រលាកអណ្ដាតក្រោយញ៊ាំអ្វីក្ដៅៗ? ចង់ឆាប់ជាសះស្បើយ​ កុំរំលងអត្ថបទនេះ

អាការៈរលាកអណ្ដាតក្រោយពេលទទួលទានអាហារ ឬភេសជ្ជៈក្ដៅៗមិនពិបាកនឹងព្យាបាលឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយព្យាបាលបញ្ហារលាកអណ្ដាតក្រោយទទួលទានអ្វីក្ដៅៗបានឆាប់រហ័ស ៖

១. លាងសម្អាតអណ្ដាតជាមួយទឹកអំបិល

ក្រៅពីលាងអណ្ដាតជាមួយទឹកអំបិលត្រជាក់ អ្នកក៏អាចខ្ពុរមាត់ជាមួយទឹកល្បាយនេះថ្នមៗសឹមខ្ជាក់ចេញ។

២. ជ្រលក់អណ្ដាតក្នុងទឹកដោះគោ

ទឹកដោះគោស្រស់អាចជួយបំបាត់អាការៈឈឺចាប់បានយ៉ាងឆាប់រហ័ស។ អ្វីដែលអ្នកត្រូវធ្វើ គឺគ្រាន់តែជ្រលក់អណ្ដាតក្នុងទឹកដោះគោស្រស់ត្រជាក់ៗនិងរងចាំរហូតដល់មានអារម្មណ៍ធូរស្បើយប្រសើរសឹមដកចេញ។ អ្នកអាចអនុវត្តរូបមន្តនេះសារឡើងវិញនៅពេលមានអារម្មណ៍ឈឺចាប់ម្ដងទៀត។

៣. លាបទឹកឃ្មុំលើតំបន់អណ្ដាតដែលរលាកនិងកុំឆាប់លេបចូល

អ្វីដែលអ្នកត្រូវធ្វើ គឺគ្រាន់តែលាបទឹកឃ្មុំមួយជាន់ ប៉ុន្តែឱ្យក្រាស់លើអណ្ដាតដែលរលាក។ រងចាំសម្រាប់រយៈពេលយូរបន្តិចដើម្បីទទួលបានលទ្ធផលប្រសើរ។

៤. ដាក់ស្ករកៅស៊ូជីអង្កាមលើតំបន់អណ្ដាតដែលរលាក

អ្វីដែលអ្នកត្រូវធ្វើ គឺគ្រាន់តែដាក់ស្ករកៅស៊ូជីអង្កាមមួយដុំផ្ទាល់លើអណ្ដាតដែលរលាក ហើយកុំទំពារ និងមិនត្រូវទុកលើអណ្ដាតយូរពេកឡើយ។

៥. ទឹកប្រទាលកន្ទុយក្រពើស្រស់

អ្នកអាចច្របាច់យកទឹកប្រទាលកន្ទុយក្រពើស្រស់លាបលើពីលើអណ្ដាតដែលមានបញ្ហារលាក ឬប្រើប្រាស់ជែលប្រទាលកន្ទុយក្រពើស្រស់ជាការស្រេច។

៦. ទទួលទានយ៉ាអួរ

អ្វីដែលអ្នកត្រូវធ្វើ គឺគ្រាន់តែទទួលទានយ៉ាអួរដោយទុកឱ្យវាស្ថិតលើអណ្ដាតយូរបន្តិចសឹមលេបចូល៕