ជំងឺ​ក្លន​លូន គឺ​កើតមាន​នៅពេល​ដែល ផ្នែក​ខាង​ក្នុងនៃ​រាងកាយ ដូចជា​សិរី​រៈណា​មួយ ត្រូវបាន​លៀន ចេញ ដោយសារតែ​ការ​ចុះខ្សោយ​នៃ​សាច់ដុំ ឬ ជញ្ជាំង​ជាលិកា​ដែល​មាន​នៅ​ជុំវិញ​នោះ ។​

     ជាធម្មតា សាច់ដុំ​គឺ​មាន​សភាព​រឹងមាំ គ្រប់គ្រាន់ ក្នុងការ​រក្សា​អោយ​សិរីរៈ​ទាំងនោះ ស្ថិតនៅក្នុង​ទីតាំង ដើម​របស់​ពួក​វា​បាន​។ តែ​ទោះជា​យ៉ាងណាក៏ដោយ ប្រសិនបើ​ពួកវា​ត្រូវ​បាន​ចុះ​ខ្សោយ នោះ​ជំងឺ​ក្លន​លូន នឹង​អាច​កើតមាន​បាន​។​

​ប្រភេទ​ផ្សេងៗ​នៃ​ជំងឺ​ក្លន​លូន​

   ជំងឺ​ក្លន​លូន អាច​កើតមាន​នៅ​រាល់កន្លែង​ណាមួយ នៅក្នុង​ពោះ​របស់​អ្នក ( ត្រង់​តំបន់ នៃ​រាងកាយ​របស់ អ្នក​ដែល​នៅ​ចន្លោះ ដើមទ្រូង និង ត្រគាក​) ។​

ជំងឺ​ក្លន​លូន​មាន​ជាច្រើន​ប្រភេទ​ដូចខាងក្រោម​នេះ ៖

·         ក្លន​លូន​នៅ​ក្រលៀនៈ វា​កើត​មាន នៅពេលដែល ផ្នែក​នៃ​ពោះវៀន​របស់​អ្នក បាន​ទម្លុះ​ចូល ទៅក្នុង ផ្នែក​ខាងក្រោម​នៃ​ពោះ និង ធ្លាក់​ចូល​ទៅ​ក្នុង​ក្រលៀន​។​

·         ក្លន​លូន​នៅ​ត្រង់​ភ្លៅៈ វា​កើត​មាន នៅពេលដែល ជាលិកា​ខ្លាញ់ ឬ ផ្នែក​នៃ​ពោះវៀន​របស់​អ្នក បាន ចាក់​ទម្លុះ​ចូលទៅក្នុង​ក្រ​លៀន នៅត្រង់​ផ្នែក​ខាងលើ​នៃ កំ​ភ្លៅ​ខាងក្នុង​។​

·         ក្លន​លូន នៅត្រង់​មុខរបួស​ដែល​បាន​វះកាត់ៈ វា​កើត​មាន​បាន នៅពេលដែល ជាលិកា បាន​ធ្លាក់ ចូលទៅក្នុង មុខរបួស​ដែល​បាន​វះកាត់ នៅក្នុង​ពោះ​របស់​អ្នក ដែល​វា​នៅ​មិនទាន់​បាន​ជា សះស្បើយ ពេញលេញ​នៅឡើយ​។​

·         ក្លន​លូន នៅ​ផ្ចិតៈ វា​កើត​មាន នៅពេល​ដែល​ជាលិកា​ខ្លាញ់ ឬ ផ្នែក​នៃ​ពោះវៀន​របស់​អ្នក បាន​ចាក់ ទម្លុះ​ចូលទៅក្នុង​ពោះ ដែល​ស្ថិតនៅ​ជិត​តំបន់​ផ្ចិត​។​

·          ក្លន​លូន កាត់​ប្រហោង​ភ្នាស​សន្ទះ​ទ្រូងៈ វា​កើត​មាន នៅពេល​ដែល​ផ្នែក​ណាមួយ នៃ​ក្រពះ​របស់ អ្នក បាន​រុញ​ឡើងទៅ​ក្នុង ប្រអប់​ទ្រូង និងរ​មួល​ចាក់​ទម្លុះ​ទៅក្នុង​ភ្នាស​សន្ទះ​ទ្រូង ។​

·          ក្លន​លូន នៅ​ចុងដង្ហើមៈ កើតមាន នៅពេលដែល ជាលិកា​ខ្លាញ់ ត្រូវ​បាន​ចាក់​ទម្លុះ​ចូលទៅក្នុង ពោះ នៅ​ចន្លោះ​ផ្ចិត និង ផ្នែក​ខាងក្រោម​នៃ​ឆ្អឹង​សន្ទះ​ទ្រូង ។​

·         ក្លន​លូន នៅត្រង់​សាច់ដុំៈ វា​កើត​មាន​បាន នៅពេល​ដែល​ផ្នែក​ណាមួយ នៃ​សាច់ដុំ​បាន​ធ្លាក់​ចូល ទៅក្នុង​ពោះ ។ វា​ក៏​អាច​កើតមាន​ចំពោះ​សាច់ដុំ នៅត្រង់​ជើង ដែល​វា​អាច​ជា​លទ្ធផល ដោយសារតែ របួស​នៃ​ការលេង​កីឡា ។​

​កត្តា​ប្រឈម​នឹង ជំងឺ​ក្លន​លូន រួមមាន​ដូចជា​៖

·         ភេទៈ ពួក​វា​ច្រើន​កើតមាន​ចំពោះ បុរស ច្រើនជាង ស្ត្រី​។​

·         អាយុៈ កត្តា​ប្រឈម​នឹង​ជំងឺ​នេះ គឺ​នឹង​កើន​ឡើង​ទៅ​តាម​អាយុ​របស់​អ្នក​។​

·         ការ​ធាត់​ខ្លាំងៈ កា​មាន​ទម្ងន់​ខ្លួន​សុ​រប BMI ៣០ ឬ​ច្រើន​ជាង​នេះ ។​

·         តែងតែ​ធ្វើ​ការលើកដាក់ របស់​ធ្ងន់ៗ​។​

·         មានការ​ក្អក ក្នុង​រយៈពេល​ដ៏​យូរ​។​
·         មាន​អាការៈ​ទល់លាមក ក្នុង​រយៈពេល​ដ៏​យូរ ។