ផ្សិត គឺជាឧទារហរណ៍ដ៏អស្ចារ្យមួយនៃពាក្យស្លោកថា “កុំវិនិច្ឆ័យសៀវភៅមួយក្បាលដោយក្របរបស់វា” ។ ពិតមែនហើយពួកគេជាផ្សិត! ប៉ុន្តែផ្សិត សមនឹងត្រូវបានគេបោះចូលទៅក្នុងរទេះឥវ៉ាន់របស់អ្នក ហើយបន្ថែមទៅក្នុងអាហារជាញឹកញាប់ ។ នេះជាហេតុផល ៦ យ៉ាងដែល អ្នកគួរបរិភោគផ្សិត ៖
១.ពួកគេផ្តល់វីតាមីន D៖ ផ្សិតគឺជាមុខទំនិញតែមួយគត់ដែលផ្តល់វីតាមីន D ដែលជាសារធាតុចិញ្ចឹម មិនងាយនឹងទទួលបានពីអាហារដែលយើងបានបរិភោគជាទូទៅ។
២.ពួកគេមានរស់ជាតិដូចសាច់៖ រសជាតិផ្សិតត្រូវបានគេពិពណ៌នាជាភាសាជប៉ុនថា “អ៊ូម៉ាមិ” ដែលមានន័យថា “រសជាតិរីករាយ” ។ ប្រភេទផ្សិត Portabella (និង cremini) មានរសជាតិដូចសាច់ ហើយក៏មើលទៅដូចសាច់ផងដែរ ហេតុដូច្នេះហើយទើបអ្នកនឹងឃើញវាដុតទាំងមូលឬ ដាក់វានៅលើនំប៊ឺរហ្គឺរជំនួសសាច់។
៣.ពួកគេមានជាតិសេលេញ៉ូមខ្ពស់៖ ផ្សិតគឺជាអាហារមួយប្រភេទ ដែលមានសេលេញ៉ូមខ្ពស់ជាងគេបំផុតក្នុងជួរផលិតផល។ នេះ គឺជាសារធាតុរ៉ែ ដែលធ្វើការដូចជាអង់ទីអុកស៊ីដង់ នៅក្នុងរាងកាយរបស់អ្នក ដោយការពារកោសិការបស់អ្នក ប្រឆាំងនឹងការកើតជំងឺផ្សេងៗ។ សេលេញ៉ូមក៏ដើរតួក្នុងប្រព័ន្ធភាពស៊ាំផងដែរ៕
៤.ពួកវាអាចរលាយនៅក្នុងសាច់កិន៖ ជាមួយនឹងរស់ជាតិ និងរូបរាងដូចសាច់ ព្រមសមត្ថភាពដែលវាអាចរលាយបាត់ក្នុងសាច់កិន ពួកវាគឺជាគន្លឹះចំបងមួយដែលកាត់បន្ថយបរិមាណសាច់គោកិន (ឫសាច់ជ្រូក សាច់មាន់កិន) ដែលអ្នកប្រើនៅក្នុងអាហារ។ ជាមួយគ្នានេះ អ្នកនឹងអាចកាត់បន្ថយបរិមាណខ្លាញ់ និង កាឡូរី នៅក្នុងអាហាររបស់អ្នកផងដែរ៕
៥. ពួកគេអាចជួយក្នុងការសម្រកទម្ងន់៖ ផ្សិតមានកាឡូរីទាបបំផុត។ មានតែកាឡូរីប្រហែល ២០ កាឡូរីប៉ុណ្ណោះក្នុងផ្សិតមូលពណ៌សចំនួន៥គ្រាប់ រឺក៏ផ្សិត portabella ទាំងមូល!
៦.វាជាដំណាំដែលមាននិរន្តរភាព៖ ផ្សិតត្រូវបានដាំនៅក្នុងថាសក្នុងផ្ទះ និងមិនត្រូវការពន្លឺព្រះអាទិត្យដីស្រែចំការឬទឹកច្រើនទេ។ នៅពេលដែលអ្នកញ៉ាំវាជំនួសសាច់ ឬលាយជាមួយសាច់ ដូច្នេះមានន័យថាអ្នកកំពុងញ៉ាំសាច់តិចជាងមុន ហើយអ្នកក៏កំពុងបន្ថយកំរិតកាបូនសរុបនៃអាហាររបស់អ្នកផងដែរ៕
