អ្នកទំនងជាស្គាល់ពាក្យដែលត្រូវបានគេស្គាល់ថា “ផ្លែប៉ោមមួយផ្លែក្នុងមួយថ្ងៃធ្វើឱ្យគ្រូពេទ្យឃ្លាតឆ្ងាយ” ។ ទោះបីជាការស្រាវជ្រាវបង្ហាញថា ការញ៉ាំផ្លែប៉ោមច្រើនមិនទាក់ទងអ្វីទៅនឹងការទៅជួបគ្រូពេទ្យតិចជាងមុនក៏ដោយ ប៉ុន្តែការបន្ថែមផ្លែប៉ោម ទៅក្នុងរបបអាហាររបស់អ្នកអាចជួយធ្វើឱ្យប្រសើរឡើងដល់សុខភាពរបស់អ្នក។ ផ្លែប៉ោមមានសារធាតុចិញ្ចឹមខ្ពស់ ហើយត្រូវបានផ្សារភ្ជាប់ជាមួយនឹងអត្ថប្រយោជន៍សុខភាពជាច្រើន រួមទាំងជួយសុខភាពបេះដូងឱ្យប្រសើរឡើង និងកាត់បន្ថយហានិភ័យនៃជំងឺមហារីកមួយចំនួន។ អត្ថបទនេះ និងបង្ហាញឱ្យកាន់តែច្បាស់ថា តើការញ៉ាំផ្លែប៉ោមមួយថ្ងៃ ពិតជាអាចជួយឱ្យវេជ្ជបណ្ឌិតឃ្លាតឆ្ងាយមែនឫទេ។
-មានជីវជាតិខ្ពស់
ផ្លែប៉ោមផ្ទុកទៅដោយសារធាតុចិញ្ចឹមសំខាន់ៗ រួមមានជាតិសរសៃ វីតាមីន ជាតិរ៉ែ និងសារធាតុប្រឆាំងអុកស៊ីតកម្ម។
-ទ្រទ្រង់សុខភាពបេះដូង
ការសិក្សាបង្ហាញថា ការញ៉ាំផ្លែប៉ោម ច្រើនអាចត្រូវបានផ្សារភ្ជាប់ជាមួយនឹងការថយចុះហានិភ័យនៃជំងឺរ៉ាំរ៉ៃមួយចំនួន រួមទាំងជំងឺបេះដូង។
ផ្លែប៉ោមក៏ផ្ទុកទៅដោយ ជាតិសរសៃរលាយ ដែលអាចជួយកាត់បន្ថយសម្ពាធឈាម និងកម្រិតកូលេស្តេរ៉ុល ដែលកត្តាទាំងពីរនេះ គឺជាកត្តាហានិភ័យនៃជំងឺបេះដូង។
-មានផ្ទុកសមាសធាតុប្រឆាំងនឹងជំងឺមហារីក
ផ្លែប៉ោម ផ្ទុកនូវសមាសធាតុជាច្រើន ដែលអាចជួយការពារការកកើតជំងឺមហារីក រួមមាន សារធាតុប្រឆាំងអុកស៊ីតកម្ម។
ទោះយ៉ាងណាការស្រាវជ្រាវបន្ថែម គឺចាំបាច់ ដើម្បីវាយតម្លៃពីផលប៉ះពាល់ដែលអាចកើតមានរបស់ផ្លែប៉ោម និងកំណត់ថាតើកត្តាផ្សេងទៀតអាចពាក់ព័ន្ធបានដែរឬទេ។
-អត្ថប្រយោជន៍សុខភាពផ្សេងទៀត
ផ្លែប៉ោមក៏ត្រូវបានផ្សារភ្ជាប់ទៅនឹងអត្ថប្រយោជន៍សុខភាពជាច្រើនទៀតដែលអាចជួយឱ្យអ្នកនៅឆ្ងាយពីគ្រូពេទ្យបាន៖
+ទ្រទ្រង់ដល់ការសម្រកទម្ងន់
ដោយសារតែជាតិកាកជាតិសរសៃរបស់ពួកគេ ផ្លែប៉ោមធ្វើឱ្យអ្នកបរិភោគមានអារម្មណ៍ឆ្អែត កាត់បន្ថយការទទួលទាន កាឡូរី និងបង្កើនការសម្រកទម្ងន់។
+ធ្វើអោយប្រសើរឡើងនូវសុខភាពឆ្អឹង
ការសិក្សាអំពីមនុស្ស សត្វ និងបំពង់សាកល្បង បានរកឃើញថា ការញ៉ាំផ្លែឈើច្រើនអាចទាក់ទងនឹងការកើនឡើងដង់ស៊ីតេរ៉ែឆ្អឹងនិងបន្ថយហានិភ័យនៃជំងឺពុកឆ្អឹង ។
+លើកកម្ពស់មុខងារខួរក្បាល
ការសិក្សាអំពីសត្វ បានបង្ហាញថា ការញ៉ាំផ្លែប៉ោម អាចជួយកាត់បន្ថយស្ត្រេសអុកស៊ីតកម្ម ការពារការធ្លាក់ចុះនៃខួរក្បាល និងរោគសញ្ញាយឺត នៃភាពចាស់។
+ការពារប្រឆាំងនឹងជំងឺហឺត
ការសិក្សាបានបង្ហាញថា ការទទួលទានផ្លែប៉ោមកាន់តែច្រើន អាចត្រូវបានផ្សារភ្ជាប់ទៅនឹងការថយចុះហានិភ័យនៃជំងឺហឺត។
+កាត់បន្ថយហានិភ័យនៃជំងឺទឹកនោមផ្អែម
យោងទៅតាមការពិនិត្យដ៏ធំមួយ ការញ៉ាំផ្លែប៉ោមមួយផ្លែ ក្នុងមួយថ្ងៃត្រូវបានផ្សារភ្ជាប់ទៅនឹងការថយចុះហានិភ័យនៃការវិវត្តទៅជាជំងឺទឹកនោមផ្អែមប្រភេទទី ២ ចំនួន២៨ភាគរយ បើធៀបនឹងការមិនបរិភោគផ្លែប៉ោមទាល់តែសោះ៕