តើអ្វីជាបន្ទាលត្រអាក?
បន្ទាលត្រអាក គឺជាសញ្ញា នៃប្រតិកម្មអាលែហ្សី និង ជាធម្មតាវាមិនសូវមានផលប៉ះពាល់ធ្ងន់ធ្ងរនោះទេ ប្រសិនបើវា គ្រាន់តែជារោគសញ្ញាតែមួយ ដែលកូនៗរបស់អ្នកកើតមាន។ កុមារដែលមានចេញបន្ទាលត្រអាក និង មាននូវរោគសញ្ញាធ្ងន់ធ្ងរជាងនេះមានដូចជា ស្នូរដង្ហើមងឺតៗ, មានភាពពិបាកក្នុងការ ដកដង្ហើម ឬ លេបអាហារ ឬ មានការហើមប៉ោង នៅក្នុងមាត់ ឬ បំពង់ក គឺប្រហែលជាអាចកើតមាន នូវប្រតិកម្មថ្នាំ ដែលវាជាស្ថានភាពនៃប្រតិកម្មអាលែហ្សី ក្នុងកម្រិតដ៏ធ្ងន់ធ្ងរមួយ ។ស្ថិត ក្នុងស្ថានភាពនេះ គឺពួកគេ តម្រូវអោយមានការសង្គ្រោះផ្នែកវេជ្ជសាស្ត្រអោយបានជាបន្ទាន់ ។
មូលហេតុដែលធ្វើអោយអ្នកមានបន្ទាលត្រអាក
បើទោះជា មានវត្ថុមួយចំនួនមានដូចជា ប្រភេទអាហារជាក់លាក់មួយចំនួន ជាទូទៅគឺអាចធ្វើអោយអ្នកមានបន្ទាលត្រអាក ក៏អ្នកត្រូវចងចាំក្នុងចិត្តថា គឺស្ទើរតែរាល់រឿងគ្រប់យ៉ាង ក៏អាចជាគន្លឹះមូលហេតុ ដែលនាំអោយមានលេចចេញនូវ បន្ទាលត្រអាកនេះបានផងដែរ ។
មូលហេតុជាទូទៅដែលអាចបណ្តាល អោយមានបន្ទាលត្រអាកមានដូចជា៖
• អាហារ ជាពិសេស មានដូចជា សណ្តែកខៀវ, ស៊ុត, ទឹកដោះគោ, ស្រូវសាឡី និងសណ្តែកសៀង។
• ប្រភេទឱសថមួយចំនួន ជាពិសេសពពួក ថ្នាំអង់ទីប៊ីយូទិក មានដូចជា ប៉េនីស៊ីលីន និង ថ្នាំស៊ុលហ្វា ។
• សារជាតិបន្ថែមនៅក្នុងអាហារ និង ថ្នាំ។
• ការបង្ករោគ ជាពិសេស ការចម្លងរោគនូវពពួក វីរុស។
• សត្វល្អិត ទិច ឬ ខាំ។
• ជាតិជ័រកៅស៊ូ។
• ការហាត់ប្រាណ។
• ស្ថានភាពស្ត្រេស។
• ការប្រឈមទៅនឹងកម្តៅ, ទឹក, អាកាសធាតុត្រជាក់ ឬ មិនថាស្ថិតនៅក្នុងបរិយាកាសណាក៏ដោយ ។
• ការស្ទាបអង្អែល ឬ អេះនៅត្រង់កន្លែងដែលរម៉ាស់ ៕