​កូរ៉េខាងត្បូង​បានប្រកាស​នៅ​ថ្ងៃ​អង្គារ​នេះ​ថា ខ្លួន​បាន​ចុះហត្ថលេខា​ទិញ​វ៉ាក់សាំង​កូ​វីដ​-១៩ សំរាប់​ចាក់​ដល់​ប្រជាជន​៤៤​លាន​នាក់​នៅ​ឆ្នាំក្រោយ​។​

​រដ្ឋមន្ត្រី​ក្រសួងសុខាភិបាល​កូរ៉េខាងត្បូង បានឱ្យដឹងថា រដ្ឋាភិបាល​បាន​ចុះ​កិច្ចព្រមព្រៀង​ទិញ​វ៉ាក់សាំង​ពី​ក្រុមហ៊ុន AstraZeneca Plc, Pfizer Inc និង Moderna Inc ២០​លាន​ដូ​ស​ពី​ក្រុមហ៊ុន​នីមួយៗ ហើយ​៤​លាន​ដូ​ស​ទៀត​ពី Johnson & Johnson’s Janssen ដែល​ល្មម​សំរាប់​មនុស្ស​៣៤​លាន​នាក់​។​

​វ៉ាក់សាំង​រាប់លាន​ដូ​ស​ទៀត​សំរាប់​មនុស្ស​១០​លាន​នាក់​នឹង​រកបាន​មកពី​គំរោង​ចែកចាយ​វ៉ាក់សាំង​សកល​របស់​អង្គការ​សុខភាព​ពិភពលោក ដែល​គេ​ស្គាល់​ថា Covax​។

​ការចាក់​វ៉ាក់សាំង​ដំបូងៗ​នឹងធ្វើ​ទៅលើ​បុគ្គលិក​ពេទ្យ មនុស្ស​ចាស់ និង​ជន​ងាយ​រងគ្រោះ ព្រមទាំង​បុគ្គលិក​សង្គម ហើយ​ការបញ្ជូន​វ៉ាក់សាំង​នេះ​នឹង​ចាប់ផ្តើម​មិន​ហួស​ខែមីនា​ឆ្នាំក្រោយ​ទេ​។​

​រដ្ឋមន្ត្រី​ខាងលើ​បាន​បញ្ជាក់ថា​កូរ៉េខាងត្បូង​មិនបាន​ពិចារណា​ទិញ​វ៉ាក់សាំង​ពី​ចិន ឬ​រុស្ស៊ី​ទេ​៕​