លោកយាយអង់គ្លេស វ័យ៩០ឆ្នាំម្នាក់ បានក្លាយជាមនុស្សដំបូងគេបង្អស់ក្នុងពិភពលោក ដែលចាក់វ៉ាក់សាំងការពារវីរុសកូរ៉ូណារបស់ក្រុមហ៊ុន Pfizer ។
ចាក់វ៉ាក់សាំងទ្រង់ទ្រាយធំបំផុតក្នុងប្រវត្ដិសាស្ដ្រអង់គ្លេសបានចាប់ផ្តើមនៅថ្ងៃអង្គារនេះ ដោយទីភ្នាក់ងារសុខភាពជាតិអង់គ្លេស នៅមន្ទីរពេទ្យចំនួន៥០កន្លែង ដែលចាក់ទៅលើមនុស្សដែលមានអាយុ៨០ឆ្នាំឡើង និងបុគ្គលិកពេទ្យក៏ដូចជាបុគ្គលិកមណ្ឌលសុខភាពជួរមុខ និងអ្នកងាយរងគ្រោះដទៃទៀត។
លោកស្រី ម៉ាហ្គារ៉េត ឃីណាន់ ដែលនឹងមានអាយុ ៩១ ឆ្នាំនៅសប្តាហ៍ក្រោយ គឺជាមនុស្សដំបូងគេនៅលើពិភពលោកដែលទទួលបានវ៉ាក់សាំងពីក្រុមហ៊ុន Pfizer ចាប់តាំងពីវាត្រូវបានអនុម័ត ដោយនិយតករអង់គ្លេស។ លោកយាយបានហៅការចាក់វ៉ាក់សាំងនេះថាជា “កាដូខួបកំណើតដំបូងបំផុតដែលខ្ញុំប្រាថ្នាចង់បាន”។
រដ្ឋមន្ត្រីសុខាភិបាលអង់គ្លេសនិយាយថា គាត់ហូរទឹកភ្នែក នៅពេលគាត់មើលលោកស្រី ឃីណាន់ ទទួលវ៉ាក់សាំងនៅព្រឹកនេះ៕