Join with Health.com.kh on Telegram


​ក្រៅពី​ការជ្រើសរើស​ពូក​ដ៏​ត្រឹមត្រូវ ក៏មាន​វិធី​ផ្សេងទៀត​ដែល​អ្នក​អាច​កាត់បន្ថយ​ការឈឺ​ត្រគាក​ឱ្យ​គេង​លក់​ស្រួល​។ ខាងក្រោម​នេះ​ជា​យុទ្ធសាស្ត្រ​មួយចំនួន​ដែល​អ្នក​គួរ​ពិចារណា​៖

​ផ្លាស់ប្តូរ​ទីតាំង​គេង​របស់​អ្នក
​វា​អាច​លំបាក​បន្តិច​នៅពេល​ដំបូង​។ ប៉ុន្តែ​ចូរ​ព្យាយាម​ធ្វើ​វា ដោយ​ចាប់ផ្តើម​ជំនួស​ការ​គេង​ផ្អៀង ឫ គេង​ផ្ងារ នៅពេល​យប់ ដោយ​ការ​គេ​ផ្កាប់មុខ​។ ការ​គេង​សង្កត់​លើ​ក្បាលពោះ​របស់​អ្នក អាចជួយ​សម្រួល​ដល់​ការតម្រង់​ឆ្អឹងខ្នង​របស់​អ្នក ដូច្នេះ​ការផ្លាស់ប្តូរ​នេះ​នឹង​អាចជួយ​អោយ​អ្នក​ធូរស្បើយ​។​

​លាតសន្ធឹង​មុនពេល​ចូល​គេង
​ព្យាយាម​លាតសន្ធឹង​ចង្កេះ របស់​អ្នក​មុនពេល​ចូល​គេង ដោយ​ការ​កន្ធែកជើង​របស់​អ្នក ពេល​អ្នក​អង្គុយ​ចុះ ហើយ​សង្កត់​ជើង​ទាំងសងខាង​ថ្នមៗ ។ អ្នក​ក៏​អាច​សាកល្បង​ធ្វើ​លំ​ហាត់ប្រាណ មុនពេល​ចូល​គេង ឬ សណ្តូក​ពេញ​មួយថ្ងៃ ដើម្បី​បង្កើន​ភាពបត់បែន និង​បន្ថយ​តឹង​ណែន​។

​លើកជើង​របស់​អ្នក
​ការលើក​ជើងពេល​អ្នក​គេង ក៏​អាចជួយ​បន្ធូរ​សម្ពាធ​លើ​ត្រគាក និង​ឆ្អឹងខ្នង​របស់​អ្នក​បានដែរ​។ វិធី​ល្អ​បំផុត​ក្នុង​ការធ្វើ​ដូច្នេះ គឺ​ត្រូវ​ប្រាកដថា​ទំងន់​ជើង​របស់​អ្នក ត្រូវបាន​ទ្រ​ដោយ​ខ្នើយ ឫ​ភួយ​ដែល​បត់​។​

​ប្រើ​ខ្នើយ​នៅ​ចន្លោះ​ជង្គង់​របស់​អ្នក
​ស្រដៀង​គ្នា​នឹង​ការកាត់បន្ថយ​សម្ពាធ​លើ​ត្រគាក​ដោយ​ការលើក​ជើង​របស់​អ្នក​ដែរ​។ សម្រាប់​អ្នក​គេង​ផ្អៀង ការដាក់​ខ្នើយ​នៅ​ចន្លោះ​ជើង អាចជួយ​តម្រង់​ចង្កេះ​និង​ខ្នង​បាន​។

​សាកល្បង​ការ​ម៉ាស្សា​ឬ​ព្យាបាល​ដោយ​ចលនា​ផ្សេងទៀត
​អ្នក​ក៏​ប្រហែលជា​ចង់​សាកល្បង​ប្រើ​នូវ​ឧបករណ៍​ម៉ាស្សា​ផ្សេងៗ ដើម្បី​ជួយ​រំញោច​តំបន់​មួយចំនួន​, សម្រួល​សាច់ដុំ បង្កើន​លំហូរ​ឈាម និង​បំបាត់​ការឈឺចាប់​មុនពេល​អ្នក​ចូល​គេង​៕