​នាវា​ទេសចរណ៍របស់ក្រុមហ៊ុន​រ៉ូយ៉ាល់​កា​រ៉ា​បៀ​ន (Royal Caribbean) ​សិង្ហ​បុរី បាន​វិល​ត្រឡប់មក​កំពង់ផែ​វិញ​បន្ទាប់ពី​អ្នកដំណើរ​ម្នាក់​បានធ្វើ​តេ​ស្តិ៍​វិជ្ជមាន​វីរុស Covid-19​។​

​នាវាឈ្មោះ Quantum of the Seas បានរៀបចំ​ដំណើរ​កម្សាន្ត​រយៈពេល ៣ យប់ ៤ ថ្ងៃ​នៅ​ជុំវិញ​ប្រទេស​សិង្ហ​បុរី​។ ដំណើរ​កម្សាន្ត​នេះ​គឺជា​ផ្នែក​មួយ​នៃ​កម្មវិធី​ដែលមាន​ការយកចិត្តទុកដាក់​ខ្ពស់​ក្នុង​ការពង្រឹង​ការធ្វើដំណើរ​ក្នុងស្រុក​ក្នុងប្រទេស​សឹង្ហ​បុរី​ចំពេល​មានការ​ឆ្លង​រាលដាល​នៃ​វីរុស​កូ​រ៉ូ​ណា​។​

​នៅពេល​ការធ្វើ​តេស្ត​វិជ្ជមាន​ត្រូវបាន​បញ្ជាក់ Quantum of the Seas បាន​ជូនដំណឹង​ដល់​មន្ត្រី​សិង្ហ​បុរី​អំពី​ព័ត៌មាន​នេះ ហើយ​នាវា​បាន​វិលត្រឡប់​ទៅ​កំពង់ផែ​វិញ​។ ភ្ញៀវ​នឹងមិន​ត្រូវបាន​អនុញ្ញាត​ឱ្យ​ចាក​ចេញពី​កប៉ាល់​ទេ រហូត​ទាល់​តែមាន​វិធានការណ៍ ទាក់ទង​ពេញលេញ​ត្រូវបាន​អនុវត្ត​។​

​តំណាង​រ៉ូយ៉ាល់​កា​រ៉ា​បៀ​ន បាន​និយាយថា “​យើង​បានធ្វើការ​យ៉ាង​ជិតស្និទ្ធ​ជាមួយ​រដ្ឋាភិបាល ដើម្បី​បង្កើត​ប្រព័ន្ធ​ហ្មត់ចត់​មួយ ដែល​ធ្វើតេស្ត និង​ត្រួតពិនិត្យ​ភ្ញៀវ និង​នាវិក​ទាំងអស់ ហើយ​អនុវត្តតាម​ការអនុវត្ត​ន៍​សុខភាព​សាធារណៈ​ដ៏​ល្អ​បំផុត​” ។ ដែល​យើង​អាច​កំណត់​អត្តសញ្ញាណ​ករណី​មួយ​នេះ​បាន​យ៉ាង​ឆាប់រហ័ស ហើយ​ចាត់វិធានការ​ភ្លាមៗ គឺជា​សញ្ញា​មួយ​ដែល​បង្ហាញថា ប្រព័ន្ធ​នេះ​កំពុងដំណើរការ​ដូចដែល​វា​ត្រូវបាន​រៀបចំឡើង​ដើម្បី​ធ្វើ​។​

​លោកស្រី​អា​នី ចាង (Annie Chang) នាយក​នាវា​ទេសចរណ៍​នៅ​ក្រុមប្រឹក្សា​ទេសចរណ៍​សិង្ហ​បុរី បាន​ប្រាប់​កាសែត The Straits Times ថា រាល់​អ្នក​ដែល​ជិតស្និទ្ធ​នឹង​អ្នកដំណើរ​ដែល​ឆ្លង​មេរោគ​នេះ បានធ្វើ​តេ​ស្តិ៍​អវិជ្ជមាន​ចំពោះ​វីរុស​នេះ ប៉ុន្តែ​ពួក​គេនឹង​នៅ​ដាច់ដោយឡែក តាម​វិធាន​ការបង្ការ​៕