មនុស្ស​យើង ម្នាក់ៗ​កើតមក​តែងតែ​មាន​បញ្ហា មិន​ថា​ធំ ឬ​តូច​ទ​។ តើ​អ្នកដឹង​ទេ​ថា ស្ត្រេ​ស​គឺជា​អ្វី​?
 
ស្ត្រេ​ស​(​ការតានតឹង​ក្នុង​ចិត្ត​) ជា​លទ្ធផល​ដែល​កើតចេញពី​ប្រតិកម្ម​រវាង​អារម្មណ៍ និង​សរីរាង្គកាយ​ទៅ​នឹង​ស្ត្រេ​ស​ស៊រ័ (​ប្រភព​នាំឲ្យ​មាន​ការតានតឹង​ក្នុងចិត្ត​)​។​
ស្ត្រេ​ស​ស៊រ័ (​ប្រភព​នាំឲ្យ​មាន​ការតានតឹង​ក្នុងចិត្ត​) មាន​ប្រភព​មក​ពី​បរិស្ថាន ទំនាក់ទំនង ការងារ និង​សង្គម​។​
ស្ត្រេ​ស ជា បញ្ហា​មួយ​កើត​ស្ទើរតែ​គ្រប់​បុគ្គល​ទាំងអស់ មិន​ថា​ស្ត្រី​ឬ​បុរស អ្នក​មាន​ឬ​អ្នកក្រ អ្នក​ជនបទ​ឬ​ទីក្រុង និង​មិនថាតែ​ពេល​ណា​ឬ​មួយ​ណា​ឡើយនៃ​ដំណើរ​ជីវិត​រស់ នៅ​របស់​យើង​គ្រប់ៗ​រូប​។​

ស្ត្រេ​ស​នាំទៅ​ដល់​ការប៉ះពាល់​ទាំង​សុខភាព​ផ្លូវចិត្ត និង​ផ្លូវកាយ​។ ស្ត្រេ​សមាន​ពីរ​ប្រភេទ អវិជ្ជមាន និង​វិជ្ជមាន​៖
  1.    អវិជ្ជមាន​ដូចជា​ភាព​បាត់បង់​ការងារ ឬ​គ្មាន​ការងារ​ធ្វើ ការលំបាក និង​ភាពស្មុគស្មាញ​ក្នុង​ផ្ទះសម្បែង ក្នុង​សាលា ឬ​ក្នុង​ការិយាល័យ​។​
  2.    វិជ្ជមាន​ដូចជា ការ​មាន​បុត្រ​ដំបូង រៀបការ ឬ​ការផ្លាស់ប្តូរ​ទីលំនៅ​។​ល​។​