រោគសញ្ញាប្រកាសអាសន្នភ្លាមៗគឺជាការប្រែប្រួលទាំងឡាយណាដែលកើតឡើងមុនពេល ឬពេលចាប់ផ្តើមបំផុតនៃការធ្វើទុក្ខរបស់ជំងឺហឺត។ សញ្ញាអស់ទាំងនេះប្រហែលជាចាប់ផ្តើមកើតមានមុនពេលដឹងច្បាស់ថាជារោគរបស់ជំងឺហឺត ហើយក៏ជាសញ្ញាភ្លាមៗបំផុតដែរ ដែលជំងឺហឺតរបស់អ្នកកំពុងតែមានអាការៈធ្ងន់ធ្ងរ។
ជាទូទៅ សញ្ញាអស់ទាំងនេះមិនធ្ងន់ធ្ងរគ្រប់គ្រាន់សម្រាប់បញ្ឈប់អ្នកពីការធ្វើការងារប្រចាំថ្ងៃឡើយ។ ប៉ុន្តែតាមរយៈការសម្គាល់ដឹងអំពីសញ្ញាអស់ទាំងនេះ អ្នកអាចបញ្ឈប់ការធ្វើទុក្ខ ឬបង្ការវាទុកមុនកុំអោយទៅជាធ្ងន់ធ្ងរទាន់។ រោគសញ្ញាប្រកាសអាសន្នភ្លាមៗរបស់ជំងឺហឺតមានដូចជា៖
– ឧស្សាហ៍ក្អក ជាពិសេសនៅពេលយប់
– ពិបាកដកដង្ហើម
– មានអារម្មណ៍ថាអស់កម្លាំង ឬខ្សោយខ្លាំងពេលហាត់ប្រាណ
– ដកដង្ហើមលឺសូរដូចហួច ឬក្អកក្រោយពីហាត់ប្រាណរួច
– កាត់បន្ថយ ឬប្រែប្រួលមុខងារសួតនៅពេលវាស់ទៅលើលំហូរខ្យល់ក្នុងសួត
– សញ្ញានៃជំងឺផ្តាសាយ ឬអាឡែហ្ស៊ី (ក្រដាស់, ហៀរសម្បោរ, ក្អក, តឹងច្រមុះ, ឈឺបំពង់ករ និងឈឺក្បាល)។
– ពិបាកដេក
បើសិនជាអ្នកមានសញ្ញាប្រកាសអាសន្នរបស់ជំងឺហឺតលឿនអញ្ជឹង អ្នកគួរតែប្រើថ្នាំព្យាបាលជំងឺហឺតទៅតាមគម្រោរបស់អ្នកភ្លាមទៅ។
ការយល់ដឹងអំពីរោគសញ្ញានៃការធ្វើទុក្ខរបស់ជំងឺហឺត
ការធ្វើទុក្ខរបស់ជំងឺហឺតគឺជាពេលវេលាមួយដែលសាច់ដុំជាច្រើននៅជុំវិញផ្លូវដង្ហើមរឹងតឹងខ្លាំង។ ក្នុងពេលធ្វើទុក្ខនេះ កម្រាលរបស់ផ្លូវដង្ហើមទៅជាហើម ឬរលាក ហើយកោសិការកម្រាលទាំងនោះផលិតជាសារធាតុសម្បោររំអិលជាច្រើនហើយក្រាសជាងធម្មតា។
ការរឹងតឹងរបស់សាច់ដុំផ្លូវដង្ហើម, ការរលាក និងការផលិតសារធាតុសម្បោររំអិលទាំងអស់នេះបង្កើតទៅជារោគសញ្ញាដូចជា ពិបាកដកដង្ហើម, ដកដង្ហើមលឺដូចហួច, ដកដង្ហើមបានខ្លីៗ, ពិបាកបំពេញការងារធម្មតាប្រចាំថ្ងៃ។ រោគសញ្ញាផ្សេងៗទៀតនៃការធ្វើទុក្ខរបស់ជំងឺហឺតមានដូចជា៖
– ដកដង្ហើមលឺសូរដូចហួចធ្ងន់ធ្ងរទាំងចេញ និងចូល
– ក្អកអត់ឈប់
– ដកដង្ហើមញាប់ខ្លាំង
– ឈឺទ្រូង ឬតឹងទ្រូង
– សាច់ដុំករ និងទ្រូងតឹង
– ពិបាកនិយាយ
– មានអារម្មណ៍ថាថប់អារម្មណ៍ ឬភ័យៗ
– ស្លេកស្លាំង, បែកញើសលើមុខ
– បរបេរមាត់ ឬក្រចកដៃទៅជាពណ៌ខៀវ៕
