យោងតាម CDC បានឱ្យដឹងថា នៅសហរដ្ឋអាមេរិកជម្ងឺបេះដូង ជាជម្ងឺដែលបណ្តាលឱ្យមនុស្សស្លាប់នាំមុខមួយ ដោយក្នុងចំណោម៤នាក់នៃអ្នកជម្ងឺបេះដូង គឺមានម្នាក់ស្លាប់។ ដូច្នោះ គឺប្រហែលជា ៦១០.០០០នាក់ដែលបានស្លាប់ដោយសារជម្ងឺនេះជារៀងរាល់ឆ្នាំ។
ជំងឺបេះដូង គឺមិនរើសអើងទេ។ វាជាបុព្វហេតុឈានមុខនៃការស្លាប់របស់ប្រជាជនជាច្រើន រួមទាំងជនជាតិស្បែកស អ្នកនិយាយភាសាអេស្ប៉ាញ និងជនជាតិស្បែកខ្មៅ។ ស្ទើរតែពាក់កណ្តាលនៃជនជាតិអាមេរិក មានហានិភ័យនៃជំងឺបេះដូង ហើយចំនួននេះកំពុងកើនឡើង។
ខណៈពេលដែលជំងឺបេះដូងអាចមានគ្រោះថ្នាក់ដល់អាយុជីវិត មនុស្សក៏អាចការពារវាបានផងដែរ ដោយប្រកាន់ខ្ជាប់នូវទម្លាប់នៃការរស់នៅដែលមានសុខភាពល្អ។
តើជំងឺបេះដូងមានប៉ុន្មានប្រភេទ? ជំងឺបេះដូង រួមបញ្ចូលបញ្ហាជាច្រើននៃសរសៃឈាមបេះដូង។ ប្រភេទនៃជំងឺបេះដូងរួមមាន៖
-ចង្វាក់បេះដូងលោតខុសធម្មតា ( arrhythmia)
-ការឡើងរឹងនៃសរសៃឈាម (Atherosclerosis)
-សាច់ដុំបេះដូងរឹងឬខ្សោយ (Cardiomyopathy)
-ជំងឺបេះដូងពីកំណើត-(ភាពមិនប្រក្រតីនៃបេះដូងដែលមានតាំងពីកំណើត) (Congenital heart defects)
-ជំងឺសរសៃឈាមបេះដូង (Coronary artery disease (CAD)
-ជំងឺបេះដូង (បណ្តាលមកពីបាក់តេរីវីរុសឬប៉ារ៉ាស៊ីត) (Heart infections)៕