Join with Health.com.kh on Telegram

​យើងទាំងអស់គ្នា​ដឹងថា​យើង​ត្រូវបាន​អនុវត្ត​ការ​ឃ្លាតឆ្ងាយ​ដោយសារ​កូ​វីដ​-១៩​។ នោះ​មានន័យថា​សកម្ម​ភាពជា​ច្រើន​ដែល​ធ្លាប់មាន​ជាធម្មតា​ដូច​ជាការ​ដើរលេង ទៅ​ភោជនីយដ្ឋាន ការមើល​កុន​ល្ខោន ការហាត់ប្រាណ​នៅ​ខាងក្រៅ ឥឡូវ​ត្រូវ​បានកំណត់​ហើយ​។ ប៉ុន្តែ តើ​វា​មានន័យ​យ៉ាងណា​សម្រាប់​ការ​ទៅលេង​ឆ្នេរ​?

​តើ​កូ​រ៉ូ​ណា​វ៉ា​វី​អាច​រស់ក្នុង​ទឹកបាន​ទេ​?

យើង​នៅ​មិនទាន់​ដឹង​ច្រើន​អំពី​រោគសញ្ញា​ជំងឺ​ផ្លូវដង្ហើម​ធ្ងន់ធ្ងរ​ដែល​ឆ្លង​ពី​វីរុស​កូ​រ៉ូ​ណា ដែលនាំអោយ​កើតមាន​ជម្ងឺ​កូ​វីដ​-១៩ នៅឡើយ​។ ដោយឡែក​អ្នកវិទ្យាសាស្ត្រ​អាច​ផ្តោតលើ ការរក​វិធី​ការពារ ការរីក​រាលដាលនៃ​ជំងឺឆ្លង និង​ការស្វែងរក​វ៉ាក់សាំង​។​​មានការ​ស្រាវជ្រាវ​មួយចំនួន​អំពី​រយៈ​ពេលដែល​វីរុស​អាច​រស់​នៅលើ​ផ្ទៃ​ផ្សេងៗ​បាន​។ វា​អាចរ​ស់បាន ២ ទៅ ៣ ថ្ងៃ​លើ​ផ្លា​ស្ទិ​ច ប៉ុន្តែ​ប្រើពេល​តែ​៤ ម៉ោង​ប៉ុណ្ណោះ​នៅលើ​ស្ពាន់​។​

CDC និយាយថា មិនមាន​ភស្តុតាង​ណា ដែល​បញ្ជាក់ថា​យើង​អាច​ឆ្លង​កូ​វីដ​-១៩ តាមរយៈ​ការ​ហែល​ទឹកនោះទេ​។ ខណៈពេលដែល​កន្លែង​ហែល​ទឹក​សាធារណៈ​ភាគច្រើន​ត្រូវបាន​បិទ​នោះ ព្រោះ​វា​ពិបាក​ក្នុងការរក្សា​គម្លាត​ក្នុង​ទឹក​។

​មូលនិធិ Surfrider បាន​រាយការណ៍​ថា ការស្រាវជ្រាវ​បានបង្ហាញ​ថា វីរុស​អាច​នៅ​រស់រានមានជីវិត ហើយ​ឆ្លង​ចូលក្នុង​ទឹកសាប​។ នោះ​មានន័យថា​តាម​ទ្រឹស្តី​អ្នក​អាច​ឆ្លង​ដោយ​ហែល​ទឹក​នៅ​បឹង ឬ​ទន្លេ​។ ទោះបីជា​យ៉ាងណាក៏ដោយ​វីរុស​ទំនងជា​នឹង​អាច​ចុះខ្សោយ​។​

​មិនទាន់មាន​ការស្រាវជ្រាវ​ណាមួយ​ស្តីពី​លទ្ធភាព​ជោគជ័យ​របស់​វា នៅក្នុង​ទឹកប្រៃ​នៅឡើយ​ទេ​។ ទោះយ៉ាងណា​ក៏ដោយ​វា​មិន​ខុសពី​ទឹកសាប​ទេ​។ លើសពីនេះ​ទៀត នៅ​ឆ្នេរសមុទ្រ​ភាគច្រើន ជំនោរ​ធ្វើឱ្យ​ទឹក​មាន​ចលនា​។ ដូច្នេះ តាម​ទ្រឹស្តី​ប្រសិនបើ​នរណាម្នាក់​កណ្តាស់ ដំណក់​វីរុស​មួយចំនួន​ចូលទៅក្នុង​រលក នោះ​ជំនោរ​អាច​បក់បោក​ពួកគេ​ចេញពី​ឆ្នេរ​យ៉ាង​លឿន​។ ហើយ​យើង​មិន​បានដឹង​នោះទេ… ហើយ​ត្រូវ​ចងចាំ​ថា នៅតាម​ឆ្នេរ​​វា​មិន​ងាយស្រួល​ទេ ក្នុងការ​លាងដៃ​របស់​អ្នក​យ៉ាង​ហ្មត់ចត់ ជាមួយ​សាប៊ូ និង​ទឹក ដែលជា​ផ្នែក​សំខាន់​នៃ​ការការពារ​ការឆ្លង​វីរុស​៕​