COVID-19 symptoms vary person to person, as does the length of the coronavirus infection. If you're sick, use caution when deciding to leave isolation.
Join with Health.com.kh on Telegram

​រោគសញ្ញា​ទូទៅ​បំផុត​នៃ​ជម្ងឺ​កូ​វីដ​-១៩ គឺ​គ្រុនក្តៅ​ក្អក និង​ពិបាក​ដកដង្ហើម​។ ប្រសិនបើ​អ្នក​មិនមាន​រោគសញ្ញា​ធ្ងន់ធ្ងរ អ្នក​ទំនងជា​អាច​ព្យាបាល​វា​នៅផ្ទះ ដូចនឹង​វិធី​ដែល​អ្នក​ផ្តាសាយ ឫ ផ្តាសាយធំ​។ មនុស្ស​ភាគច្រើន​បានជា​សះស្បើយ​ពី​កូ​វីដ​-១៩ ដោយ​មិនចាំបាច់​មើលថែទាំ​នៅ​មន្ទីរពេទ្យ​។ ប៉ុន្តែទោះជាយ៉ាងណាមិនមានការលើកទឹកចិត្តណាមួយ ដែលតម្រូវអោយអ្នកជម្ងឺកូវីដ-១៩ព្យាបាលដោយខ្លួនឯងនៅផ្ទះឡើយ ព្រោះវាជាប្រភេទជម្ងឺឆ្លងដែលមានហានិភ័យខ្ពស់ណាស់។

​អ្នកវិទ្យាសាស្ត្រ​កំពុង​ព្យាយាម​ផលិត​ថ្នាំ​ថ្មី​និង​សាកល្បង​ថ្នាំ​ដែលមាន​ស្រាប់​ដើម្បី​ដឹងថា​តើ​ពួកគេ​អាច​ព្យាបាល​ជំងឺ COVID-19 បានដែរ​ឬទេ ក្នុង​ពេលនេះ​មាន​របស់​មួយចំនួន​ដែល​អាចជួយ​បំបាត់​អាការរោគ​ទាំង​នៅផ្ទះ​និង​នៅ​មន្ទីរពេទ្យ​។​

*​ការថែទាំអ្នក​ជម្ងឺ​កូ​រ៉ូ​ណា​
​ប្រសិនបើ​រោគសញ្ញា​របស់​អ្នក​ស្រាល​ល្មម ​អ្នក​គួរតែ​៖
-​សម្រាក​: វា​អាចធ្វើឱ្យ​អ្នកមាន​អារម្មណ៍​ធូរស្បើយ និង​អាចជួយ​ឱ្យ​ការ​ជាសះស្បើយ​ឡើងវិញ​។​
-​នៅមួយកន្លែង​: កុំទៅ​ធ្វើការ សាលារៀន ឬ​ទីសាធារណៈ​។​
-​ផឹកទឹក​: អ្នកនឹង​បាត់បង់​ទឹក​ច្រើន​នៅពេល​អ្នក​ឈឺ​។ ការ​ខះ​ជាតិ​ទឹក អាចធ្វើឱ្យ​រោគសញ្ញា​កាន់តែ​ធ្ងន់ធ្ងរ និង​បង្កឱ្យមាន​បញ្ហា​សុខភាព​ផ្សេងទៀត​។​
-​តាមដាន​: ប្រសិនបើ​រោគសញ្ញា​របស់​អ្នក​កាន់តែ​ធ្ងន់ធ្ងរ​សូម​ទូរស័ព្ទ​ទៅ​គ្រូពេទ្យ​ភ្លាមៗ​។ កុំទៅ​ការិយាល័យ​របស់គេ ដោយ​មិនបាន​ទូរស័ព្ទ​ទៅ​គេ​មុន​។ ពួកគេ​អាច​នឹង​ប្រាប់​អ្នក​ឱ្យ​ស្នាក់​នៅផ្ទះ ឬ​ពួកគេ​ប្រហែលជា​ត្រូវ​ចាត់វិធានការ​បន្ថែម ដើម្បី​ការពារ​បុគ្គលិក និង​អ្នកជំងឺ​ដទៃទៀត​។​
-​សូម​សាកសួរ​គ្រូពេទ្យ អំពី​ថ្នាំ​ដែល​គ្មាន​វេជ្ជបញ្ជា ដែល​អាចជួយ​បាន ដូចជា​អា​សេ​តា​មី​ណូ​ហ្វេ​ន (acetaminophen) ដើម្បី​បន្ថយ​គ្រុនក្តៅ​របស់​អ្នក​។​

​ហើយ អ្វីដែល​សំខាន់បំផុត​ដែល​ត្រូវធ្វើ គឺ​ចៀសវាង​ការឆ្លង​ទៅ​មនុស្ស​ផ្សេងទៀត ជាពិសេស​អ្នក​ដែលមាន​អាយុ​លើសពី ៦៥​ឆ្នាំ ឬ​អ្នក​ដែលមាន​បញ្ហា​សុខភាព​ផ្សេងទៀត​។​

​នោះ​មានន័យថា​:

-​ព្យាយាម​ស្នាក់នៅ​កន្លែង​តែមួយ​នៅក្នុង​ផ្ទះ​របស់​អ្នក​។ -​ប្រើ​បន្ទប់​គេង និង​បន្ទប់ទឹក​ដាច់ដោយឡែក​ប្រសិនបើ​អ្នក​អាច​។​
-​ប្រាប់​អ្នកផ្សេង​ទៀតថា​អ្នក​ឈឺ ដូច្នេះ​ពួកគេ​រក្សា​ចម្ងាយ​របស់​ពួកគេ​។​
-​គ្របដណ្តប់​ការ​ក្អក និង​កណ្តាស់​របស់​អ្នក​ជាមួយ​ក្រដាស់អនាម័យ ឬ​កែងដៃ​របស់​អ្នក​។​
-​ពាក់​ម៉ាស​លើ​ច្រមុះ​និង​មាត់​របស់​អ្នក​ប្រសិនបើ​អ្នក​អាច​។​
-​លាង​សម្អាត​ឱ្យបាន​ទៀងទាត់​ជាពិសេស​ដៃ​របស់​អ្នក​។​
-​កុំ​ប្រើ​ចាន ពែង ឬ​កន្សែងពោះគោ ជាមួយ​អ្នកផ្សេង​។​
-​លាង​សម្អាត​និង​សម្លាប់​មេរោគ នៅតាម​ដៃ​ទ្វារ និង​ផ្ទៃ​តុ​ជាដើម​…​។​

*​អ្វីដែល​ត្រូវ​រំពឹង​
​រោគសញ្ញា​ចាប់ផ្តើម​ពី ២ ទៅ ១៤ ថ្ងៃ​បន្ទាប់ពី​អ្នក​បាន​ឆ្លង​មេរោគ​។ ការសិក្សា​ដំបូង​បង្ហាញថា​មនុស្ស​ជាច្រើន​ដែលមាន​ការឆ្លង​មេរោគ​ស្រាល​បានជា​សះស្បើយ​ឡើងវិញ​ក្នុង​រយៈពេល ២ សប្តាហ៍​។ ករណី​ធ្ងន់ធ្ងរ​ជាង​នេះ​ច្រើន​តែមាន​រយៈពេល​ពី ៣ ទៅ ៦ សប្តាហ៍​៕​