ទោះបីជាឧស្សាហ៍ទទួលទានតែខ្ញីជាញឹកញាប់ ប៉ុន្តែភាគច្រើននៃពួកយើងប្រហែលជាមិនធ្លាប់ដឹងទេថាភេសជ្ជៈនេះអាចផ្ដល់អត្ថប្រយោជន៍អស្ចារ្យចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  ថាតើតែខ្ញីអាចផ្ដល់ផលល្អៗអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរទទួលទានតែខ្ញីរាល់ថ្ងៃ ៖

១. បំបាត់អាការៈរឹងសន្លាក់

ជំនួសឱ្យការទទួលទានកាហ្វេក្ដៅៗនៅពេលព្រឹក ចូរសាកល្បងតែខ្ញីជំនួសវិញដើម្បីបំបាត់អាការៈរឹងសន្លាក់និងហើមឈឺ។ នេះក៏ព្រោះតែខ្ញីមានលក្ខណៈសម្បត្តិប្រឆាំងការរលាក។

២. កាត់បន្ថយហានិភ័យនៃជំងឺបេះដូង

នេះក៏ព្រោះតែខ្ញីមានសមត្ថភាពកាត់បន្ថយកូឡេស្តេរ៉ូលមិនល្អ ប៉ុន្តែបង្កើនកម្រិតនៃកូឡេស្តេរ៉ូលល្អ ព្រមទាំងរក្សាកម្រិតសម្ពាធឈាមប្រក្រតីផងដែរ។ កម្រិតនៃកូឡេស្តេរ៉ូលទាបនឹងកាត់បន្ថយហានិភ័យនៃជំងឺលើសឈាម ជំងឺដាច់សសៃឈាមខួរក្បាល ជាពិសេសនោះ គឺជំងឺបេះដូង។

៣. ពង្រឹងប្រព័ន្ធភាពស៊ាំនៃរាងកាយ

ខ្ញីជាប្រភពដ៏ប្រសើរនៃសារធាតុប្រឆាំងមេរោគបាក់តេរីដែលជួយប្រយុទ្ធប្រឆាំងនឹងរាល់បាក់តេរីបង្កគ្រោះថ្នាក់។ ប្រសិនបើអ្នកទទួលទានខ្ញីរាល់ថ្ងៃ អ្នកនឹងមិនងាយកើតជំងឺផ្ដាសាយឡើយ។ ខ្ញីក៏មានផ្ទុកសារធាតុប្រឆាំងអុកស៊ីតកម្ម និងលក្ខណៈសម្បត្តិប្រឆាំងការរលាកដែលជួយកម្ចាត់ការរលាកផ្សេងៗក្នុងប្រព័ន្ធប្រសាទនៃប្រព័ន្ធភាពស៊ាំ រួមបញ្ចូលទាំងសមាសធាតុសកម្មបំផុតហៅថា gingerols ជួយកាត់បន្ថយហានិភ័យនៃការឆ្លងមេរោគ។

៤. ទប់ស្កាត់និងព្យាបាលអាការៈឈឺក្បាល

នេះក៏ព្រោះតែខ្ញីមានផ្ទុកសារធាតុប្រឆាំងនឹងការរលាក ហើយទប់ស្កាត់ការរលាកដែលរារាំងសសៃឈាមមិនឲ្យហូរបានត្រឹមត្រូវ។ ការរលាកត្រូវបានកាត់បន្ថយ ការឈឺចាប់ក៏បាត់ទៅតាមនោះដែរ។

៥. បន្សាបជាតិពុលពីក្នុងរាងកាយ

ការទទួលទានតែខ្ញីក៏ជួយកម្ចាត់កាកសំណល់ ក៏ដូចជាជាតិពុលផ្សេងៗចេញពីក្នុងរាងកាយបានយ៉ាងប្រសើរផងដែរ។ មិនត្រឹមតែជួយលាងសម្អាតក្នុងរាងកាយកម្ចាត់ជាតិពុលប៉ុណ្ណោះទេ ប៉ុន្តែតែខ្ញីក៏ជួយព្យាបាលការរលាកផ្សេងៗក្នុងរាងកាយផងដែរតាមរយៈលក្ខណៈសម្បត្តិប្រឆាំងការរលាក និងសារធាតុ Gingerols ដែលវាមានផ្ទុក។

៦. ធ្វើឱ្យការរំលាយអាហារកាន់តែប្រសើរឡើង

ខ្ញីអាចរំញោចការផលិតទឹកមាត់ ទឹកប្រមាត់ និងអាស៊ីតក្រពះដែលដើរតួនាទីយ៉ាងសំខាន់ក្នុងដំណើការរំលាយអាហារ។ អ្វីដែលអ្នកត្រូវធ្វើ គឺគ្រាន់តែទទួលទានតែខ្ញី ឬរួមបញ្ចូលខ្ញីក្នុងរបបអាហារជាការស្រេច៕