក​ត្រូវ​ចេញទៅ​ក្រៅ​
-​ច​ត្តា​ឡី​ស័​កៈ រក្សា​មនុស្ស​ម្នាក់​ឱ្យនៅ​ផ្ទះ និង​បំបែក​ខ្លួន​ពី​មនុស្ស​ផ្សេងទៀត ប្រសិនបើ​ពួកគេ​អាច​ត្រូវបាន​ប៉ះពាល់​នឹង​វីរុស​
-​ការ​ឃ្លាតឆ្ងាយៈ ការ​ទុក​មនុស្ស​ឈឺ​ឱ្យនៅ​ឆ្ងាយ​ពី​មនុស្ស​ដែលមាន​សុខភាព​ល្អ រួមទាំង​ការប្រើ​បន្ទប់​គេង និង​បន្ទប់ទឹក ដាច់ដោយឡែក​៕​