Join with Health.com.kh on Telegram

​បាត​កែងជើង​ដុះ​បន្លា​គឺជា​ការ​កក​ជាតិ​កាល់ស្យូម​នៅ​ខាងក្រោម​ឆ្អឹងកែងជើង​។ ពេល​ថតកាំរស្មីអ៊ិច យើង​នឹង​អាច​មើលឃើញ​បន្លា​ដ៏​ស្រួច​មួយ​ចេញ​ពី​បាត​កែងជើង​រហូតដល់ ២​សង់ទីម៉ែត្រ​ក៏មាន​។
​ទោះបីជា​ជំងឺ​ដុះ​បាត​កែងជើង​ដុះ​បន្លា​ច្រើនតែ​មិន​បង្ក​ការឈឺចាប់​ក៏ដោយ ក៏​វា​អាច​ធ្វើអោយ​បន្លា​ដែល​ដុះ​ចេញ​មក​នោះ​ឈឺ​បានដែរ​។ ជំងឺ​នេះ​តែង​មាន​ទំនាក់ទំនង​នឹង​ការ​រលាក​ស្រោម​សាច់ដុំ​បាត​ជើង ដែល​វា​ជាការ​រលាក​មួយ​មាន​ការឈឺចាប់​ជាខ្លាំង​។

​ចំពោះ​ការព្យាបាល​ទៅលើ​ជំងឺ​ជំងឺ​នេះ​មានដូចជា ការ​ហាត់ប្រាណ ថ្នាំ​បំបាត់​ការ​រលាក និង​ថ្នាំ​ចាក់​ប្រភេទ Cortisone​។ ប្រសិនបើ​ការព្យាបាល​បែប​នេះ​បរាជ័យ អ្វី​ដែល​ជា​ជម្រើស​បន្ទាប់​គឺ​វះកាត់​។

​មូលហេតុ​

​បន្លា​ដុះ​បាត​កែងជើង​កើតឡើង​នៅ​ពេល​ជាតិ​កាល់ស្យូម​ក​កនៅ​ខាងក្រោម​ឆ្អឹងកែងជើង ហើយ​តែងតែ​មាន​រយៈពេល​ច្រើន​ខែ​ទើប​ដឹង​។ បន្លា​នេះ​ច្រើន​តែ​បណ្តាលមកពី​ការ​គ្រិច​សាច់ដុំ​ប្រអប់ជើង និង​សរសៃ​ចង​ឆ្អឹង ហើយ​ចេញ​តែរ​ហែក​ភ្នាស​គ្រប​ឆ្អឹងកែងជើង​ម្តង​ហើយ​ម្តងទៀត​។ បន្លា​ដុះ​បាតជើង​ច្រើនតែ​កើតមាន​ជា​ញឹកញាប់​លើ​កីឡាករ​អត្តពលកម្ម​ដែល​ប្រើ​សកម្មភាព​ជើង​ច្រើន​ដូចជា ការរត់ ឬ​លោត​។

​កត្តា​ប្រឈមមុខ​

  • ​ដំណើរ​នៃ​ការដើរ​មិនធម្មតា ដែល​វា​ដាក់​សម្ពាធ​ទៅលើ​ឆ្អឹងកែងជើង សរសៃ​ចង​ឆ្អឹង​និង​សរសៃប្រសាទ​ក្បែ​កែងជើង​ច្រើនពេក​។​
  • ​ការរត់ ឬ​ដើរ​នៅលើ​ផ្ទៃ​ដែល​រឹងៗ​
  • ​បញ្ហា​ស្បែកជើង​ដែល​ពុំ​សូវ​មាន​ការ​ទ្រទ្រង់​ជើង​គ្រប់គ្រាន់​
  • ​ធាត់​ពេក​
  • អាយុ​កាន់តែច្រើន​កាន់តែ​កាត់បន្ថយ​ភាពបត់បែន​នៃ​ស្រោម​សាច់ដុំ​បាត​ជើង និង​ធ្វើអោយ​ទ្រនាប់​ការពារ​ឆ្អឹងកែងជើង​ស្តើង​
  • ជំងឺ​ទឹកនោម​ផ្អែម​
  • ចំនាយ​ពេល​ប្រើ​ប្រអប់ជើង​ច្រើនពេក​

​រោគសញ្ញា​

​ការ​ដុះ​បន្លា​ក្នុង​បាត​កែងជើង​មិន​បង្ក​ជា​រោគសញ្ញា​អ្វី​ទេ​។ ប៉ុន្តែ​វា​អាច​ទាក់ទង​នឹង​ការឈឺចាប់​រ៉ាំរ៉ៃ​ជាពិសេស​ក្នុង​ពេល​កំពុង​ដើរ ឬ​រត់​តិចៗ ប្រសិនបើ​ការ​រលាក​កើត​មាន​នៅត្រង​ចំនុច​មាន​បន្លា​ដុះ​នោះ​។ ជាទូទៅ មូលហេតុ​នៃ​ការឈឺចាប់​មិនមែន​ជា​បន្លា​ទេ ប៉ុន្តែ​ដោយសារ​តែ​ការ​មាន​របួស​ទៅលើ​ជាលិការ​ទន់ៗ​ទៅវិញ​ទេ​។

​មនុស្ស​ជាច្រើន​ប្រាប់​អំពី​ការឈឺចាប់​របស់​បន្លា​ដុះ​ក្នុង​បាត​កែងជើង និង​ការ​រលាក​ស្រោម​សាច់ដុំ​បាតជើង​នេះ​ដូចជា មាន​ម្ជុលចាក់​ពីក្រោម​បាតជើង​នៅពេល​ក្រោកឈរ​នៅពេល​ប្រឹង ហើយ​ការឈឺចាប់​នោះ​វា​នឹង​នៅ​ឈឺ​ងំ​នៅ​កន្លែង​នោះ​រហូត​។ ពួកគេ​តែងតែ​ប្រាប់​ពី​ការ​ឈឺ​នោះ​ថា ឈឺ​ដូច​គេ​យក​អ្វី​មក​ចាក់​ក្រោយ​ពី​ឈ​ឬ អង្គុយ​រយៈពេល​យូរ​៕