​ប៉ូ​តា​ស្យូម​ចុះ​ទាប​ក្នុង​ឈាម​អាច​កើតឡើង​ដោយសារ​ហេតុផល​ជាច្រើន​ដូចជា ការប្រើ​ថ្នាំ​បញ្ចុះ​ទឹកនោម រាគ​រុស និង​ប្រើ​ថ្នាំ​បន្ទន់​លាមក​យូរ​។ មាន​ជំងឺ​ជាច្រើន​ប្រភេទ​ទៀត​ក៏​អាច​បណ្តាលអោយ​ប៉ូ​តា​ស្យូម​ក្នុងឈាម​ចុះ​ទាប​បាន​ដែរ​។ មនុស្ស​ស្រី និង​ជនជាតិ​អាហ្វ្រិក​កាត់​អាមេរិក​មាន​ការប្រឈមមុខ​ខ្ពស់​ជាងគេ​។​
​មូលហេតុ​ផ្សេងៗ​ទៀត​៖
 

​ការបាត់បង់​ដោយសារ​តម្រងនោម​
– បញ្ហា​តម្រងនោម​ដូចជា ជំងឺ Renal Tubular Acidosis
– កង្វះ​ជាតិ​ម៉ាញ៉េ​ស្យូម​
– មហារីក​ឈាមស​
– ជំងឺ Cushing’s Disease

បាត់បង់​ប៉ូ​តា​ស្យូម​តាម​រយៈ​ក្រពះ និង​ពោះវៀន​
– ក្អួត​
– ប្រើ​ថ្នាំ​បន្ទន់​លាមក​ច្រើនពេក​
– រាគ​រុស​
– ក្រោយ​ពី​វះកាត់​ចុះ​ពោះវៀនធំ​រួច​

ឥទ្ធិពល​របស់​ថ្នាំ​
– ថ្នាំ​បញ្ចុះ​ទឹកនោម​
– ប្រើ​ថ្នាំ​ព្យាបាល​ជំងឺហឺត ឬ​ជំងឺ​សួត (​ដូចជា Beta-adrenergic Agonist ប្រភេទ Bronchodilators, Steroids ឬ Theophylline)
– ថ្នាំ Aminoglycosides

ការ​ជ្រៀប​ចេញ​ចូល​នៃ​ជាតិ​ប៉ូ​តា​ស្យូម​ក៏​អាច​ធ្វើអោយ​កំហាប់​ប៉ូ​តា​ស្យូម​ថយចុះ​ក្នុង​ឈាមដែរ​។​
– ប្រើ​ថ្នាំ​អាំង​សុ​យ​លីន​
– មាន​ជំងឺ Metabolic States (Alkalosis)
 

កង្វះ​អាហារូបត្ថម្ភ​
– មិន​ឃ្លាន​អាហារ​
– វះកាត់​ក្រពះ​
– ផឹកស្រា​៕