ការរលាកស្រោមពោះបណ្តាលមកពីការបង្ករោគដោយពពួកបាក់តេរី ឬផ្សិតទៅលើស្រោមពោះ ជាពិសេសនៅផ្នែកខាងក្នុងនៃជញ្ជាំងពោះដែលគ្របពីលើសិរីរាង្គក្នុងពោះ។ ការរលាកស្រោមពោះកើតចេញពីការធ្លាយអ្វីមួយនៅក្នុងពោះ ឬផលវិបាកនៃជំងឺផ្សេងៗ។
ការរលាកស្រោមពោះត្រូវការព្យាបាលជាបន្ទាន់ដើម្បីប្រឆាំងនឹងជំងឺដែលបង្កបញ្ហា។ ជាទូទៅការព្យាបាលការរលាកស្រោមពោះតែងតែមានការចូលរួមពីថ្នាំអង់ទីបីយ៉ូទិច ហើយករណីខ្លះក៏ត្រូវវះកាត់ដែរ។ ការដែលមិនបានព្យាបាលការរលាកស្រោមពោះ វានឹងវិវឌ្ឈន៍ទៅជាសភាពធ្ងន់ធ្ងរ ដែលអាចគំរាមគំហែងដល់ជីវិតអ្នកជំងឺបាន។
ផលវិបាក
ការដែលមិនបានព្យាបាលធ្វើអោយការរលាកស្រោមពោះអាចរាលដល់ពេញស្រោមពោះទាំងមូល និងបណ្តាលអោយ៖
- មេរោគចូលក្នុងឈាម
- មេរោគបញ្ចេញជាតិពុលទៅក្នុងឈាម (Sepsis) ដែលអាចគ្រោះថ្នាក់ដល់ជីវិត
ការបង្ការ
ជាធម្មតា ការរលាកស្រោមពោះដែលជាប់ទាក់ទងជាមួយនឹងការលាងស្រោមពោះច្រើនបណ្តាលមកពីមានមេរោគនៅក្នុងបំពង់លាង ដូច្នេះចូរធ្វើតាមជំហ៊ានដូចខាងក្រោមនេះទៅដើម្បីបង្ការការរលាកស្រោមពោះ៖ - លាងសម្អាតដៃ ទាំងក្នុងក្រចក និងចន្លោះម្រាមដៃមុនពេលប៉ះបំពង់លាង
- លាងសម្អាតស្បែកនៅជុំវិញបំពង់ជាមួយនឹងថ្នាំសម្លាប់មេរោគរាល់ថ្ងៃ
- ទុកដាក់ឥវ៉ាននៅក្នុងកន្លែងដែលគ្មានមេរោគ
- និយាយជាមួយក្រុមការងារលាងស្រោមពោះអោយមានការយកចិត្តទុកដាក់ល្អបំផុត។
ប្រសិនបើអ្នកមានការរលាកស្រោមពោះដោយឯងៗពីមុនមក ឬមានជំងឺក្រិនថ្លើម គ្រូពេទ្យប្រហែលជាត្រូវចេញថ្នាំអង់ទីបីយ៉ូទិចដើម្បីបង្ការកុំអោយរលាកដល់ស្រោមពោះ៕