Join with Health.com.kh on Telegram

​មនុស្ស​ជាច្រើន​មិនបាន​ចាប់អារម្មណ៍​លើ​សកម្មភាព​ប្រចាំថ្ងៃ ដែល​ជះ​ឥ​ទ្ធ​ពល​អាក្រក់​ដល់​ការលូតលាស់​ឆ្អឹង​។ ប្រសិនបើ​អ្នក​ចង់បាន​ឆ្អឹង​រឹងមាំ ចូរ​ចៀសវាង​ទម្លាប់​ខាងក្រោម​នេះ​៖

-​បរិភោគ​អំបិល​ច្រើនពេក​៖ កាលណា​អ្នក​ញ៉ាំ​អំបិល​កាន់តែច្រើន កាល់ស្យូម​ក្នុង​រាងកាយ​របស់​អ្នកនឹង​ត្រូវ​បាត់បង់ ន័យ​ថា​វា​មិន​មាននៅ​ទីនោះ​ដើម្បី​ជួយ​ឆ្អឹង​របស់​អ្នក​ទេ​។

-​ការ​សម្លឹងមើល​យូរពេក​៖ ជាការ​ប្រសើរ​ណាស់​ក្នុងការ​រីករាយ​ជាមួយ​កម្មវិធី​ដែល​អ្នក​ចូលចិត្ត​។ ប៉ុន្តែ​វា​ងាយស្រួល​ណាស់​ក្នុងការ​ចំណាយពេល​រាប់​ម៉ោង​នៅ​ពីមុខ​អេក្រង់​។ នៅពេលដែល​វា​ក្លាយជា​ទម្លាប់​ក្នុងការ​សំរាកលំហែ ដែល​អ្នក​មិនមាន​ចលនា​បាន​គ្រប់គ្រាន់ នោះ​ឆ្អឹង​របស់​អ្នកនឹង​ត្រូវ​បាត់បង់​។ ការធ្វើ​លំ​ហាត់ប្រាណ អាចធ្វើឱ្យ​ឆ្អឹង​អ្នក​កាន់តែ​រឹងមាំ​។

-​ការ​ជិះ​កង់​ឆ្ងាយ​ពេក​៖ នៅពេល​អ្នកជិះ​កង់​ទៅធ្វើ​ការ ឬ​ជិះ​ជាច្រើន​ម៉ោង​នៅ​ចុង​សប្តាហ៍​បេះដូង និង​សួត​របស់​អ្នក​កាន់តែ​រឹងមាំ​។ ចុះ​ចំណែក​ឆ្អឹង​របស់​អ្នក​វិញ​? ដោយសារតែ ការ​ជិះ​កង់​មិន​បង្កើន​ដង់ស៊ីតេ​ឆ្អឹង​របស់​អ្នក ដូច​ការដើរ​រត់​និង​ការឡើង​ភ្នំ​ទេ​។

-​សម្ងំ​ក្នុង​បន្ទប់​ច្រើនពេក​៖ រាងកាយ​របស់​យើង​បង្កើត​វីតាមីន D នៅក្នុង​ពន្លឺព្រះអាទិត្យ​។ គ្រាន់តែ ១០-១៥ នាទី ច្រើនដង​ក្នុង​មួយ​សប្តាហ៍​អ្នក​ប្រាកដជា​អាចធ្វើ​បាន​។ ប៉ុន្តែ​កុំ​ធ្វើ​វា​ហួសហេតុ​ពេក​។​

-​ផឹក​គ្រឿង​ស្រវឹង​ឫ​ស្រា​ច្រើន​៖ នៅពេលដែល​អ្នក​ចេញទៅ​ក្រៅ​ជួបជុំ​ជាមួយ​មិត្តភក្តិ ស្តាប់ទៅ​ដូចជា​សប្បាយ​។ ប៉ុន្តែ​ដើម្បី​រក្សា​ការបាត់បង់​ឆ្អឹង អ្នក​គួរតែ​កំណត់​បរិមាណ​ជាតិ​អាល់កុល​ដែល​អ្នក​ផឹក​។ មិនគួរ​អោយលើស​ពីមួយ​កែវ​ក្នុង​មួយថ្ងៃ​សំរាប់​ស្ត្រី និង​ពីរដង​សំរាប់​បុរស​ត្រូវបាន​ណែនាំ​។ ជាតិ​អាល់កុល​អាច​រំខាន​ដល់​របៀប​ដែល​រាងកាយ​របស់​អ្នក​ស្រូប​យកជាតិ​កាល់ស្យូម​។​

-​ផឹក​ភេសជ្ជៈ​ច្រើនពេក​៖ សូ​ដា អាច​នឹងមាន​រស់ជាតិ​ឈ្ងុយឆ្ងាញ់ ប៉ុន្តែ​បើ​អ្នក​ផឹក​វា​ច្រើនពេក​អាច​បង្ក​គ្រោះថ្នាក់​ដល់​ឆ្អឹង​របស់​អ្នក​។ ការសិក្សា​ខ្លះ បាន​ផ្សារភ្ជាប់​ការបាត់បង់​ឆ្អឹង​ជាមួយនឹង​ជាតិ​កាហ្វេ​អ៊ី​ន​និង​ផូស្វ័រ​នៅក្នុង​ភេសជ្ជៈ​ទាំងនេះ​។ អ្នកជំនាញ​ផ្សេងទៀត​បានលើកឡើង​ថា​ការខូចខាត​កើតឡើង​នៅពេល​អ្នក​ជ្រើស​រើសយក​សូ​ដា​ជំនួស​ទឹកដោះគោ​ឬ​ភេសជ្ជៈ​ផ្សេងទៀត​ដែលមាន​ផ្ទុក​កាល់ស្យូម​។ កាហ្វេ​ឬ​តែ​ច្រើន​ពែង​ក៏​អាចធ្វើឱ្យ​ឆ្អឹង​កាល់ស្យូម​របស់​អ្នក​បាត់បង់​ដែរ​។​

-​ស្រូវ​សាលី​ជាមួយ​ទឹកដោះគោ​៖ តើ​មាន​អ្វីដែល​ស្តាប់ទៅ​ល្អ​ជាង​កន្ទក់​ស្រូវ​សាលី​? ប៉ុន្តែ​នៅពេលដែល​អ្នក​ញ៉ាំ​វា​ជាមួយ​ទឹកដោះគោ​រាងកាយ​របស់​អ្នក​ស្រូប​យកជាតិ​កាល់ស្យូម​តិច​។

-​ជក់បារី​កែ​អផ្សុក​៖ នៅពេលដែល​អ្នក​ស្រូប​ផ្សែង​បារី​ជាប្រចាំ​រាងកាយ​របស់​អ្នក​មិនមាន​ភាពងាយស្រួល​ក្នុងការ​បង្កើត​ជាលិកា​ឆ្អឹង​ថ្មី​ទេ​។ កាលណា​អ្នក​ជក់​កាន់តែ​យូរ​វា​កាន់តែ​អាក្រក់​ទៅៗ​។ ប្រសិនបើ​អ្នក​ឈប់​ជក់បារី​អ្នក​អាច​បន្ថយ​ហានិភ័យ​ទាំងនេះ និង​ធ្វើឱ្យ​សុខភាព​ឆ្អឹង​របស់​អ្នក​ប្រសើរឡើង ទោះបីជា​វា​ត្រូវការ​ពេល​ច្រើន​ឆ្នាំ​ក៏ដោយ​។​

-​ការប្រើ​ថ្នាំ​ជាប្រចាំ​៖ ថ្នាំ​មួយចំនួន ជាពិសេស​ប្រសិនបើ​អ្នក​ត្រូវ​ប្រើ​វា​ក្នុង​រយៈពេល​យូរ​អាច​ជះឥទ្ធិពល​អវិជ្ជមាន​ដល់​ឆ្អឹង​របស់​អ្នក​។ ថ្នាំ​ប្រឆាំងនឹង​ការ​ប្រកាច់​ខ្លះ និង glucocorticoid ដូចជា prednisone និង cortisone អាច​បណ្តាលឱ្យ​បាត់បង់​ឆ្អឹង​។​

-​ស្គម​ជ្រុល​ពេក​៖ ទំងន់​រាងកាយ​ទាប​, BMI នៃ ១៨.៥ ឬ​តិចជាង​, មានន័យថា​ឱកាស​កាន់តែច្រើន​នៃ​ការបាក់​ឆ្អឹង​និង​ការបាត់បង់​ឆ្អឹង​។ ប្រសិនបើ​អ្នកមាន​រាង​តូច​ចូរ​ធ្វើ​លំ​ហាត់ប្រាណ​ដែល​រាងកាយ​អ្នក​ទ្រាំទ្រ​រួច ហើយ​សួរ​គ្រូពេទ្យ​ប្រសិនបើ​អ្នកត្រូវការ​ជាតិ​កាល់ស្យូម​បន្ថែម​នៅក្នុង​របប​អាហារ​របស់​អ្នក​។ ប្រសិនបើ​អ្នក​មិន​ច្បាស់​ថា​ហេតុអ្វី​បានជា​អ្នក​មិន​ឡើង​ទម្ងន់​សូម​សាកសួរ​គ្រូពេទ្យ​អំពី​បញ្ហា​នោះ​ផងដែរ​។ ពួកគេ​អាច​ពិនិត្យ​មើលថា​តើ​ជំងឺ​បរិភោគ ឬ​បញ្ហា​សុខភាព​ផ្សេងទៀត​គឺជា​ហេតុផល​។​

-​ប្រសិនបើ​អ្នក​ដួល​៖ នៅពេល​អ្នក​កាន់តែ​ចាស់​ទៅៗ ការ​ដួល​នឹង​កាន់តែ​គ្រោះថ្នាក់​ជាពិសេស​ប្រសិនបើ​អ្នកមាន​ឆ្អឹង​ខ្សោយ​។ បើ​អ្នក​បាក់ឆ្អឹង អាច​ចំណាយពេល​យូរ ដើម្បី​ជាសះស្បើយ​។ ចំពោះ​មនុស្ស​វ័យ​ចំណាស់​វា​ច្រើនតែ​ជាការ​ចាប់ផ្តើម​នៃ​ការធ្លាក់ចុះ ដែល​ពិបាក​នឹង​វិល​ត្រឡប់មកវិញ​៕